Próflok og fjölgun..

Prófið gekk vel. Stort 9 tal og mikið hrós.

Aðal fréttirnar eru samt að það fjölgaði á Stekkjarflötinni þann 14. Júní. Almar föðurbróðir minn og Guðrún konan hans voru að eignast fjórða barnið sitt. Lítill og ótrúlega sætur strákur.
Til hamingju!!

Ekkert smá fallegur og föngulegur hópur. Enda frændsystkini mín :)

Eksamen og trusser..

Annad hvort er censor-inn tík eda tha ad danir eru heimskir. Thad er enginn búinn ad fá yfir 7 af theim sem eru búnir ad fara inn og framleggja. Og thad eru tveir fallnir. Gaman ad thvi.

Ég fer upp klukkan 13.30 á morgun og hef annad hvort enga ástædu til ad vera stressud eda mjög mikla.

Ad ödru. Í gær fór ég nidur til Einars og baud honum upp í heimsókn. Vill svo skemmtilega til ad thad tharf einmitt ad setja upp hillur, hurd og gardínur. Tekur thvi samt varla ad setja upp thessar gardínur, thad eru allir í blokkinni á móti búnir ad sjá mig á nærbuxunum hvort ed er.

Kalt í Danmörku núna. Ég er í gallabuxum og Cintamani flíspeysu. Svaf líka vel í nótt, thvi thad var ekki 30 stiga hiti inni hjá mér og 3000 myg flugur. Ljúft.

Gummi frændi er ógedslega fyndinn. Fékk thetta sent í símann minn thegar hann var á ferdalagi í Búddapest...

Slys

Í dag, 13. júní á ég 20 ára getnadarafmæli. Fyrir 20 árum, nánar til tekid á fostudeginum threttánda. Thá voru sum sé David Bowie tónleikar í London og ég vard til. Mjog óvart. Ég var svo ekki uppgotvud fyrr en 7 mánudum seinna. Gaman ad thessu.

Fínt ad frétta annars. Stóra prófid á fostudaginn. Ég er ómálud, í joggaranum uppí skóla ad læra. Ísland á..tja veit ekki hvenær ég ætla ad koma. En thad verdur fyrir 20.júní. Hlakka mikid mikid til.

Bleee

Útlenska

Getur einhver sagt mér hvernig madur segir "NEI!" á karlmennsku?

Mee

34 gráður sýndi hitamælirinn í skugganum í dag klukkan 14.00

Það er ógeð. Það er ekki hægt að vera. Of heitt. Alltof heitt.

Ég er sveitt. Sit í sófanum með viftuna á milljón. Klukkan er að ganga 20.00.

Á morgun er svipuð spá. Ég verð í skólanum til 16.00 - Stemmari.

Komin í "pakkann"

Ég er orðin Við.
Ég vaknaði í eintölu og fór að sofa í fleirtölu.
Svo virðist vera sem Íris og ég séum búnar að eyða of miklum tíma saman. Fólk er farið að tala um okkur sem par. Allavega var Íris spurð í gær hvort að VIÐ værum búnar að ákveða hvort við ætluðum í útileguna um helgina. Þetta fannst henni sjálfsagður hlutur og sagði að VIÐ værum ekki búnar að taka ákvörðun ennþá, en VIÐ myndum bara vera í sambandi..
Skemmtilegt. Ég sem er með skuldbindningar fóbíu á háu stigi.

Hryllilega gott veður, slefar í 30 stig. Ströndin, barinn, mygbit, sviti og hiti.
Ég ætla samt að skauta á barinn núna á eftir, því það er greynilega frosið í helvíti...

Ég er með naglalakk á tánum...!

Kollegílífið gengur alveg ljómandi vel og er alveg svakalega skemmtilegt. Nema þegar að maður vaknar við fulla spánverja klukkan 03.00 á nóttunni. En það venst.
Ehm ég hef ekkert annað að blogga um, ótrúlegt en satt.
Jú, ég fór til læknis útaf ofnæminu og samkvæmt lækninum er ég með mjög slæmt tilfelli af frjókorna/grasofnæmi og asma. Fór áðan og fékk sprautu í rassinn útaf ofnæminu. Núna er ég dofin frá hægri rasskinn og niðrá miðjan kálfa. Skemmtilegt.

Bongó blíða

Ætlaði að tuða yfir því hvað mig langaði að vera á sólarströnd. En svo hringdi pabbi í mig frá Portúgal og sagðist nú bara vera í sundlaugargarðinum í 20 stiga hita og sól. Það eru 25 stig hérna og glampandi sól. Svo gott veður að ég get ekki verið úti.
Upphaflega ástæðan var vegna þess að ég hef þjáðst af miklu frjókornaofnæmi í gegnum árin, sem virðist hafa aukist um 100% frá því í fyrra. En núna er ástæða fyrir inniveru minni önnur. Dóp. Ég varð svo glöð þegar að ég fann upp aðferð til að halda ofnæminu niðri í heila 2 tíma í einu. Með því að taka tvær Benadryl (með 8 tíma virkni), eina Zyrtek (24 tíma virkni) og eina bráðaofnæmistöflu næ ég að anda með munninum, nefinu og sjá útúr augunum.
En ég er svo dópuð að ég get ekki gert nokkurn skapaðan hlut.
Spurning um að fara til læknis?

Ammmmælis

Sigríður Soffía litla systir mín á afmæli í dag. Orðin táningur. Þess vegna sem ég flutti út. Það er ekki hægt að búa með tveim gelgjum.
Frumlegasti krakki sem ég veit um. Hún hefur meðal annars tekið sig til og farið í þagnabindindi í nokkra daga - hélt það út, öllum að óvörum. Af og til er hún líka grænmetisæta, en það er bara þangað til að það er eitthvað djúsí kjöt í matinn.
Ótrúlega skapstórt barn. Held hún fari alveg pottþétt í pólitík þegar hún eldist. Allavega einhverja stjórnunarstöðu.
En já, annars til hamingju með afmælið, litla mín.

Guðmundur Óskarsson (móður)bróðir minn á afmæli í dag. 31 árs ára, eins og maðurinn sagði. Maðurinn á bakvið Jóa Gúrku og litlu hænunar sem pissaði í sig.
Gummi frændi hefur strítt mér og pínt mig frá því að ég var í vöggu. Látið mig gera allan andskotann og segja ýmislegt.
Samband okkar er 50/50 ást og hatur. Amma greyið þarf oftar en ekki að skipta sér af slagsmálunum og rifrildunum, þó að við eigum með öllu réttu að heita fullorðnar manneskjur.
Þess á milli (þegar við þurfum ekki að vera í sama herbergi í meira en 5 mín) þá sendum við þessi líka svakalega sætu sms á milli og erum alveg ótrúlega næs við hvort annað..á msn.
Til hamingju með afmælið elsku litla þvaghænsnið mitt. Hafðu það gott.
Og hér kemur sagan um litlu hænuna.

Einu sinni var lítil hæna, sem pissaði í sig og fór að gráta.
Svo hitti hænan svín, sem spurði hana hvað væri að.
Þá sagðist hænan hafa pissað í sig.
Þá sagði svínið, þetta er allt í lagi, ég gerði þetta líka í æsku..!

Jámm. Við Gummi erum ótrúlega miklir húmorsistar.


Afi Týndi á líka afmæli í dag, en hann er týndur og þýðir víst lítið að óska honum til hamingju með ammó.

Ammælis og flutningar..!

Ástkær móðir mín á 37 ára afmæli í dag.
Hingað til hefur hún borið aldurinn einstaklega vel og erum við oftar en ekki spurðar að því hvort að við séum systur. Það finnst mömmu æði en mér finnst það ekki alveg jafn skemmtilegt. Í gær hins vegar sýndi hún mér að aldurinn er farinn að taka sinn toll. Þegar að ég náði í hana í skólann í gær tuðaði hún heil ósköp yfir því að ég væri að spila System of a down í bílnum. Fannst lagið ASNALEGT!
Annars er þetta alveg besta mamma sem hægt er að hugsa sér og vil ég nota tækifærið og þakka henni fyrir að hafa nennt að þrífa af mér, elda ofaní mig og vera alltaf til staðar til að banna mér að gera einhverja vitleysu. Met það mikils.

Ég gaf móður minni bestu afmælisgjöfina og fór í dag og náði í lyklana af íbúðinni á kollegíinu. Er búin að flytja öll fötin mín þarna upp. Það voru 4 ferðir. Núna eru skórnir, rúmið og glösin eftir.

Í kvöld verður haldið uppá þetta allt saman með því að fara ógeðs gott út að borða.


Mamma með húfuna sem vinur hennar á hælinu gerði fyrir hana..!!

Babyland dot com

www.barnaland.is er frábær vefur.
Á barnalandi snýst nefninlega ekki allt um börn, eins og svo margir halda. Síður en svo. Á þessum vef má vissulega finna nytsamlegar upplýsingar um bleyjuskiptingar og brjóstagjöf. Þar má einnig finna heimasíður misfagra ungbarna og hægt að kaupa og selja allt milli himins og jarðar. Allt frá sprækum ánamöðkum uppí bíla og megrunarkúra.
Spjallþræðir fyrir tilvonandi verðandi mæður, verðandi mæður og mæður. Gasalega sniðugt ef að maður er ekki viss hvað gera skal ef barnið manns er með 41 stiga hita og með krampa. Eða hvað gera skal ef ungbarnið vill ekki taka snuð.
Svo er aðal giggið. Spjallþráðurinn "Annað". Þar er allt fjörið. Á þeim þræði er sko ekki rætt um hvort Nuk eða Avent pelarnir séu betri eða hvort sé betra, Huggies eða Pampers. Aldeilis ekki. Þar er rætt um hin ýmsu málefni. Og ómálefni (Ég má segja Ómálefni. Ég bý í útlöndum og segi Óframtakssemi. Get over it).
Stundum er meira að segja talað um pólitík og mál líðandi stundar. En það gerist ekki oft. Mest er verið að tala um hvað Brynja Björk á ljóta skó eða hvað konan í næsta húsi er glötuð móðir að láta barnið sitt sofa úti í 3 stiga hita og rigningu. Sem sagt svona eldhúsborðaumræða svokölluð. Eins og fer fram útá landi, þar sem að nágrannakonurnar hittast, sitja við eldhúsborðið, drekka kaffi og baktala fólkið í plássinu.
Oftar en ekki hefur maður lesið eitthvað ógurlega skemmtilegt um sína eigin fjölskyldu. Sem maður vissi ekki áður, nota bene. Best fannst mér þó þegar að Byrgismálið stóð sem hæðst að eitt gáfumennið hélt því fram að Guðmundur væri pabbi Sigmars í Kastljósinu.
Stundum gerist þó að maður dettur niðrá eitthvað djúsí. Eins og í kvöld. Það var ekki lærdómsfriður fyrir þessum kellingum. Það var auðvitað framhjáhald í beinni. Maður að halda fram hjá konu, bróðir konunar sendur til að staðfesta grun konunar, sem komst ekki sjálf, löggan mætt á svæðið, maður með kúbein í bílnum og 16 ára barn fylgdist með öllu saman meðan konan sat við tölvuna, með barnið í símanum og póstaði inn jafnóðum hvað væri að ske.
Nákvæmlega það sem ég myndi gera ef einhver myndi halda fram hjá mér. Pósta því á barnaland.
Stundum er líka einelti, flett ofan af nikkunum og ég veit ekki hvað og hvað.
En oftast er samt bara verið að tuða yfir ömurlegum eiginmönnum, monnta sig af ljótum börnum og slúðra.
Elzka barnaland.is :)

Gulrótargenin..

Ég held að Ásgeir Kolbeins sé öfundssjúkur útí mig. Hann þarf að spreyja sig til þess að vera eins og gulrót. Ég þarf bara að fá smá sól á kroppinn og vola..



P.S. Við erum ekki fatlaðar. Erum bara svona.
Ég held líka stundum að ég sé Zoolander.

Hjólaþon Glitnis?

En yndislegur dagur!
Lífið er bara nokkuð frábært í dag. Ég er allavega brosandi.
Eftir skóla fannst mér líka alveg tilvalið að hjóla lengri leið heim en ég er vön. Ég var nefninlega í Íþróttafötum og með iPod. Fannst því alveg tilvalið að hendast einn auka hring á hjólinu.
Hjólaði uppí Odder og til baka. Það eru 27 kílómetrar frá skólanum mínum og að Odder. Og kannski svona 24km frá Odder og heim aftur. Þannig að ef að mér skjátlast ekki þá hjólaði ég 51km í dag. Plús þessa 3km sem ég hjólaði í skólann.
Og sá sem sagði að Danmörk væri flatt land, hefur greinilega aldrei komið út fyrir bílastæðin á Kastrup. Það eru allavega brekkur dauðans þessa leið sem ég fór. Hélt á tímabili að ég væri komin í Alpana.
Verður Glitnir ekki með neitt hjólaþon í ár?

Lance Armstrong my fucking ass

Markmið

Í lestinni rétt áður en við komum að Horsens ákvað ég að setja mér markmið. Og standa við það. Markmiðið er það að ég ætla að snúa sólarhringnum við, áður en ég kem aftur til Íslands um miðjan næsta mánuð.
Gekk vel fyrsta kvöldið. Þá sofnaði ég klukkan 01.00 - sem er um það bil tveim tímum fyrr en vanalega.
Í gær sofnaði ég um 02.00 - ekki gott. Var samt komin uppí rúm fyrr. Gat ekki sofnað.
Núna er ég glaðvakandi og klukkan er 03.15.

Hvernig snýr maður sólarhringnum við?
Ég reyndi að þreyta mig eins og ég gat í gær. Vaknaði snemma. Hjólaði í skólann. Hljóp 5.5 km seinni partinn og hjólaði 15 km í gærkvöldi.
Ég varð ekkert þreytt. Fékk bara myg bit og harðsperrur í rassinn.
Hjálp.

Svo gaman í góða veðrinu

Vaknaði í morgun og gat ekki opnað augun. Ekki sökum þreytu heldur ofnæmis. Hnerraði svo mikið að ég nánast datt fram úr rúminu, á gólfið og fékk svo hressilegt hóstakast. Þar með vissi ég að það var gott veður úti.
Náði svo að opna augun, en þá byrjaði mér að klæja útum allan líkamann. Hefði greinilega ekki átt að hjóla þessa 15 kílómetra þarna í gærkvöldi því að ég var bókstaflega étin af MYG flugum.

Yup, það er gaman í danska sumarveðrinu!

Við hliðiná mér..

Ég er búin að vera svo utan við mig síðustu vikur og daga að ég er alveg við hliðiná mér, eða jafnvel fyrir aftan mig, svei mér þá.
Ég gleymi ÖLLU sem er sagt við mig. Gleymdi að ná í bróður minn um daginn, gleymdi að fara til tannlæknis í tjékk útaf tyggjófíkninni, gleymdi slatta af afmælum, gleymdi að mæta í bíó og svo mætti lengi telja.
Ég var nú búin að vera góð í nokkra daga áður en ég fór til Íslands, en svo kom þetta aftur. Núna síðast gleymdi ég hleðslutækinu mínu á íslandi, Tax-Free nótunum heima þegar haldið var útá flugvöll (búin að hafa mikið fyrir að muna eftir að taka Tax-Free) og ég er búin að gleyma hvað þriðji hluturinn var.
Með þessu áframhaldi gleymi ég sjálfri mér einhversstaðar. Þakka guði fyrir að ég á ekki börn, þau væru löngu gleymd einhversstaðar, greyin.

Fíla vorið...

Vorið er tvímælalaust minn uppáhalds árstími. Það er allt að vakna eftir veturinn, gróðurinn, dýrin og fólkið. Það kemur öðruvísi lykt og dagarnir verða langir. Veðrið mildast og maður nennir að vera meira úti við en á veturna, því maður þarf ekki að vera klæddur í geimbúning til þess að lifa af.
Það er æði að fara í göngutúra í miðbænum, skreppa niðrá tjörn og gefa mávunum brauð og skjótast jafnvel í fjallgöngur eða langa hjólatúra.
Í gær ætlaði ég einmitt að fara niðrá Ægissíðu og fá mér einn góðann göngutúr meðfram sjónum. Þegar að ég kom út, í gallabuxum, flíspeysu og strigaskóm var veðráttan svona...





10. mínútum áður var voða fínt veður.
Sleppti að sjálfsögðu göngutúrnum og fór bara og hitti Karen Helgu í staðinn, sem var sko ekki slæmt ;)

Allt í einu fannst mér Danmerkurdvölin tilgangslaus.
Það er miklu skemmtilegra á Íslandi. Ætur matur, skemmtilegt fólk og ótrúlega sætir strákar.
Og ég bý í Danmörku af því að??

Brennt barn forðast eldinn?

Ég er ekki svo viss um það. Allavega á það ekki við í mínu tilfelli.
Álpaðist til þess að kaupa mér rándýra flík í einni af NTC verslununum. Fór í hana einu sinni og núna er hún eins og gatasigti. Saumsprettur og ógeðslega lélegur frágangur á þessari blessuðu flík, sem by the way kostaði alveg sitt.
Ég er alltaf að lenda í veseni með fötin þaðan. Það er nánast undantekning ef að ég þarf ekki að fara með flíkurnar aftur til að láta laga þær, Því það má jú ekki fá að skipta nema að það sé "gjafalímmiði" á flíkinni. Fáránlegt.
Ég hef alltaf staðið í þeirri meiningu að maður borgi fyrir gæðin. Það á svo sannarlega ekki við í þessu tilfelli. Maður er að henda 7.000 kalli í boli, sem endast varla í korter. Svo fer maður í H&M úti, verslar bol á 700kr og hann endist og endist. Samt er þetta bæði bara einhverjar fjöldaframleiddar flíkur.
Held ég sé hætt að versla við þetta fyrirtæki núna, þetta er ógeðslega pirrandi. Bara kaupa fötin mín í SamsøSamsø. Þá endar maður líka ekki á að vera í eins fötum og önnur hver stelpa á Íslandi :)

Stjörnuspá dagsins

Fiskar: Einhver hefur flutt inn í hjartað þitt. Og þú sem tókst ekki eftir neinu! Hvernig sem þessi aðili fór að, þá muntu kunna að meta nýja íbúann. Indælt!

Enn og aftur virðist ég vera ótrúlega treg. Ég er ekki enn búin að taka eftir neinum nýjum í hjartanu mínu. Alltaf bara sama pakkið þar.
Ég vil vinsamlega biðja nýja íbúann að gefa sig fram. Það er ekkert bara hægt að flytja svona inn án þess að láta vita og sleppa að borga leigu!
Ætli það sé ekki hægt að skipta um stjörnumerki?

Óskar Fjandi

Þegar ég var lítil talaði ég eðlilega ekki fullkomið. Gat ekki sagt ákveðna stafi og átti í sérstaklega miklum vandræðum með að segja Kartafla og Paprika. (Kjappella og prapríka)
Ég gat ekki sagt "Frændi" en reddaði mér bara með því að segja "Fjandi". Frændur mínir voru ekkert sérstaklega ánægðir með þessa nafngift og sögðust ekkert skilja í þessu hvað barnið kallaði þá fjendur, þar sem að ég, litla prinsessan hafði auðvitað vafið þeim um fingur mér frá því að ég fæddist og snérist líf þeirra oft á tíðum um það að skemmta mér, sinna mér og gera allt sem ég bað þá um.
Oft er sagt að börn sjái hluti sem við sjáum ekki. Oftast er nú átt við dáið fólk, huldufólk eða eitthvað slíkt, en svo var ekki í mínu tilfelli. Ég sá framtíðina. Þess vegna kallaði ég þá fjendur.
Eftir því sem ég stækkaði fór dæmið að snúast við. Þeir snérust minna í kringum mig og ég meira um þá. Ég var notuð í allskonar tilrauna starfsemi, látin ná í hitt og þetta fyrir þá og látin drekka ógeðisdrykki. Þeir hræddu líftóruna úr mér með að búa til einhverja fígúru sem hét Jói Gúrka og alltaf þegar að ég var óþekk, var hótað að hringja í Jóa Gúrku.
Þegar ég fór á gelgjuna fannst þeim ekkert skemmtilegra en að espa mig upp með því að segja að ég væri með unglingaveikna og að David Beckham væri hommi.
Síðan var ég látin passa. Pakka inn jólagjöfum og síðar kaupa þær líka.
Í kvöld fór ég í matarboð til ömmu og afa í S1. Það fyrsta sem ég sá þegar að ég labbaði inn var glottandi smettið á Óskari Fjanda. Fann það á mér að það var eitthvað í gangi. Ójá.
Ég er að fara að vakna klukkan 06.00 til þess að fara að hjálpa Óskari Fjanda með eitthvað. Klukkan S E X!!!
EN. Ég er að reyna að sýna smá lit og reyna að vera svolítið Pollýönnuleg.
Þetta verður örgglega dásamlegt, vakna meðan borgin sefur og sólin er að koma upp. Nema hvað að sólin skín ekki á Íslandi nema rétt í Júlí og Reykjavík sefur aldrei.
Þar fór Pollýanna vinkona mín...

Brandari dagsins

Take a chill pill, Phil.

Komin til Íslands. Er með gamla númerið mitt eins og vanalega. 848-5313.

Þetta ferðalag var "einkað sona dáldið mis" eins og við segjum hérna í Kórsölum. Ég og Íris erum svo miklar túttur að stundum er það ekki einu sinni fyndið.
Við byrjuðum á því að vaka í sólarhring, til þess að við myndum ekki sofa yfir okkur. Samt misstum við af lestinni. Nújæja, lítið við því að gera annað en að fá sér bara morgunmat á lestarstöðinni og lesa MetroExpress og Urban.
Náðum lest númer tvö, en þá hafði geitin í miðasölunni ekki gefið okkur sæti hlið við hlið. Heldur í sitthvorum vagninum!! Ekki mikil gleði með það.
Nú eftir að hafa steinsofið af sér Fjón þá komum við til Köben. Við heimsborgararnir fórum náttúrulega bara beint að Jakka og biðja um kopp af kaffi með kremi, eins og sönnum heimsborgurum sæmir. Nærðumst á HardRock og svo rölt á strikinu.
Því næst var brunað á leiðinlegasta stað í heimi. Kastrup. Þar biðum við ekki nema í 3 korter í röð eftir að fá að tjékka okkur inn og í 20 mín eftir að komast í gegnum öryggishliðið. 15 min eftir að komast inn í vél og svo í 20 mín eftir að fá að fara í loftið.
Ég ætlaði nú aldeilis að sofa á mínu græna eyra í vélinni, en það tókst ekki betur en svo að ég var látin sitja á milli tveggja þýskra gamalmenna. Sem voru ekki að ferðast saman, þannig að þær vildu ekki skipta um sæti til að geta setið saman. Ég reyndi að gera það besta úr þessu bara, fór í hettupeysuna öfuga til að geta verið í myrkri. iPodinn á bólakaf í eyrun og skrúfað í botn. Nei, þá fóru þær að bonda. YFIR MIG! Og auðvitað á þýsku. Ok, ég gat svosem alveg náð að sofna þrátt fyrir þetta, eða svona næstum. Því um leið og ég var að svífa inní draumaheiminn þá fór önnur þeirra að pikka í mig til þess að spurja mig hvort að það væri hægt að nota evrur á íslandi. OG svo kom bara spuringaflóðið, á þýsku. Ég tala ekki þýsku.

Annars er bara búið að vera dásamlegt að vera hérna síðan að pabbi náði í mig.
Hékk niðrí vinnu hjá pabba aðeins, kíkti á Sölkuna, sem var dáldið glöð að sjá stóru systir birtast svona í dyrunum og þurfti að sýna mér Bjart, hvolpinn sinn og segja mér að hann býtti hana í hárið, eins og hún orðaði svo skemmtilega. Pabbi og Þóra buðu mér svo út að borða á "Hoddnið" og þar var sko étið á sig gat.
Skrapp svo í gærkvöldi í tvö partý, því að fólk var náttúrulega að klára próf í gær. Endaði á edrúdjammi niðrí bæ.

Í morgun kom Katla heim úr sveitinni og það er ekkert smá sem að barnið er búið að taka þroskakipp. Nánast farin að ganga, talar stanslaust og er eiginlega bara eitt stórt skemmtiatriði, svo fyndin er hún.

Annars er ég bara í einhverju chilli, endilega verið í bandi við mig. :)

Hvis du fucker med mig, så fucker jeg med dig og hele din familie

Í dag ætla ég að:

• Fara í lestina.
• Lesa og glósa Salg&Service
  
• Fara til Köben
• Rölta á Strojinu
• Éta pizzu
• Hanga á flugvelli
• Lesa og glósa ErhversÖkonomi
  
• Fara til Íslands
• Knúsa pakkið mitt á Ísl.
• Vonandi hitta Sölkuskrímslið mitt :)
• Út á lífið í kvöld.

Annars verð ég í ótrúlega góðum félagsskap á leiðinni. Sjitt það verður gaman.
Sjáumst á eftir gott fólk.

Ahh

Það er svo gaman að hlæja útaf engu.
Ég og Íris froðufelldum næstum úr hlátri útaf þessari mynd hérna, sem var tekin daginn fyrir Store Bededag. Hlóum og hlóum útaf því að okkur fannst þetta svo sjúklega fyndin mynd. Hvað er svona ógeðslega fyndið?

Vítahringur.

Ég hef komist að því sem að allar konur ættu að vita svona uppúr fermingu. En þar sem að kvennlegu genin mín komu frá pabba, þá er allt svona lengi að kikka inn.
Amma og mamma eflaust mjög glaðar að ég skuli loksins vera búin að ná þessu. Ég er ekki mjög glöð. Afskaplega leiðinlegt að ég hafi þurft að fatta þetta. En er samt þakklát fyrir þessi 19 ár sem ég þekkti ekki þennan hrotta.
Já börnin góð. Ég þvoði 5 vélar af þvotti í dag. Og núna er ég búin að fatta að það er ógeðslega leiðinlegt að þvo. Og að þvottur er endalaus. Þetta er ekkert annað en vítahringur.
En ég er ótrúlega góð í að komast upp með hluti (oft, ekki alltaf), þannig að ég ætla að komast upp með að sleppa því að þvo.

Hætta að ganga í fötum og spranga um í kartöflusekkjum?

Ég er að hugsa um að búa mér til myndasíðu. Hvar er best að geyma myndirnar sínar innan í internetinu?

Annars er ég að fara í gegnum ÖLL fötin mín. Frá yfirhöfnum og niðrí sokkapör. Það verður eitthvað heppið Afríkuþorp sem verður dressað upp í Armani og Dolce eftir nokkra mánuði.

Seinna

Skotaveikin

Í dag var ég veik. Ég var með skotaveikina. Skotaveikin er veiki sem maður fær eiginlega bara á laugardags og sunnudagsmorgnum. Skotaveikin er einskonar ælupest. Mikil vanlíðan, mikið æl, mikill hausverkur og svo aðeins meira æl.
Neyddist svo til þess að fara fram úr rúminu klukkan 21.00 í kvöld því þá byrjaði Eurovision. Og til þess að forðast að kæfa sjálfa mig í koddanum þá ákvað ég að rífa mig uppúr veikindunum og koma mér á lappir. Þessi keppni er svo mikið djók. Algjört frat. Bara enn ein ástæða fyrir fylleríi.
Hlustaði samt á rás2 með öðru. En það var bara til þess að heyra í pabba. Sorglegt ég veit, en mér finnst pabbi minn sjúklega fyndinn. Sem kynnir. En barnalandskonum finnst það ekki og heldur ekki fólkinu sem kvartaði yfir nærbuxnabrandaranum. En ég er líka með lélegan húmor. Allir vita að barnalandskonur og öryrkjarnir sem kvarta yfir nærbuxnabröndurum í þjóðarsálinni eru með góðan húmor.

HEY, WHERE ARE YOU GOING???
-Gott dæmi um það sem mér finnst fyndið

Heyrðu. Guðbjörg var svona líka hress og dældi peningum inná danska reikninginn minn.

Ég fíla Glitni.

Nokkuð ljóst að ég get aldrei farið að vinna hjá Glitni. Aldrei. Það er bara ekki fræðilegur möguleiki. Allavega ekki ef maður þarf að vera jafn glaður í símann og stelpan sem svaraði mér áðan þegar ég hringdi í Glitni.

"Glitnir, get ég aðstoðað?"
"Ha, eh já, get ég fengið samband við útibúið í Garðabæ?"
"Já, alveg sjálfsagt, en er kannski eitthvað sem ég get hjálpað þér með?"
"Ehm, ehh, já, kannski. Ég þarf að láta millifæra á mig til Danmerkur"
"ÆjjÆjj, þá get ég þvííí miiiður ekki hjálpað þér, en ég skal gefa þér samband."
"Takk"
Svo beið ég í svona eina mínútu. Þá kom sú hressa aftur í símann.
"Heyrðu, þau eru bara því miður öll upptekin"
"Amm, Okay, ehh ég hringi þá bara aftur."
"Nei nei, ég læt bara Guðbjörgu hringja í þig, hvað er númerið þitt"

Ég stamaði upp símanúmerinu mínu og er núna bara að bíða eftir að Guðbjörg hringi.
En vá, þið hefðuð átt að heyra tóninn sem gellan talaði í. Mér fannst alveg eins og hún hefði virkilega áhuga á að hjálpa mér.
Sem skeður ekki oft þegar að maður þarf að eiga við starfsfólk í banka. Það er alltaf eins og þau séu að bíða eftir að maður fari, svo þau geti farið og hengt snöruna um hálsinn á sér.
Ef að Guðbjörg er líka svona glöð ætla ég að færa alla peningana mína í Glitni. ALLA!!

Má bjóða þér í bíó?

"Vá," sagði siðprúða og löghlýðna ég, óvart upphátt og starði stórum augum á tölvuskjáinn fyrir framan mig meðan mér svelgdist á fyrsta kaffisopa morgunsins. Þetta var jafn tilfinningaþrungið og í Windows Vista auglýsingunni

Ég trúði varla mínum eigin augum þegar að ég opnaði inboxið mitt í skólanum í morgun. Þar stóð svart á hvítu "Má bjóða þér í bíó."
Hjartað tók auka slag og ég var alveg viss um að núna væri ég að fara að lenda í einhverri svakalegri sumarást. Svona Notebook ást. Að núna væri prinsinn á hvíta hestinum kominn til að bjarga mér úr prísundinni. Sópa mér af löppunum, eins og og þeir segja í Ameríkunni.
Hélt að þetta væri sá eini rétti að bjóða mér út og að nú yrði líf mitt bara dans í tunglsljósinu, gönguferðir á ströndinni og lautarferðir í Heiðmörk. Svo eftir nokkur ár, einbýlishús, barn og station.

Vaknaði upp þegar að ég opnaði djöfulsins meilið.
Fimman.is að bjóða mér að taka þátt í "laufléttum spurningaleik".

Ekki einu sinni gratis bíómiði.

Spenningur og Útgjöld.

Jájá. Allt að gerast hérna megin.
Ég er að fara að pakka lífinu ofaní kassa og flytja svo með rúmið mitt, kommóðuna og Flosa á Kollegíið. 1. júní 2007.
Ég sem sagt fékk íbúð á Kollegíinu alveg óvart eiginlega. Ætlaði ekkert að fara þangað fyrr en í haust. En það eru víst langir biðlistar og þessi íbúð var að losna þegar að ég kom og var að tjékka á þessu þannig að ég skellti mér bara á hana. Systir mín elskar mig fyrir þetta, enda búin að bíða eftir að fá herbergið mitt síðan fyrir 3 árum þegar að við fluttum í þetta hús. Þessir unglingar.
Ótrúlega spennandi.
Svo eru það tölvukaupin, en við Stjáni fórum í leiðangur í gær og sáum ýmislegt sem okkur leyst vel á. Ég frysti maccan í bili, enda held ég að það sé skynsamlegra í þessu námi sem ég er í að vera bara með PC helvíti. Ég er svo skynsöm stelpa.
Íslandsferðin á miðvikudaginn eftir viku. Það er alveg spurning um að hætta við hana. Kostar alltof mikið að fara til Íslands, þó að flugið sé næsten gratis. Og svo er ekki ókeypis að flytja að heiman og heldur ekki að kaupa tölvu.
Eins gott að Samskip borgi mér vel í sumar!!!!

Já. Þessi helgi var löng og ströng fyrir okkur námsmennina í Danmörku.
Það var byrjað á fimmtudaginn. Skellt sér í smá teiti. Átti bara að vera rólegt og ætlaði ég bara snemma heim. En annað kom nú á daginn. Skelltum okkur á varðeld þar sem var sungið og spilað á gítar eitthvað frameftir. Svo var það bærinn þar sem við Íris skelltum okkur á CrazyDaisy og enduðum á að dansa við einhvern homma langt fram eftir morgni.
Daginn eftir var maður rifinn upp á rassgatinu klukkan 12.00. Ferðinni var heitið á ströndina. Þar var legið og notið lífsins með einn kaldann. Svo var spilaður strandfótbolti. Það var erfitt, en við stelpurnar unnum strákana 5-1. Ekki slæmt það.
Þegar að fótboltinn var búinn var farið á pallinn hjá Gísla Blö og setið í sólinni með frozen margaritas á kantinum. Um kveldið var svo farið í bæinn og komið heim undir morgun.
Á laugardaginn þurfti ég nú aðeins að skreppa og hitta stórvinkonu mína, hana Beyonce. En hún var með tónleika í Álaborg. Tónleikarnir komu á óvart. Svaka flott show og bara stelpur að spila með henni. Það var töff. Hún er annars frekar heit þessi gella. Soldið mikið heit.
Eftir tónleikana var haldið á djammið í Álaborg með Írisi og vinkonum hennar. Skemmtum við okkur svona líka alveg konunglega. Herra Nílsen, Saltlagerinn og svo Cube, þar sem eftirpartíið fyrir Beyonce var. Komum heim klukkan 7 um morguninn, alveg búnar á því!
Sunnudagurinn fór í þynnku hjá flestum. Ég hafði rænu á því að halda mig við nokkra bjóra kvöldið áður og var því svona semí hress, en samt dauðþreytt eftir þessa helgi. Við Íris fórum bara á PizzaHut, belgdum okkur út af pizzu og fórum svo í roadtrip heim til Horsens.

Dáltið erfitt að vera svona námsmaður.

Tilkynning

Ég er að fara til Íslands að ná í ljótu svínaglösin mín til pabba.
Svo að fólk hafi eitthvað að drekka úr þegar að það kemur í heimsókn til okkar Flosa á Kollegíið.

Ég er að fá heilablóðfall úr stressi.

Ok fann útúr þessu. Gallabuxur, hælar og hlíralaus bolur. Hvítur. Fattaði bara þegar að ég var að fara í bolinn að ég á engann hlýralausann brjóstahaldara. Þannig að ég fór bara í appelsínugulann. Ef einhver kommentar á þetta átfit í kvöld þá mun sá hinn sami missa útlim.
Ég get heldur ekki verið full í kvöld. Það þarf að passa að bolurinn haldist uppi og svo er erfitt að vera fullur á 12 cm hælum.

Erfitt líf.

"Ég á engin föt"

Það flæðir bókstaflega útúr fataskápnum. Ég kem ekki öllum fötunum mínum þar og þess vegna eru þau útum allt herbergi. Ég er með skóskáp inní herbergi, sem er stútfullur af skóm. Ég er með sér hillu í skóskápnum inní forstofu, því það kemst ekki allt í skóskápinn minn. 10% af fötunum mínum er líka í fataskápum systra minna.
Ég fór samt í dag og verslaði fullt af fötum. Fyrir háa upphæð. Gaman.
Nú er ég komin í helgarfrí og á leiðinni á djammið. Ég á ekki eina flík til að fara í. Ekki eina!
Hvernig er þetta hægt?

Af hverju gat ég ekki fæðst með typpi? Þá væri lífið miklu auðveldara.

Málhölt

Ég hef búið erlendis síðastliðin 3 ár. Fyrst í Danmörku, svo Bandaríkjunum og svo Danmörku aftur, eftir stutt stopp á Íslandi.
Þegar að ég kom út til Danmerkur fyrst, skildi ég ekki neitt. Ekki bofs. Leyst ekkert á þetta. En ákvað samt að láta mig hafa það að sitja í skólanum og skilja ekki neitt í mánuð. Eftir það var þetta kökusneið. Nú tala ég svona nokkurn veginn reiprennandi dönsku, eða svona. Kartaflan er löngu komin í hálsinn og á sér fastann stað þar. Maður talar dönsku allan daginn í skólanum. Heyrir dönsku í útvarpinu, sjónvarpinu og út í búð. Stundum hugsar maður á dönsku, og hefur það aukist til muna núna síðustu mánuði.
Núna er maður orðinn svo danskur í sér að mér finnst alveg fullkomlega eðlilegt að það taki tvo mánuði að setja upp eina internettengingu, borða gulrótarbollur með lifrakæfu og að það sé allt lokað á sunnudögum. Aðlögunarhæfnin, sjáiði til.
Annað sem ég hef tekið eftir er að ég tala ekki sömu íslensku og fólk sem býr á Íslandi. Þetta er eiginlega ekki íslenska, bara svona kokteill. Þetta er eitthvað sem við íslensku-danirnir eigum sameiginlegt.
Hér á þessu heimili er talað um matkassa og drykkjardunka, en ekki nestisbox og vatnsbrúsa. Við fáum okkur stundum drúur og cola, voða sjaldan vínber og kók. Við erum ekki með handakrika og fætur, heldur armhholur og bein. Við spurjum ekki hvar við megum leggja bílnum okkar, heldur hvar við megum halda honum. Það er ekki talað um að einhver hafi ýkt eitthvað, heldur yfirdrifið. Það er aldrei neitt eftir af kvöldmatnum, en það er oft hellinginur tilbaka. Það koma ekki göt á sokkana okkar heldur holur. Í Horsens eru sjaldan spilaðir tölvuleikir, en ótrúlega oft tölvuspil og það er aldrei ég sem á að gera, heldur er það minn túr stundum.
Það er ekki skorað mark í fótboltaleikjunum heldur mál. Mótherjar er eitthvað sem fótboltaliðið okkar þekkir ekki, en þeir eru kunnugir mótstöndurum. Bjór þekkist ekki í danmörku, en öl er eitthvað sem við könnumst mjög vel við.
Í ameríku tók ég líka sturtu og gerði þvottinn minn.

En svo eftir að hafa verið á Íslandi í 5 daga þá stamar maður og hikstar á dönskunni. Og ég á rosalega erfitt með að skipta yfir í enskuna þessi fáu skipti sem ég þarf að tala hana.
Ótrúlegt alveg.

Best að láta vita að ég sé á lífi.
Ég er á lífi.
Ekkert að frétta.
Allt við það sama.
Gott veður.
Skóli.
Verkefni.
Brainstorming.
Nýtt spil, budget, markaðsáætlanir, herferð.
Coke Zero.
Grey's Anatomy
Nikolaj og Julie
Ísland eftir 15. daga
5 dagar í fjölskylduknúsi, kaffihúsaferðum, dinnerum og djúsi.
Frí á föstudaginn. Veit ekki afhverju. Store Bededag. Veit enginn dani afhverju það er frí, eða hversvegna þessi dagur er.
Don't care, það er frí.
Álaborg á laugardaginn.
Þarf aðeins að skreppa þangað á Beyoncé tónleika.
Verður gaman.
Djamm í Álaborg eftir tónleikana með Írisi. Gaman.
Evalúeríng í næstu viku.
Sjitt.
Mikið að gera.
The Police í Århus 1. September.
Þarf að kaupa miða á það. Vill einhver koma með?
Sækja um íbúð.
Framlengja SU
Vörka tanið.
Það er bara svo leiðinlegt að ég nenni því ekki.
Það er líka töff að vera hvítur.
Panta tíma hjá lækni.
Áður en að ég hósta upp lifrinni og gallblöðrunni.
Og komast að því hvort ég megi fá ofnæmissprautu.
Í rassinn.
Það eru rottur í hverfinu mínu.
Sá eina í gær.
Hélt þetta væri hundur.
Ógeðs.

Vá hvað þetta er leiðinlegt og óáhugavert blogg.
Sorry.
Nenni ekki að segja of margar setningar.
Er pirrípú.
Eða miss Cranky pants.

Sjáumst.

Get ekki beðið...

Það styttist.

Ljóti karlinn Helgi

Það er alveg með ólíkindum hvað fólki virðist finnast eðlilegt að einhverjum útlendingi sé veittur íslenskur ríkisborgararéttur eftir einungis 15 mánaða dvöl á Íslandi. Allavega ef að þessi tiltekni útlendingur er tengdadóttir Jónínu Bjartmarz.
Svo talar fólk ekki um annað hvað Helgi Seljan hafi verið dónalegur og leiðinlegur við Jónínu í Kastljósi á föstudaginn. Jónína svaraði engum spurningum af ráði. Hún tuðaði bara og snéri útúr. Helgi spurði og Jónína svaraði.. ekki.
Fólk sakar Helga um að vera bara að klína svona "rugli" uppá Jónínu vegna komandi kosninga. Af hverju ætti hann að vera að því? Svo að fólk hætti við að kjósa framsókn og kjósi frekar Helga?
Nei, mér finnst kúkalykt af þessu. Fyrst það er góð og gild ástæða fyrir að stelpan fékk þennan ríkisborgararétt bara sísvona, af hverju þá ekki að gefa hana upp?
Fááááránlegt að veita útlendingi sem hefur verið hérna í ár ríkisborgararétt. Fáránlegt.

Aldrei kaus ég Framsókn.

Kastljós

Ég hef oft íhugað að hella mér útí pólitík. Stofna jafnvel minn eigin flokk og hendast á þing. Eins og Ómar Ragnarsson. En þar sem að ég er hræðilega léleg í að bulla og enn lélegri í að ljúga þá gengur það ekki. En ég er svolítill snákur í mér, þannig að það væri líklega hægt að þjálfa mig upp í að svíkja.
Skil ekki þessa Íslandshreyfingu. Yrði eitthvað skrautlegt ef þeir kæmust til valda. Fíla heldur ekki þessa Henry Ford dýrkun í Ómari. Er Henry Ford í flokknum eða?


Vorkenndi Helga Seljan alveg ótrúlega mikið í gær. En hló samt pínu. Ekki af honum samt heldur kjánalátunum í viðmælandanum. Dásamlegt.

Fleira var það ekki.

Sumarið er tíminn!

Æji kannist þið ekki við svona daga, þegar að það er komin 25 stiga hiti klukkan 11.00 og glampandi sól og það síðasta sem maður vill gera er að vera með nefið ofaní skólabókum?
Svo klukkan 12.00 kastar maður bókunum frá sér, gefur skít í lærdóm og leggst útá verönd með iPodinn til að "vörka tanið". En það er of heitt í garðinum svo að eftir klukkutíma er maður klístraður af svita og sólarvörn. Þannig að maður ákveður bara að fara á ströndina og flatmaga þar restina af deginum?
Æji þið vitið hvað ég á við, er það ekki?
Allavega svona var dagurinn hjá mér í dag. Heitt! Heitt! Heitt!

Skaðbrenndist annars í dag. Ekki útaf sólinni heldur af því að ég eldaði í kvöld. Gerði alveg rosa gott lasagne og mun líklega alltaf bera það utan á mér, á hendinni það er að segja.

Ég er núna að borga sektina fyrir að hafa farið á ströndina í dag. Verð örugglega að læra þangað til að ég fer í skólann í fyrramálið. En það er allt í lagi, get sofið allan daginn á morgun á ströndinni...

Vona að þið hafið það gott í stinningskuldanum og súldinni heima.

Búin að kjósa í fyrsta skipti í lífinu..

"Þú verður bara mynda þér sjálfstæða skoðun á þessu og fylgja henni," hefur verið sagt við mig nokkuð oft síðustu daga. Nema 'frænka mín', Kristín Tómasdóttir. Hún sagði bara: Ef þú kýst ekki Vinstri Græn þá hætti ég að vera móðursystir þín í föðurætt.

Ég hef legið yfir heimasíðum flokkana síðustu viku. Bara svona tjékka á hverjir hafa lofað hverju og svikið hvað. Og svo hverju er búið að lofa að svíkja núna. Verð að segja að ég var búin að rokka frá vinstri til hægri og aftur til baka soldið mörgum sinnum áður en að ég komst að niðurstöðu.

Ég fór og kaus í dag. Fannst þetta ótrúlega spennandi. Labbaði út höfðinu hærri, búin að kjósa í fyrsta skipti í lífinu. Og þarna á þessu augnabliki sem ég krotaði bókstafinn á kjörseðilinn fannst mér ég vera orðin fullorðin. Loksins.

Kannski að bæta því við svona í lokin hvað ég kaus. Ég kaus rétt - en Kristín Tómasdóttir er ekki móðursystir mín í föðurætt lengur. Á eftir að sakna hennar :)

Tvífarar

Heilsa 2007 (Aftur)

Já, í dag átti sko aldeilis að taka upp gamla og góða siði. Heilsa 2007 byrjaði aftur, eftir smá pásu. Smá pásu kalla ég 3 mánuði.
Allavega, allt fór á fullt í morgun, byrjað á að fá sér hollan morgunverð og taka vítamín. Í hádeginu var það svo salat, beygla og coke zero. Í kaffinu var það svo hrökkbrauð með einhverjum heilsuosti sem bragðaðist eins og plast. Í kvöldmat var svo einhver agalega heilsusamlegur kjúklingaréttur. Drakk alveg heil ógrynni af vatni og eyddi þar af leiðindum lunganum úr deginum á klósettinu - eða að hlaupa á klósettið alveg í spreng.
Klukkan 20.00 var ég orðin svo geðvond að það var ekki nokkrum manni bjóðandi að vera nálægt mér. Svo ég fór í bíó.
Rankaði við mér þegar að ég var nánast búin með stóra kók, hálfan stórann popp poka og búin að ræna súkkulaði af sessunautnum.
Þegar heim var komið fór ég að læra smá. Þannig að það var mjög nauðsynlegt að fá sér smá PepsiMax og smá súkkulaði.

Eruði viss um að súkkulaði sé ekki lífsnauðsynlegt? Ég held að það sé eitthvað í súkkulaði sem við getum ekki lifað án. Nei, bara pæling.

Á morgun er það svo hreyfingin. Miða við daginn í dag verður hreyfing morgundagsins að labba útí bíl, teygja mig eftir meira nammi eða lyfta 2 lítra kókflösku.

Ammælis!

Vilborg Unnur litla systir mín á afmæli í dag. Orðin 14 ára.
Vilborg er ein af þeim sem fæddist gargandi og gargaði sig í gegnum fyrsta árið. En var reyndar alveg róleg og góð á köflum.
Þegar að hún var orðin ársgömul þá breyttist hún í lítinn terrorista. Orkan sem fór í að garga fór í prakkaraskap og var barnið ekki hrætt við neitt. Annað en stóra systir.
Núna er hún þessi rólega í systkinahópnum. Þessi góða, þessi sem gerir aldrei neitt af sér og þessi sem er duglegust að hjálpa til á heimilinu.
Hún er æði. Bara flottust!

Til hamingju litla mín!


Við í spassakasti í Tivoli ferð síðasta sumar.


Vilborg í gær.

Flosi

Þetta er Flosi.
Hann er skjaldbaka.







Eigandinn er farinn í praktík til Íslands svo ég tók litla greyið í fóstur á meðan. Held reyndar að það fóstur muni teygjast eitthvað svolítið mikið lengi.
Skjaldbakan hét ekki neitt, svo það var rifist um það hérna í heilann dag hvort að hún ætti að heita Mosi, Snati eða Flosi. Ég vann. Næst á eftir kom Eyjólfur með nafnið Snati og mamma skít tapaði með Mosa nafnið.
Hann heitir sem sagt Flosi í höfuðið á Írisi. Hljómar kannski svolítið bjánalega í eyrum ykkar, en hún Íris getur ekki munað nöfn og kallar Fróða (heimilishundinn) Flosa og Ingibjörgu, Margréti.
Þess má geta að Fróði er skíthræddur við Flosa litla. Stóð í gærdag fyrir utan herbergið mitt og gelti. Í dag þorði hann reyndar að kíkja aðeins innfyrir dyrnar, en honum lýst ekkert á þetta kvikindi sem er búið koma sér vel fyrir inní herbergi.

Þetta eru lélegar myndir. En nennti ekki að taka hann uppúr búrinu og eitthvað vesen.

Áiii

Við vorum eitthvað að ræða stjörnuspá áðan. Svo kem ég heim og ætla aðeins að lesa moggann. Nei þarf ekki helvísk stjörnuspáin mín að poppa upp. Ef þetta kom ekki eins og blaut tuska í andlitið á mér þá veit ég ekki hvað.

Fiskar: Ef þú getur ekki byrjað á því í dag og heldur ekki í kvöld, hvenær þá? Eftir 17 ár viltu ekki vera að pæla í hvað þú gerðir í staðinn. Byrjaðu núna!

Oj, ég ætla ekki að vera einhver sveitt-þreytt-feit, einstæð og reykjandi Fella-mamma eftir 17 ár. Á örorkubótum, barnabótum og eiga 3 börn með 5 mönnum.
Hugsandi um að ég hefði kannski getað drullast til að opna bók í staðinn fyrir að horfa á 18. þáttinn af Desperate Housewifes, niðurhala tónlist til að setja á iPodinn og drekka sykurkók.
Oj oj oj. Sé þetta fyrir mér. Ætla að læra og er svo farin í megrun á mánudaginn..

(Samt geðveikt góður Despó þáttur.)

Gleðilegt sumar!

Já, þá á sumarið víst að vera gengið í garð á klakanum. Líklegt. Fólk hefur eflaust bara tekið þetta á hefðinni, mætt á hátíðarhöld í sínu bæjarfélagi í gamla góða kraft gallanum og lúðrasveitin ekki getað haldið á trompetunum og túpunum, því vindurinn fór upp í 30 metra á sekúndu og - Got to love it!

Annars hef ég aldrei skilið þetta með að hafa sumardaginn fyrsta í apríl. Hvaða rugl er það? Það er jafn skrýtið og ef við myndum allt í einu halda jólin í júlí.
Þetta ruglaði mig nú aldeilis mikið þegar að ég var barn. Man eftir að við fengum alltaf sumargjafir frá ömmu og afa á S1. Eitt árið fékk ég einhvern gasalega flott sumarföt. Stuttermabol og gallapils að mig minnir. Amma sagði að ég yrði nú aldeilis fín í þessu í sumar. En ég vildi ekki bíða, það var jú sumardagurinn fyrsti svo ég dreif mig í gallann, alveg rígmontin í fínu fötunum. Svo átti að fara út að leika. Mamma reyndi hvað hún gat að fá mig til að klæða mig í önnur föt og að minnsta kosti fara í úlpu og einhver útiföt. Ég þvertók fyrir það og hélt því statt og stöðugt fram að það væri komið sumar. Mamma gafst upp á endanum og leyfði mér að fara út að leika í sumarfötunum. Ég kom inn með bláar varir og nokkur kalsár á tánum eftir 1-2 mín.

Þegar ég var 9 ára upplifði ég sumardaginn fyrsta á Raufarhöfn, þar sem ég bjó í einn vetur. Þá var skrúðgöngunni aflýst vegna þess að það var ófært.

Vona samt að þið hafið átt góðann dag. Ég sjálf hafði það fínt. Fór í skólann og skoraði mörg, mörg stig útá kökuna sem ég gerði fyrir bekkinn. Þó að þetta hafi ekki verið lagkaka...

Svo myndarleg

Í dag æfði ég mig að vera húsmóðir.
Foreldrafólkið er að borða með Stuðmönnum og Sálinni fyrir morðfjár í Kaupmannahöfn. Gott hjá þeim.
Ég var sett í það hlutverk að passa hús, börn og hund. Gefa börnum Hakk og Spaghettí í matinn, láta Fróða pissa og koma gelgjunum í rúmið á réttum tíma. Klukkan er tólf núna og gelgjurnar ekki sofnaðar.
Ég eldaði Hakk og Spaghettí fyrir greyin mín.
Útbjó svo kjúklingarétt og bauð Einari og Írisi í mat. Já, þegar maður tekur sig til þá er nú ekki mikið mál að elda tvær máltíðir á einum klukkutíma.
Núna er ég bara að bíða eftir að skúffukakan sem ég var að taka útúr ofninum kólni, svo ég geti sett á hana krem. Var svo að spá í að henda í eina sjónvarpsköku, svona fyrst maður er byrjaður.

Þið kíkjið svo bara í köku og mjólk hingað í Skovglimt á morgun - Allir velkomnir.

Þættinum hefur borist bréf.

Fékk meil frá kontakt kennaranum mínum áðan. Þetta meil var sent á allan bekkinn.

Så kan i godt spænde hjelmen.

Der er kontaktlærertime på torsdag d. 19 april. Kl 13.00 i lokale 602.
- det forlyder at Kristin er bagermester, - det bliver godt, vi har f.eks aldrig fået lagkage – mon det bliver denne gang ?

Hilsen, Lars Henrik

Við höfum sem sagt haft það fyrir reglu að koma með köku í þessa tíma. Því þetta er svona hyggetime. Núna er komið að mér, greyið fólkið veit ekki hvað það er að biðja um.

Ekki séns að ég komi með lagköku, það er ógeðslegt - Svo ég tók bara útlendinginn á þetta og sagðist ekki kunna að baka þannig.
Spurði hvort ég ætti ekki bara að koma með sjónvarpsköku, en nei, þeim fannst það ekki nógu spennandi. Spurðu hvort ég kynni ekki að baka bananaköku. Danir!

Þau geta bara étið það sem úti frýs þá!

Bara smá

Mamma hefur miklar áhyggjur af því að ég sé þunglynd. Hún spurði mig um daginn hvort að ég væri í ástarsorg, skuldaði pengina og ég veit ekki hvað og hvað.
Ég er reyndar búin að vera eins og hálfgerð vofa uppá síðkastið. En er ekki í ástarsorg, skulda ekki og er ekki í dópi eða rugli , þó að ég dansi ekki og syngji einhverstaðar útá túni allan liðlangan daginn og segi hvað allt sé dásamlegt og yndislegt eins og Pollýanna á spítti.
Er bara með skólaleiða á mjög háu stigi, eiginlega á svo háu stigi að mig langar bara að hætta. Hef engann áhuga á því sem ég er að gera og er bara eitthvað löt.
Ég er alveg búin á því í hausnum þegar að ég kem heim, þrátt fyrir að vera ekki mikið dugleg að læra. Held reyndar að það sé bara danskan sem er að þreyta mig svona. Eftir skóladaginn þá kem ég heim, leggst uppí rúm, dreg sængina upp fyrir höfuð og ligg þar. Í 3 tíma.
Núna er reyndar ekki mikið eftir af kennsludögum. Mánuður eftir af kennslunni. Síðan eru það bara verkefnavinna, framleggingar og skemmtilegheit. Próf í lok júní og svo kem ég á Íslandið, atvinnulaus því það vill mig enginn.

Brekinn minn átti afmæli í gær. Og óska ég honum innilega til hamingju með að vera búinn að vera til í heilt ár.
Hendi með tveim góðum af okkur. Ég eins og einstæð móðir í Breiðholtinu í moggabol. Vantar bara sígó og féló.

Mikið er erfitt að koma sér í lærdómsgírinn. Ég er búin að vera í allt kvöld að reyna að byrja á verkefninu sem ég ætlaði að klára áður en ég færi að sofa.
Ég er með endalaust vesen.

• Fyrst þurfti ég að fara í sturtu (Maður getur ekki lært í þynnkulyktinni af sjálfum sér)
• Svo þurfti ég að fara í náttbuxur og sweatshirt (Lærir ekki í gallabuxum og armani t-shirt)
• Aðeins að lesa netið (ALLT netið og horfa á fréttir, veður og Kastljós fyrir síðustu 2 vikur)
  
• Fá mér kvöldmat, því ég uppgötvaði að það var sólarhringur síðan ég borðaði eitthvað síðast.
• Aðeins að hvíla mig í sófanum og hlusta á tónlist. (Því ég var ekki búin að hvíla mig neitt í dag. *Hóst*)
• Skutla eldri borgurum heimilisins á Félagsvistarkvöld (Því ég gæti þurft á bílnum að halda meðan ég er heima að læra)
• Skutla tvillunum á Blockbuster (Þá er allavega friður til að læra ef þær eru að horfa á video)
• Aðeins að lesa netið, aftur (Spaugstofan var komin inn, nauðsynlegt að sjá það áður en maður lærir)
• Fékk óstjórnlega löngun í sódavatn og fór útí sjoppu eftir svoleiðis (Vissi að ég þyrfti að nota bílinn!)
• Opnaði word skjalið.
• Skrifaði fyrirsögnina

Þá fattaði ég að mig vantaði tónlist til að læra við. Fór í gegnum hvert einasta lag sem ég er með í tölvunni (ekki nema svona 300 gb) og leist ekki á neitt. það voru 3 lög sem ég vildi hlusta á og ég átti þau ekki. Sníkti lögin frá Bjarna Baun og þurfti líka endilega að fá einn geisladisk víst ég var byrjuð að sníkja þetta. Loksins var tónlistin komin inní iTunes-ið og ég reddý til að massa verkefnið.
Nei, þá datt mér í hug að henda í eina þvottavél.
Hverjar eru líkurnar?

Drottinn er minn hirðir, mig mun ekkert bresta..

...Orgaði ég yfir smekkfulla kirkju fyrir 5 árum. Rétt á eftir var ég næstum köfnuð í messuvíni og oblátu. Svo var haldið partý. Margir pakkar og mikill peningur - á hverja krónu ennþá.

Gottvont

Náladofi er einn af þeim hlutum sem eru góð-vondir. Fékk einn svakalegan áðan. Frá tásunum upp fótleggina, rasskinn og upp undir handakrika. Á sama tíma fékk ég svo sinadrátt í kálfann á hinum fætinum.
Áhugavert, ekki satt?

Aldrei þessu vant er ekkert í fréttum og ekkert slúður.

Þunglyndi

Í dag mun ég kafna.
Ég er ekki alveg búin að gera það upp við mig hvort að ég ætli að kafna úr hita eða hósta.
Í nótt vaknaði ég þrisvar sinnum við það að ég náði ekki andanum útaf hóstakasti. Það er ekki töff. Í dag er svo heitt að ég gæti mögulega kafnað úr hita við það að liggja úti í garði.

Styttist óðum í prófin. Ég þarf að fara að gera eitthvað lestrarplan, svona svo ég geti sleppt því að fara eftir því eins og alltaf.
Reyndar veit ekki neitt hvaða próf ég fer í, en giska á að það verði annað hvort Visuelt Varesalg eða Erhvers Ökonomi. Ef ég verð heppin fer ég bara í ensku eða dönsku.
Erum allavega búin að fá að vita hvaða fyrirtæki við eigum að fjalla um og það er ToysRus, sem er skömminni skárra en bestseller helvítið sem við þurftum að kynna síðast.

Kennararnir eru svakalega næs við okkur núna. Um helgina þarf ég að gera skilaverkefni í Visuelt Varesalg, þar sem ég þarf að teikna upp útstillingu í glugga og nota einhverja teoríu í það. Fyrirlestur um það hvernig er að vera útlendingur í Danmörku, og svo skilaverkefni í dönsku.

Hendist í þetta í kvöld, eða morgun. Eða bara hinn daginn.

Ég þekki kátan krókódíl..

Helvítis Kellingar

Af einhverjum ástæðum býst ég alveg eins við því að verða kölluð á foreldrafund í framtíðinni útaf svona.
Þeir sem að hafa verið með mér í bíl skilja þetta. Road rage dauðans.

Reyndar gætu svo foreldrar hinna barnana kallað mig helvítis kellingu, því að ég kann ýmislegt betur en að keyra. Er líka örugglega eina manneskjan sem hefur ratað á forsíðu Séð og Heyrt fyrir að vera léleg í að keyra. Og verið aðal umræðuefnið í vinnunni hjá pabba, vegna þessa. En sjaldan fellur eplið langt frá eikinni...

P.S. Ég er ekki ólétt.

Afmælis Jójó

Litli spjallarinn okkar á afmæli í dag, orðinn sex ára. Þannig að hann er svosem ekkert lítill lengur. En þar sem að hann er yngstur af okkur systkinunum og jafnframt eini strákurinn (Yup, greyið barnið á 4 eldri systur.) þá verður hann alltaf litla barnið.
Það hefur aldeilis verið dekrað við þetta barn síðustu 6 árin, sást það best þegar að hann fór ekki að labba fyrr en hann var orðinn 18. mánaða gamall. Það var auðvitað bara vegna þess að hann þurfti ekkert að fara að labba þegar að hann var með 5 kvennmenn á heimilinu sem ruku til í hvert skipti sem að barnið gaf frá sér hljóð.
Núna er hann byrjaður í skóla, farinn að reikna og búinn að læra íslensku stafina og dönsku. Er að læra að lesa núna og það á tveimur tungumálum.

Til hamingju með afmælið, elsku litla skjaldbakan mín.

Hugmyndir

Kannist thid ekki vid ad fá alveg sjúklega goda hugmynd, framkvæma hana og komast svo ad thvi ad thetta var kannski ekkert thad god hugmynd?

Eda er thad bara ég sem geri einhverja bolvada vitleysu og held ad ég sé klárari en ég er?

:)

Leiðinlegt blogg

Mest langar mig að fara til Íslands, ekki seinna í gær. En þar sem að ég er hitabeltisrotta ætla ég nú að láta mig hafa það að vera hérna í 20 stiga hita.
Skólinn er bara að drepa mig úr leiðindum. Er í einhverri hræðilegri skólalægð núna. Mæti bara og er þarna líkamlega, en hugurinn er einhversstaðar allt annars staðar en í Salg&Service eða ErhversØkonomi. Sem er ekki gott. Var svo dugleg alltaf. Ætli maður verði ekki bara að reyna að rífa sig uppúr þessu. Mæta með hausinn með sér í tíma, vinna vel og fara að undirbúa sig fyrir prófið í vor.

Er að hugsa um að reyna að vinna svolítið á kvöldin á næstunni. Þá er aldrei að vita nema maður kíki á klakann eina helgi eða svo í Maí. Maður má allavega láta sig dreyma. Kemur í ljós hvernig fer.

Litla krílið mitt er komið með heiftarlegt alnæmi. Bara spilar ekki lögin. Það er búið að reyna að restarta. Láta hann tæma batteríið og hlaða uppá nýtt og ég veit ekki hvað og hvað en allt kemur fyrir ekki. Hann neitar að spila lögin. Svo núna þarf ég að ræða við apple um að fá nýjann. Ég get ekki verið án hans. Dagurinn í dag var hræðilegur og mér fannst eins og ég væri nakin. Sem er ekki gott og heldur ekki hot.

"Ég er með vottorð"

Fór til tannlæknis í dag og sú var ekki beint ánægð.
Ég er víst búin að skemma í mér bitið með þessu tyggjóáti mínu. Krossbit OG eitthvað annað bit. Vissi ekki að það væri hægt að hafa mörg bit í einu. Hún allavega tók mót af tönnunum og svo sjáum við á mánudaginn hver útkoman verður.
En það verður víst ekki hægt að kalla mig "braceface" eða neitt þannig. Þetta er bara einhver topsecret aðgerð. Og engar spangir.

Og já, ég má halda áfram í tyggjóinu, bara ekki 3 pakka á dag...

Aldrei aftur..!

Skil ekkert í þessu. Í morgun/dag þegar ég vaknaði hringsnérist herbergið. Og það ekkert lítið. Kannski var ekkert góð hugmynd að drekka aftur eftir tveggja mánaða pásu.
Púha.

Tár

Veit ekki hvort að það var söknuðurinn eða bara það að ég var að rífa af mér einhvern fílapenslaplástur, en ég fékk mörg tár þegar að ég sá þessa færslu á kötlugosinu.
Sjá allt þetta fallega fólk þarna í Kórsölunum. Þetta er bara rugl.

Nú græt ég ennþá meira því að það er svakalegt teiti hérna í kvöld. Eða kannski ætti maður ekkert að vera að fegra þetta neitt. Það er Fyllerí hérna í kvöld.
Ekkert sorglegt við það. En ég þarf að taka til, raka á mér lappirnar og vera í pilsi í kvöld. Sorg.

En ég er samt glöð í hjartanu.

Blaaa!

Græðgin var svo mikil að ég nánast gleypti málsháttinn. Skyrpti honum útúr mér og las á hann. "Ánægjan er auði betri" - Nokkuð til í því svosem.
Held reyndar ég sé vaxin uppúr þessu páskaeggjadæmi. Fátt spennandi við þetta. Ég ætla bara að fá mér gulrót og fara svo út að hlaupa.
------
Gleymdi alltaf að segja frá því að ég skrapp aðeins í smá road trip hérna síðasta sunnudag. Stjáni og Jón Pétur rifu mig upp á rassgatinu fyrir allar aldir og eftir 3 tíma svefn. Og út fór ég, svefndrukkin og með hreiður í hnakkanum. Held að ég hafi náð að halda geðvonskuni í skefjum, eða ákvað bara að segja ekki neitt, nema það yrði talað við mig. Þannig var það fram að hádegi. Svo fór ég að mala.
Ferðinni var annars heitið á Skagen, sem er nyrðsti tangi Danmerkur að mér skilst. Þar mætast líka tvö höf. Eða tveir sjóar eins og ég orðaði það svo skemmtilega. Sum sé hægt að standa í tveim höfum í einu. Létum okkur nægja að horfa bara samt.
Aldeilis skemmtilegur sunnudagsbíltúr, allavega ekki hægt að kvarta. Étinn hamborgari í Friðrikshöfn, (Nú er ég eins og fjölmiðlarnir) skoðuð einhver kirkja sem átti að vera grafin í sandinn, (hefði ekki fyrirgefið sjálfri mér ef ég hefði sleppt því að skoða hana.) svo komið við í Árósum á leiðinni heim, rölt um borgina og étinn McDonald's ís.
Nú er ég allavega búin að sjá rjómann af Danmörku, svo ég get bara farið að pilla mér heim.

Þessa mynd tók JP af okkur Stjána.
Þetta er ljót mynd. En eina sönnunin fyrir því að ég hafi farið á skagen.
------

Njótið þess sem eftir er af páskunum. Merenerið ykkur í bjór og farið í sleik. Fagnið Jesús - eða ekki.

Ammælis!

Pabbahönkið mitt á afmæli í dag. 2 ár í stóra fertugsafmælið.
En hann ber aldurinn vel, karlinn og er oftast frekar Hipp og Kúl pabbi.
Hafðu það gott gamli minn.


Til hamingju..!!


Faðir minn er aldeilis ekki sá eini sem á afmæli í dag.
Einar og Hjalli Horsensbúar eru líka árinu eldri í dag og óskar Froggie.is þeim hjartanlega til hamingju með daginn.

Son of a hunk

Samkvæmt þessu er karl faðir minn hvorki meira né minna en aðalhönk Kastljóssins og kynþokkafyllsti pabbinn.
Áhugavert.

Þegar að ég mynda-googlaði orðið "hunk" fékk ég þessar niðurstöður.

Jup, that's my daddy.

Kæra dagbók

Fólk kann ekki gott að meta og sagði síðasta blogg leiðinlegt. Nú er komin pressa á að þetta blogg verði fyndið. Finnst það afar ólíklegt þar sem að ég er pirruð. Því að það er bara hálftími síðan ég vaknaði og ég vaknaði ekki fallega. Hrökk upp með andfælum 5 mín áður en ég átti að vera komin að passa Breka Dreka töffara. Af hverju vaknaði ég ekki við símann minn eins og eðlilegt hefði verið?
Jú, einmitt vegna þess að síma kvikindið mitt er kominn með unglingaveikina og núna er það nýjasta að sleppa því bara að láta vekjaraklukkuna hringja. Og nei, ég sef ekki bara svona fast eða að ég slokkvi á henni í svefni. Óþolandi. Bætir ekki morgunhressleika minn.

Nenni ekki að tala við ykkur. Er í fýlu.

Svo fínt

Svo flott þessi herferð.
Flott föt, flott börn, flott land og flott Íslenskt veðurfar.
Allt svo flott.

Annars er bara 17 stiga hiti og sól hér. Ekkert til að vera að öfundast útí svosem. Svo hlýtt og gott.

Ekkert illa meint..

...En þegar að vinir mínir, kunningjar, félagar og bara eitthvað fólk útí bæ kallar mig STÍNA, þá langar mig til þess að naga af því hausinn.
Ég er ekki Stína. Ég er Kristín Alma Bergmann Sigmarsdóttir, kölluð Kristín eða Kristín Alma.

Annars var ég bara að koma af djamminu. Fyrir klukkan eitt. Ég er öflugasti djammarin í Horsens. Núna ætla ég að henda í vél, fá mér að éta og fara uppí rúm að sofa.

Mætti halda að ég væri að skríða í áttrætt, en ekki tvítugt.

Gætum vid fengid ad heyra eitthvad íslenskt?

Já, hefdi átt ad tuda adeins meira um thessa ritgerd sem ég var ad gera um Samsøe&Samsøe. Var ad fá hana til baka. Var med hædstu í bekknum og fékk 9+ takk fyrir.
Kennarinn vildi ólmur tala vid mig eftir tímann og spurdi mig hvort ad ég væri nokkud ad gleyma íslenskunni, thví thad væru svo rosalegar framfarir á danska ordafordanum hjá mér á stuttum tíma. Ég vildi nú meina ad ég taladi alveg sæmilega íslensku. Thá vard hann gladur og sagdi mér ad passa vel uppá tungumálid mitt. Ágætt ad thad sé til dani sem virdir thad ad ég tali módurmálid mitt, thó ad ég búi í odru landi.
Kennararnir sem ég var med fyrsta veturinn eftir ad ég kom til DK voru nefninlega ekki par sáttir vid thad ad ég skyldi tala íslensku, hvort sem thad var vid adra íslendinga í skólanum eda heima hjá mér. Theim fannst ad ég ætti bara ad tala donsku. Líka heima hjá mér.
Heima hjá mér er tolud íslenska. Nema thegar ad thad eru danir í heimsókn. Ég tala íslensku vid íslendinga, nema thad séu danir med okkur.
Ég tala donsku í skólanum og donsku vid dani.
Ætti ekki annad eftir en ad fara ad tala vid íslensku vini mína donsku, tala donsku vid systkini mín (sem er frekar algengt hérna úti reyndar, ad íslensk systkini tali bara saman á donsku) eda mommu og pabba á donsku.

Kristín skoðar heimin

Mér var tilkynnt það í morgun að ég væri að fara að skella mér til London með bekknum mínum. Í fjögurra daga Studietur. Ekki slæmt. En auðvitað kom það svo uppúr dúrnum að skipulags-sjúku danirnir væru að plana þetta þannig að við förum ekki fyrr en á miðri næstu önn. Eða í viku 40 eins og danirnir segja (Byrjun Okt).
En þetta er ágætt.
Svo er hugsanlega, kannski, mögulega spánarferð í bígerð, svo ég verð aldeilis orðin veraldarvön þegar að þetta ár er á enda.

Það er svo fyndið hvað maður fær alltaf sömu viðbrögðin frá fólki þegar að maður er að tuða um að manni langi til útlanda. "Hva, þú býrð nú í útlöndum, getur bara komið til íslands ef þú vilt fara eitthvað." Vissulega er það rétt að ég búi erlendis. En það þýðir ekki að hér sé tívolí, verslunarferðir og máltíðir á fínum veitingastöðum daglegt brauð. Síður en svo. Líf mitt hefur ekkert mikið breyst þó að ég búi hérna, þetta er alltaf bara sama gamla rútínan og heima. Ég vakna bara klukkan 7 á morgnana og mæti í skólann eins og aðrir. Fer í vinnu og vinn heimilisstörf. (Ok, geri ekki mikið af því, en samt)
Maður þarf bara stundum smá tilbreytingu frá hversdagsleikanum. Hvort sem maður búi á Florida eða í Kína.
Svo er ég bara þannig gerð að ég vil sjá heiminn og ferðast...

Alltaf að læra eitthvað nýtt

Jámms.
Það var svo heitt í dag að okkur fannst nauðsynlegt að kæla okkur niður og enduðum á að skella okkur á vit ævintýrana í miðbæ Århus.
Markmið ferðarinnar var að kaupa eitthvað og að sjálfsögðu gera eitthvað agalega menningarlegt.
Byrjuðum auðvitað á að hendast í H&M. Það var þá sem að ég uppgötvaði hvað það hefur gert mér gott að búa hérna í Danmörku.
Hver kannast ekki við það að um leið og komið er inn fyrir þröskuldinn á H&M hellist yfir fólk einskonar djöfullegur andi og maður þeytist um alla búð vel á þriðjahundraðinu og týnir til hverja flíkina á fætur annari þangað til að maður sér varla hvert maður er að fara fyrir fatahrúguni í fanginu. Sviti á enni, náladofi í í hendi og verkir í fótum. Oftar en ekki eru raddböndin svolítið sköðuð. En það er einungis ef að maður ferðast í hóp. Þá er nauðsynlegt að kalla á milli fatasláa, sérstaklega ef maður er Íslendingur. (Það er efni í heilt blogg, hversu mikið og hátt Íslendingar tala/garga sín á milli í búðum erlendis. Hata það.)
Svo hendist maður í mátunarklefann og mátar svona það helsta. Sveittur og oftar en ekki er maður búinn að vera það lengi inní búðinni að maður er alveg í pissuspreng og kannski í stressi að reyna að ná öllum hinum búðunum í bænum áður en lokar. (Það er einmitt öllum H&M ferðunum að þakka/kenna að ég vinn best undir pressu.)
Eníveis. Ég er hætt þessu. Ég fer stundum í H&M en fæ aldrei svona köst eins og ég gerði þegar að ég komst bara í þetta tvisvar á ári. Núna fer ég í H&M og kaupi kannski ekkert. Og ef ég færi í H&M eftir langtíma dvöl á Íslandi þá myndi ég ver skotfljót, því ég hef komið í svon margar svona búðir að maður er komin með ákveðna leiktækni...
Í dag fór ég í tvær stórar í Århus og tuðaði meira að segja yfir að einhverjar buxur kostuðu 200 danskar krónur. Og að ég gæti ekki fengið taxfree. Verður ekki danskara.

Ferðin heppnaðist annars vel. Slúttuðum þetta í Magasin þar sem að ég óverdósaði af rakspíra, ákváðum svo að borða international mat og fórum á McDonalds í hámenningarlegan tveggja rétta málsverð. Mög gott.
Bounty og kók á hraðbrautinni á leiðinni heim.
Ég verð södd fram yfir páska..

Ekkert að frétta. Ekkert að ske.
Eða jú, Zygmarr er alltaf fyrstur með fréttirnar.
Geðheilsa mín er af skornum skammti þessa dagana.
Algjörlega komin með uppí kok af Horsens. Fínn bær og allt það, en er með einhvern vorfiðring í kroppnum og langar burt í smá tíma. Sjá nýtt fólk og nýja staði. En það er víst ekki í boði og ekki er mikill áhugi hjá fólki að skella sér í ferðalag með mér, þannig að ég verð bara hérna í Horsens að bora í nefið. Var reyndar að íhuga að skella mér bara til Svíþjóðar. Ein. En það er er ekki að slá í gegn hjá yfirvöldum hér á bæ.
Nú, það er að koma apríl og ég hef ekki fengið nein svör um sumarvinnu. Áhugavert. Ég verð bara atvinnulaus í kvennahlaupsbol og Rúmfatalagersflíspeysu í sumar. Það er líka töff. Þá getum við bara gleymt Þjóðhátíð og öllu þessu skemmtilega sem átti að ske í sumar.
En hey það er sól. Og ég kann að fara heljarstökk á trampólíninu. Og ég fór í klippingu í dag. Fékk mér svona týpuklippingu sem ég á aldrei eftir að nenna að blása og greiða nema þegar að ég fer í bæinn. En verð allavega töff þá.
Og Amma og Afi eru í heimsókn. Allir fengu Íslenskar bækur frá þeim. Ég fékk að sjálfsöðgu matreiðslubók. Framandi og Freistandi. Nokkuð ljóst að amma veit að ég er ekki mikið í að elda slátur og hrútspunga. Æðisleg bók.
Best að halda áfram að lesa menningardoðrantinn sem ég keypti mér um daginn. Aldeilis merkilegar bókmenntir sem maður les. Shopaholic in New York. Ekki segja neinum.

Vaknaði í morgun og gat varla staðið fram úr rúminu fyrir bakverkjum. Hélt að nú væri aldurinn farinn að segja til sín og ég þyrfti eitthvað agalegt heilsu-spring-air-neverturn-betra bak rúm. Þegar að verkurinn lagaðist ekkert eftir heita sturtu var mér hætt að litast á blikuna. Það var vont að sitja, standa, liggja, hlaupa, ganga, hjóla, hoppa, hreyfa hendurnar og eiginlega hræðilega erfitt að hreyfa sig yfir höfuð.
Fattaði svo núna áðan að ég er ekki orðin svona gömul að IKEA rúmið mitt sé orðið of lélegt fyrir mig. Nei, verkurinn er í raun ekki bakverkur heldur harðsperrur. Og hvernig fær maður harðsperrur í bakið?
Prufið að eyða heilum sólardegi á huge trampolíni og sjáið hvað gerist daginn eftir.

Vil ekki vera leiðinleg, en í gær var fyrsti í grilli hérna í Hrossanesinu. Sól og blíða...

Salka Siimarsdóttir

Fallegasta Salkan sem ég á, á afmæli í dag. Orðin 4. ára.
Salka er rosalega mikill karakter. Og eiginlega bara skemmtilegasta smábarn sem ég hef vitað um.
Þið verðið bara að hitta þetta skrímsli mitt til að vita hvað ég meina.

Til hamingju með afmælið elsku núðlan mín!!

Allskonar

Ég veit ég er pínu sein að koma með þetta en
Ó MÆ GAD hvað fólk er klikkað. Það er eins gott að gegna, allavega svona ef maður vill halda augunum. Iiiidjók.

Lífið gengur sinn vanagang hérna í Danveldinu.
Ég er reyndar búin að ganga í gegnum tvær rosalegar ástarsorgir á stuttum tíma og er ekki viss um að ég geti elskað aftur, ALDREI.
Fyrra skipitð var það hann Abdúl sem hryggbraut mig. Hann hætti að senda mér sms fljótlega eftir afmælið mitt í síðustu viku. Hræðilegt alveg.
Ég var fljót að jafna mig því að ég hafði jú Boldsen (Fyrir fólk sem er fáfrótt, þá er Joachim Boldsen í danska landsliðinu í handbolta og ég er/var ótrúlega ástfangin af honum).
Sú naðra sveik mig aldeilis á afmælisdaginn hennar Kötlu og eignaðist barn. Lítil stúlka sem fékk nafnið FLEUR!!! Greyið barnið.
Þannig að ég er aldeilis búin að taka súkkulaðiáts, grenjumynda og "Það vill mig enginn" pakkann á einni viku.

Sumarið er alveg að fara að koma held ég. allavega er sólin voða dugleg að glenna sig og það fer alveg uppí 15 stiga hita hérna á daginn. Ekki leiðinlegt það, og maður farinn að hjóla eins og geðsjúklingur. Enda verið að æfa fyrir Tour De France.

Fór að passa á Larsen-setrinu í gær. Herra Larsen lét mig sverja þagnareyð, þannig að ekki get ég bloggað um það hvernig herra Larsen gerir sig reddý fyrir partý.
Hinn 4 mánaða Fróði Larsen var bara í stuði. Drakk hálfan líter af þurrmjólk (ekki í einu samt) og svaf svo eiginlega bara allann tímann. Ekki alveg sömu sögu að segja með Systir hans hana Evu Maríu, enda barnið lasið og búin að fá verkjalyf. Hún vakti og horfði á þýskann skemmtiþátt frameftir öllu kvöldi. Barnið skilur ekki orð í þýsku.
Ég kom svo heim til mín klukkan 5 í morgun, ekki í fyrsta skipti sem maður gerir það svosem. En ég er ekki frá því að það hafi verið betra að koma heim angandi af ungbarnaælu og með rassvasann fullann af peningum heldur en stinkandi af reykingar og áfengislykt og veskið tómt :)

Litla sæta frænka mín hún Alma Diljá Almarsdóttir á svo afmæli í dag og fær hún þrusu afmæliskveðjur frá stóru frænku sinni hérna í baunaveldinu.

Meira var það ekki. Ég er farin niðrí bæ að versla í H&M.

Koma svohh

Mig langar til þess að biðja lesendur Froggie Bergmann um greiða.
Vinsamlegast að skilja eftir sig létt spor í kommentakerfinu. Þarf ekki að vera neitt fyndið og heldur ekkert gáfulegt, ef útí það er farið. Mér er sama hvort að þið séuð náskyld, fjarskyld eða þekkið mig ekki neitt. Vil sjá ÞIG í kommentakerfinu mínu.
Langar að sjá hvaða fallega og dásamlega fólk er að lesa þetta baul í mér. (Linda Björk, þú mátt samt líka kommenta þótt þú sért ljót og leiðinleg :))
Og ef að þið viljið fá link á ykkar síðu hérna hjá mér, þá er bara um að gera að skilja eftir slóðina á ykkar síðu og þið fáið link, ég skal sjálf sjá til þess að það komist í gegn.

Bara ein 1.árs Katla

Eitt ár líður alltof hratt.
Fyrir ári bloggaði ég svona og svona.
Æji mér fannst svo gaman að fá hana til okkar. Hún er svo skemmtilegt barn, svo mjúk og falleg.
Ohh hvað ég er að verða gömul.

A-Manneskja dauðans!

Mamma og Gúmmípabbi minn eru í einhverri "menningarferð" á Ítalíu. Þannig að ég er búin að vera heima með Eyjólf minn síðan á Miðvikudaginn. Búið að vera alveg ofboðslega hugglegt hjá okkur og erum við búin að brasa margt saman , systkinin.
Það er bara einn galli á þessu. Það er alveg pain in the ass fyrir mig að vakna með barnið. Hann vaknar alltaf eins og Reynir Pétur. Svo glaður og talar algjörlega útí eitt. Mér líður stundum eins og ég sé með Hemma Gunn á spítti, munnræpan er svo mikil.
Þetta væri samt ekki mikið mál að höndla ef að ég væri ekki svo mikil B-manneskja að ég sprengi eiginlega skalan og fer eiginlega bara yfir í að vera Þ-manneskja og hef ALLTAF verið.
Þannig að þegar við Jójó litli erum að gera okkur klár í skóla og leikskóla þá þarf ég að bíta í tunguna á mér til þess að segja ekki eitthvað hræðilegt. Því það er ekki nóg með það að ég sé hrikaleg B/Þ manneskja, heldur er ég svo morgunfúl að kölski má vara sig. Þetta vita ALLIR sem hafa einhverntímann umgengist mig fyrstu 2 tímana eftir að ég vakna, alveg frá því að ég var lítil. Og Salka Systir er eins. (Hvaðan skildum við hafa þetta? Ha, Pabbi?)
En allavega þá var Vilborg mín að passa Jójó í gærkvöldi svo ég kæmist í afmæli til hennar Vinnie, hún lét hann fara að sofa klukkan 22.00 og barnið var vaknað klukkan 08.00 í morgun. "Góóóóóóóðaaaaan daaaaaaagiiiiiinnnnnnn Kriiiiiiiistííííííín, það er kominn DAAAAAAAGUR" vaknaði ég við í morgun.
Þess vegna er ég nú vöknuð, búin að klæða og fæða barnið, planta honum fyrir framan barnaefnið, taka til, setja í vél, búin að lesa netið, svara smsum frá fylleríis liðinu sem ég beilaði á klukkan 2 í nótt til þess að vakna með barninu og er að fara út að láta hundinn pissa. Klukkan er ekki orðin 10.00 á laugardagsmorgni. Svo ætlum við Jójó að leyfa unglingnum henni Vilborgu að sofa (Eitthvað sem ég hef skilning á) og skella okkur í sund.
Hressleikinn er alveg að gera útaf við mig..

Vá hvað ég ætla mér aldrei að verða svona A-manneskja.

Stóra Tillamálið

Í gær sat ég hérna í mestu makindum í sófanum, með tvo kíló af nammi og með því og var að spjalla á msn. Þegar að gæludýrið gaf frá sér öskur um að það væri komið nýtt skilaboð. Ég ákvað að standa upp og ná í kvekindið, enda ekki á hverjum degi sem að maður fær skilaboð (Reyndar fæ ég nokkur á dag frá Abdul, en það telst ekki með). Ég hoppaði af gleði þegar að ég sá að þetta var myndskilaboð, en reyndar úr óþekktu númeri.
Skilaboðið hét "Den". Þegar að ég opnaði skilaboðið brá mér heldur betur í brún. Þetta var mynd af einhverjum tilla og textinn sem fylgdi með var "Hann hlakkar svakalega mikið til" (á dönsku).
Ég var að sjálfsögðu við það að láta lífið úr forvitni og fletti númerinu upp á Krak og Gulu síðunum en fann ekkert.
Mikið svakalega vona ég að þetta sé einhver sem er að senda í vitlaust númer, því ég bara höndla ekki að hafa fleiri geðsjúklinga á eftir mér.

Ég er með þessa mynd inní tölvunni, en kann nú ekki við að pósta henni hingað. Við erum nokkur búin að reyna að leysa þessa ráðgátu en ekkert gengur. Enginn kannast við þennan typpaling. En allir þeir sem eiga hvítar Björn Borg nærbuxur liggja undir grun...

Angelina Guðmundsson?

Ég skil ekki af hverju Pabbi og Angelina Jolie giftast ekki.
Þetta er hið fullkomna par. Sama hobbý, safna börnum..

(Kann samt mjög vel við Þóru)

Fyrir 19 árum!

Fæddist þetta litla og reiða grjón.
Dáldið flippað að hugsa til þess að maður hafi einu sinni verið u.þ.b. 50 cm og 15 merkur, í dag er ég orðin 173 og hálfur sentimetri og aðeins meira en 15 merkur.







Í dag held ég uppá 19 ára afmælið mitt.
Já, í dag er einmitt ár síðan að ég fékk leyfi til að keyra í Danmörku, spila í spilakössum og kaupa tóbak. Guði sé lof. Hef keypt sígarettur 2 sinnum, bæði skiptin fyrir Lindu sem varð 18 ára 1. október og mátti ekki kaupa sjálf. Aldrei spilað í spilakassa í lífinu samt. Eitthvað sem ég verð að prufa fyrir 20 ára afmælið. Þá fer ég full í spilakassa. (Má maður ekki annars kaupa áfengi 20 ára á Íslandi?)
Annars er fínt að frétta. Búin að heyra danska afmælissönginn full oft í dag reyndar svo hann glymur í hausnum á mér. 2 skyndipróf í skólanum, sem er auðvitað bara eitthvað til að vera með leiðindi á afmælisdaginn minn, það eru aldrei skyndipróf í Danmörku.

Reiða grjónið..

1árs

1. árs Salka



Næstum því 1. árs Katla með slef