Så er der kunder

Vá. Ég held að ég sé búin að blogga um allt. Allavega hef ég ekki haft neitt merkilegt að blogga um í viku eða eitthvað. Það kemur bara aldrei fyrir.
Ég er búin að horfa á Önnu Pihl seríu eitt - nú bíður bara sería tvö eftir að láta horfa á sig. Einhver sem á hana fyrir mig?

Eníveis þá er allt við það sama. Skólinn er að skríða í gang. Það bitnar á mér núna hvað ég var dugleg í fyrra. En ég tók stöðupróf í ensku þegar skólinn byrjaði í fyrra og þurfti bara að vera í einsku eina önn og þá var ég búin með hana. Síðan náði ég einhvernvegin að klóra mig í gegnum einhverja sálfræði og er búin með hana líka. Þannig að núna er ég með allskonar eyður í stundaskránni minni þriggja tíma eyða í dag, síðan á ég að mæta seinna suma daga og búin fyrr suma daga. Ég ætlaði að fá að klára þá bara námið á þessari önn með því að taka bara sjúkt marga tíma og vera þá í tímum frá 8-16 alla daga. En dönunum finnst það nú full mikið, ég má ekki taka nema 21 tíma á viku!! Sem er rugl. Ég held að ég sé með einhverja 17 tíma. Ætlaði þá að taka bara 4 spænskutíma á viku til að losna við þessar eyður og drasl. En það var ekki i boði. Það hefði verið svo mikið vesen að púsla því saman, því ég þyrfti þá líklega að vera með busunum í því og eitthvað crap. Blahh hvað ég er að verða geðveik á þessu. En á nú að fara á fund fljótlega með einhverjum "yfirmönnum" þarna uppí skóla til að greiða úr þessu.

Ég nenni þessu rugli ekki. Langar að sofa af mér þessi menntaskóla ár og vakna bara í háskólanámi. En það er nú ekki í boði. Ég lít á námið sem vinnu og ekkert rugl.

Hmmm, annars er ég búin að ver mjööög tussuleg í dag. Held að tennurnar á mér séu að springa útúr hausnum á mér útaf endajöxlunum sem eru að koma upp. Ég passa mig samt á að fara ekki til tannlæknis. Bætir reyndar ekki stöðuna að ég er svo kvefuð og allar holur stíflaðar þannig að mér líður eins og ég sé með þvingu á hausnum.
Kannski skildi þó aldrei vera að svefnleysi hefði eitthvað að gera með þetta?

Vissi þetta!

Ég er svo sjúk.
Það kom hingað ungur herramaður og hennti inn á tölvuna allri fyrstu seríu af Anna Pihl. Þetta var milli 00.00 - 01.00. Honum var svo nánast hennt út svo ég gæti farið að glápa. Núna er klukkan að slefa í 4 og ég búin með 3 þætti og langar hrottalega að kíkja aaaaðeins á næsta þátt. En ætla nú ekki að gera það. Hvílík sjálfstjórn sem ég hef.

Ég er skelfileg með þetta. Hver man ekki eftir því þegar Kristín Alma tók Grey's Anatomy session-ið hérna í vor. 3 seríur á einhverjum 10 dögum - þetta á ekki að vera hægt.

Skal veðja að eftir svona 35 tíma verð ég búin með seríuna. Get ekki hætt..

Enn af veðri

Vá hvað ég hlýt að vera að gera ykkur geðveik á að tala bara um veðrið.
Það er brjálað þrumuveður hérna og búið að vera í allt kvöld. Þegar eldingarnar koma lýsist allt upp hérna inni eins og ég sé með einhverja svakalega ljóskastara. Svo er að sjálfsögðu alveg kolvitlaus rigning líka. Ég þakka bara fyrir að vera uppá þriðju hæð núna, annars væri ég líklega drukknuð.
Annað fieldtrip með skólanum á morgun. Við erum að fara uppí Århus að skoða Handelshøjskolen þar. Svaka stuð. Förum á einhverja kynningu um hvaða framhaldsnám er í boði þarna, en eins og gefur að skilja er það Viðskiptafræði og þessháttar fög. Sem er reyndar alveg spennandi. Þó að ég ætli ekki í framhaldsnám í Danmörku. Allavega ekki eins og planið er núna. (Það heitir kannski ekki framhaldsnám á Ísl?)
Allavega, ég ætla svo að láta skilja mig eftir í Århus því að Svanhvít er einmitt í Danmörku núna og við ætlum að hittast og kaffihúsast aðeins og hugga okkur að hætti innfæddra ;)
Á föstudag er svo planið að kíkja aftur uppí Århus og þá á að djamma. Ætlum við að hitta Per Poulsen (sem var með okkur á Þjóðhátíð) og taka púlsinn á næturlífinu þarna uppfrá. Verður örugglega mikið grín og mikið gaman.
Á laugardaginn er svo háskólafólkið mitt væntanlegt til baka frá Íslandi. Skilst að það eigi að halda uppá það með tjútti. Middelalderfestival hérna í Horsens og ýmislegt að ske. Hver veit nema maður skelli sér bara á Crazy Daisy, enda ekki farið þangað síðan kvöldið sem við Íris fórum á hælaskóm á varðeld...good times :)

P.S. Nú þori ég ekki að fara í sjónmælingu. Ég er svo hrædd um að ég þurfi gleraugu. Hræðilett.

Það sem af er þessari önn hef ég ekki kíkt neitt á Perez félaga minn. En ég er búin að lesa rekstrarhagfræði tvisvar.
Eitthvað öfugsnúið dæmi. Ég hef nefninlega átt það til, einstaka sinnum að fara á einhverjar svona sniðugar síður þegar að ég á að vera að læra.
Nú get ég ekki lært neitt í tvær vikur því að það er svo mikið búið að ske á Perez síðan ég kíkti síðast.

Ég held annars að ég þurfi gleraugu - Hvert fer maður í sjónmælingu?

Síðan skein sól

Hvar er sólin?
Það er ekki búið að vera einn sólardagur síðan ég kom út. Hvað er málið með það?
Ég sem var orðin ógeðslega brún í apríl og maí, en núna er ég eins og ég hafi verið lokuð inni í 5 mánuði. Hvítari en krít.
Núna er einhver crazy ass rigning og mér sýnist á öllu að það sé ekkert að fara að stytta upp, frekar að það sé að koma þrumuveður.
Vanalega finnst mér bara kósý í svona veðrum. Hanga uppí sófa með bók og teppi. En þegar að það er búið að vera svona veður stanslaust í 10 daga þá er það orðið boring og maður búin að lesa allar bækurnar sem maður á.

Dásemd.

Skulda engum pening. Fór 5 km og var viðræðuhæf í dag. Eftir að ég hafði tekið hádegislúrinn.
Ætla samt ekki í fyrramálið aftur. Það var svo erfitt að vakna.

Ég má ekki vera að því að blogga. Ég er að skoða háskólanám í háskóla í henni Ameríku. Ógeðslega spennandi. Langar út ekki seinna en í gær :)

Happy feet

Ef ég fer EKKI út að hlaupa í fyrramálið klukkan 05.45 þá gef ég ykkur öllum 1000 kr. Öllum.
Það er samt bannað að koma heim til mín og afstilla vekjaraklukkuna.

Mjög sniðugt að segja þetta. Nú verð ég að fara út að hlaupa því að ég á ekki 350.000kr sem ég má missa :)

Ég hef líka heyrt að maður verði glaður ef maður hreyfir sig. Ég verð þá kannski jákvæð á morgun.

Edderkoppegrisebassemand...

Mig langar að fara á Simpsons myndina á dönsku bara til að heyra Spiderpig atriðið. Því spiderpig er sagt; Edderkoppegrisebassemand á dönsku. Það er fyndið.


Edderkoppegrisebassemand

Næturblogg

Ég get ekki sofið. Ég var að horfa á Harry Potter í sleik. Ég get svarið fyrir það, ég hefði frekar viljað horfa á mömmu og pabba í sleik heldur en þetta. Vandræðalegt. Ef hann fær sér að ríða í næstu mynd ætla ég ekki að sjá hana. (Er sko ekki búin að lesa bók nr 6)

Ég er ógeðslega bitur útí Danmörku þessa dagana. Mjög slæmt þar sem ég bý víst hérna. Danskt nammi er ógeð, danskur matur er viðbjóður, dönsk hús eru asnaleg, danskt skólakerfi er útí hött, ætla ekki einu sinni að ræða tungumálið og veðrið er fáránlegt. Síðan ég kom er búið að vera GRENJANDI rigning eina mínútuna og svo alveg GLAMPANDI sól hina mínútuna. Svona skiptist þetta á ALLAN daginn. Þreytandi.
Þetta lagast samt, ég vildi bara fá að vera aðeins lengur á Íslandi. Ég var eins og ég væri á leið í aftöku þegar ég var að fara í skólann í síðustu viku. Kannski ekki skrítið því að við erum bara búin að vera í einhverjum leikskóla leikjum alla vikuna. Bygholm Park í ratleik og svo kíktum við í Danish Crown - eitt stærsta sláturhús í Evrópu og sáum hvernig grísir eru slátraðir svo við getum nú fengið flæskesteg.

Hvað get ég sagt ykkur fleira neikvætt?

Ég er að taka endajaxla - ENNÞÁ! Er með verk frá góm uppí kinnbein og þaðan uppí eyru. Ég er öll alveg stökk bólgin í kjaftinum og er að fatta það núna að það er örugglega þess vegna sem ég er svona hrottalega bitur og geðvond. Ætti kannski að finna mér tannlækni..
Ég þarf að fara í klippingu. Hvert sinn sem ég geri tilraun til þess að vera með slegið hár, þá fæ ég köfnunartilfinningu, án gríns. Of mikið hár, ég er komin með hár lengst niður á bak og er ekki að nenna svona síðháraleik - sérstaklega ekki þar sem sléttujárnið mitt er á Íslandi og hárblásarinn död. Svo ég er skiljanlega með crazy hair.

Hugs hugs hugs.

Klukkan er orðin alltof margt. Ég þarf að vakna með barnið í fyrramálið. Hann heppinn að fá að eyða morgninum með ósofinni systur sinni. Þeir skilja það sem hafa lennt í að þurfa að vera í 5km radíus við mig fyrir hádegi :)

Andskotinn

Fiskar: Samkomur sem þú skipuleggur nú takast mjög vel. Þú gætir fengið vinnu út á það. Í kvöld er sá sem þú ert að hugsa um, líka að hugsa um þig. Hringdu.

Ohh, ég man ekkert um hvern ég var að hugsa í kvöld. Enda búin að horfa á 3 chick flick myndir með unglingi B.
En svona vegna þess að ég klikkaði, er sá sem var að hugsa um mig í kvöld til í að hringja bara? Ég er svo forvitin.

(+45) 20 95 46 55

Damn. Klukkan orðin 02.00 - Ég á aldrei eftir að vakna í þennan djöfuls spinning tíma sem ég ætlaði í í fyrramálið.

Nokkrir góðir dagar án..Mömmu

Jæja, þá er maður fluttur aftur heim. Reyndar bara yfir helgina því ég er með unglingana í minni umsjá meðan kynmóðir okkar er í saumaklúbbaferð í Amsterdam. Ekkert djamm fyrir mig um helgina. Bara gera eitthvað sem húsmæður gera.
Ég er alveg komin með to do lista og allt.

• Ryksuga
• Viðra hundinn
• Þrífa skjaldbökubúrið - hefur víst ekki verið gert síðan í maí að mér skilst
• Þvo þvott
• Þrífa heima hjá mér
• Fara í genbrug
• Gera eitthvað skemmtilegt og uppbyggjandi með unglingunum

Spennandi helgi frammundan eins og þið sjáið. En hvað gerir maður ekki fyrir yfirvaldið.

Ég hefði kannski átt að hafa hærra um það að ég eldi ekki. Tók mig til í gær og eldaði þessa líka dýrindis máltíð fyrir okkur systur. Hafði einfaldlega ekki í mér að bjóða unglingnum (Unglingur B er í næturgistingu) uppá serjós í kvöldmatinn. Þannig að það var skundað útí Rema 1000 og keypt kjúlla og eitthvað sem ég gat hugsað mér að malla með. Þegar heim var komið var þetta steikt, sullað í eldfast mót og hálftíma seinna var komin þessi líka dýrindis réttur. Maður er ekki lengi að hrissta kræsingarnar fram úr erminni þegar maður tekur sig til. Ónei.
Mamma heldur að ég hugsi ekki nógu vel um systkini mín þegar að ég er með þau svona í nokkra daga í einu. Þess vegna tók ég video og myndir til þess að sanna að ég leggji mig virkilega fram í að vera góð við þau greyin.
Ég kann ekki að setja myndbönd á netið þannig að myndirnar verða að duga.


Kveikt á kertinu góða


Að fá sér


Afvelta


Fróði vildi ólmur smakka

Annars vil ég bæta því við að Móðir mín í föðurætt á afmæli og vil ég nýta tækifærið og senda henni hamingjuóskir í tilefni dagsins. Orðin heilum 9 árum eldri en ég. Geri aðrir betur.
Hún ákvað að svara ekki símum í tilefni dagsins, eða allavega ekki svara mér svo kveðjan er netvæn í ár.

Pabbi og afmæliskonan

Íslensk Kjötsúpa

Myndi gefa annan handlegginn ef ekki meira fyrir venjulegan heimilismat núna. Ég held svei mér þá að ég hafi ekki fengið almennilega eldaða máltíð í meira en mánuð. Svona ef maður telur ekki sveittu borgarana og fýlu pullurnar sem var étið í Eyjum með. Enda var það nú ekki matur fyrir 5 aura.
Mér dettur samt ekki til hugar að elda mér eitthvað. Frekar held ég áfram að éta túnfisk í dós og Cheerios-ið sem ég hafði mikið fyrir að taka með frá Íslandi. Get líka alveg hætt að tuða. Allur veturinn framundan á þessu mataræði, svo það er bara eins gott að maður fari að venjast þessu.

Annars langar mig að vita eitt. Af hverju þurfa fartölvur að vera svona marglitar alltaf. Ég þoli það ekki. Aldrei hægt að fá alveg svartar tölvur, verður allt að vera með gráu lyklaborði, hvítum ramma og einhverjum krúsídúllum.
Annað, er ekki hægt að fá töff fartölvutöskur? Allar ljótar, eða bara svona venjulegar. Mig til dæmis langar ekki í svarta venjulega. Var búin að finna eina frá Samsonite, en hún er auðvitað uppseld núna. Blehh

Geng í málið á morgun. Ætli ég endi ekki bara með skræpótta tölvu og svarta tösku..

Hver er Alli?

Það hefur nú ýmislegt á daga mína drifið síðan ég fékk hugmyndina hér að neðan. Ég er til að mynda hætt að vinna í Samskip. Það var alveg hrottalega fínt að ganga þaðan út í síðasta skipti. Enda er þetta búið að vera mitt annað heimili í sumar og ég komin með snert af ógeði.
Á föstudaginn skellti ég mér svo í útilegu á Snæfellsnes með Svanhvíti, Stjána, JP, VP, Ásdísi systur þeirra og famelíu. Og reyndar einhverju öðru fólki líka. En við vorum samt svo ógeðslega hress að við þurftum ekkert á öðru fólki að halda.
Ég var reyndar löngu búin að ákveða að vera bara heima með Pabba gamla á föstudaginn, en síðan ákvað ég að láta undan hópþrýstingi og kíkja með. Þetta var eiginlega þannig að Svanhvít bara ruddist inn heima hjá mér, tók undir handlegginn á mér, bar mig útí Prinsinn og brunaði af stað. Ok, kannski ekki alveg, en þetta hefði getað verið þannig.
Eníveis það var mjög gaman í þessu litla roadtrippi okkar og skemmtilegt að fara svona í útilegu líka. Varðeldur, Gítar, hefði verið nikka líka ef einhver hefði ekki beilað, áfengi, skemmtilegt fólk og frábært veður.
Brunað í bæinn um hádegi á laugardag til þess að geta eytt deginum með fjölskyldunni. Á gaypride.
Það var reyndar helvíti fínt. Katla kippti sér ekkert upp við þetta, en sölku fannst þessi ganga æði. Einhverra hluta vegna hélt hún að þetta væri Skátaskrúðganga og skátafánar og skátalög. Síðan fórum við að reyna að útskýra þetta fyrir henni að þetta væri gaypride gangan og jaríjarí. En hún nennti ekkert að hlusta á það. Bara hélt áfram að horfa á skátana og drotninguna..krúttrassgat þetta barn.
Pabbi fór svo með okkur Sölku á Fridays í Smáralind þar sem mér tókst að hrynja á rassgatið fyrir framan staffið þar. Þeim til gleði og yndisauka. Mér fannst þetta takmarkað fyndið og fékk marblett.
Þetta kvöld var svo allt mjög hræðilegt. Dó næstum úr sjálfsvorkun þegar að ég var að pakka. Svo að kveðja alla. Það var viðbjóður og grenjaði ég alveg hellings þá.
Síðan var haldið útá flugvöll og hangið þar í því gleðilandi til kl.01.00 þá fórum við í loftið. Ætlaði aldeilis að sofa, enda sama og ekki neitt sofið nóttina áður, en nei. Voru ekki öll heimsins organdi ungabörn í flugvélinni og þar á meðal eitt við hliðiná mér sem sparkaði ítrekað í mig og lét öllum illum látum.
Skil ekki hvað fólk er að pæla með að taka börnin sín með sér í svona næturflug.. auðvitað sofa þau ekkert bara allan tíman þegar búið að er rótast svona með þau. Síðan voru þau orðin alveg trítilóð þegar að við vorum að ná í töskurnar og bætti það ekki að seinu danirnir gátu ekki komið töskunum á bandið fyrr en að verða 2 tímum eftir lendingu. Þá átti ég eftir 3 tíma lestarferð, gat ekkert sofið þar heldur svo ég var orðin VEL pirruð þegar ég komst loksins heim til mín. Svaf þá í 21.klst nánast samfleytt.

Í morgun vaknaði ég svo, mjög hress en var komin hálfa leiðina í skólann þegar að ég gerði mér grein fyrir að ég hefði ekki stillt klukkuna á danska tímann og var því ekki nema 2 tímum of sein fyrsta daginn. Gaman af því.

Fékk þá frábæru hugmynd að taka strætó frá Samskip uppí Rúv, eftir að faðir minn hafði læst mig úti og skilið bílinn eftir heima.
Var fljót að hætta við þegar ég sá á Bus.is að það myndi taka mig 56 mín. og kosta mig 280kr.

Af hverju velja ekki fleiri þennan frábæra ferðamáta?

Vegna fjölda áskorana hef ég ákveðið að blogga um helgina.
En samt bara á morgun.

Þangað til.. "HVAR ER PER??"

(Það er eitthvað lítið um myndir vegna rafhlöðuleysis. Þannig að orð verða að duga)

Artífartí Þjóðhátíð

Sjáiði hvað ég er sjúklega frumleg og artý á Myspace. Var að breyta til. Snjóhúsið var ekki alveg að gera sig og ég ákvað að skipta yfir í egg vegna þess að ég er nú einu sinni að vinna í þessu yndislega mötuneyti í Samskip. Love my job!!
Jájá, þetta er svona gaman af þessu.
Allt að verða klárt fyrir Þjóðhátíð 07. Ég er búin að vera óþolandi þessa vikuna, ekki búin að tala um annað og búin að blasta "Í brekkunni" 24/7. Miða við hversu mikið og hátt þessi diskur hefur verið spilaður í Kórsölum eru nágrannarnir eflaust líka bara komnir í Þjóðhátíðargírinn.
Faðir minn röflaði yfir þessari tónlist í nokkur skipti. Síðan tilkynnti hann mér að hann ætli að koma "með" til eyja. Segist vera að fara að vinna, en ég trúi því ekki. Gæti reyndar verið að hann sé bara svona hræddur um frumburðinn, rúllandi fullann í brekkunni..
Ég skreið um háaloftið hjá ömmu og afa í gær og fann til sjógalla (ekki nema 8 sett) og annan nauðsynlegan búnað. Síðan er bara að henda gúmmítúttunum og lopasokkunum í tösku og þá er maður klár. Móðir mín búin að fara í ríkið fyrir mig og þar með búin að garentera að ég verði þunn fram í september.
Ég gerðist voðalega séð og fékk símadömurnar í Samskip til þess að hnýsast aðeins fyrir mig hverjir frá fyrirtækinu væru að fara á Þjóðhátíð. Þar sem ég þarf að mæta í vinnuna á þriðjudag og miðvikudag eftir Þjóðarann þá vil ég vita hversu mikið ég get gert af mér og hversu mikið ég get drukkið. Ætla ekki að vera búin að hrauna yfir forstjórann og síðan kemur hann í mat á þriðjudaginn. Vandræðalegt.
Símakonurnar eru hins vegar ekki að standa sig. Þær eru búnar að hafa alla vikuna til þess að finna þetta út, en einungis búnar að segja mér frá einum strák sem er að fara. Fyrir vissi ég um einn ungann mann og einhverja pjakka úr vöruhúsinu. Þetta er nú allt karlkyns, svo ekki fer ég að ræða við svoleiðis, hversu drukkin sem ég nú verð.

Annars er planið samt að haga sér vel, enda er það ég sem þarf að hafa vit fyrir Stjána, JP og helvítis útlendingnum.
Vona að ég komist lifandi frá þessu öllu saman, annars bið ég ykkur bara vel að lifa, þetta hefur verið skemmtilegur tími hérna á jörðinni og ykkur er öllum boðið í jarðaförina.

Bless.