Allavega, allt fór á fullt í morgun, byrjað á að fá sér hollan morgunverð og taka vítamín. Í hádeginu var það svo salat, beygla og coke zero. Í kaffinu var það svo hrökkbrauð með einhverjum heilsuosti sem bragðaðist eins og plast. Í kvöldmat var svo einhver agalega heilsusamlegur kjúklingaréttur. Drakk alveg heil ógrynni af vatni og eyddi þar af leiðindum lunganum úr deginum á klósettinu - eða að hlaupa á klósettið alveg í spreng.
Klukkan 20.00 var ég orðin svo geðvond að það var ekki nokkrum manni bjóðandi að vera nálægt mér. Svo ég fór í bíó.
Rankaði við mér þegar að ég var nánast búin með stóra kók, hálfan stórann popp poka og búin að ræna súkkulaði af sessunautnum.
Þegar heim var komið fór ég að læra smá. Þannig að það var mjög nauðsynlegt að fá sér smá PepsiMax og smá súkkulaði.
Eruði viss um að súkkulaði sé ekki lífsnauðsynlegt? Ég held að það sé eitthvað í súkkulaði sem við getum ekki lifað án. Nei, bara pæling.
Á morgun er það svo hreyfingin. Miða við daginn í dag verður hreyfing morgundagsins að labba útí bíl, teygja mig eftir meira nammi eða lyfta 2 lítra kókflösku.
2 ummæli:
Hrökkbrauð er ógeð, skyr er viðbjóður og Boozt var fundið upp af andskotanum sjálfum. Fékk sennilega hugmyndina í 70 mínútum þar sem menn drukku ógeðisdrykk.
Ég get ekki verið í megrun, mér finnst allt hollt vont:(
kristin láttu ekki sovna..U CAN DO IT!!!!
annars er ég sammála.. ég fæ enga ánægju á því að borða það sem er svona ofur hollt. ég vil fá mínar pizzur og hamorgara!
Skrifa ummæli