Ég verð víst að viðurkenna það að ég hef ekki verið að sinna skyldum mínum sem bloggari síðustu daga og vikur. En það er reyndar búið að vera hundmikið að gera hjá mér og froskurinn.is var settur á hold á meðan.

Mikið hefur nú ekki skeð síðan síðast. Jú við skitum uppá bak í Júróvisjón. Ekki í fyrsta skiptið og ekki það síðasta. Svo var það feministinn Kristín Alma sem að horfði á aðalkeppnina. Hlýtur að hafa verið mjög heitt í Aþenu - Allir bara berrassaðir. Bókstaflega á rassinum. Meira að segja gellan sem að fékk allar millurnar til að dressa sig upp ákvað að mæta bara á nærbol og stígvélum. Töff.
Reyndar toppuðu Bretar kvöldið með barnakláminu, aldeilis flott hjá þeim. Júróvísjón sökkaði feitt þetta árið, gjersamlega gleited dæmi - Fyrir utan danska lagið að sjálfsögðu, gå denmark.

Kosningar riðu yfir landið síðustu helgi. Allir sigurvegarar eins og komið hefur fram einu sinni eða tvisvar. Get ekki ákveðið hvort ég eigi að vera Kommatittur eða Sjalli. Sem er mjög spes. Finnst margt af því sem að Vinstri Græn eru að gera mjög frábært og æðislegt. Annað glatað. Eins með Sjálfstæðisflokkinn. Finnst þeir vera með hausinn alltof mikið inní síns eigins rassgati - mættu alveg kíkja út við og við.

Hmm. Massa mikið að gera um helgina er á fullu við að finna mér date til að taka með mér í þrítugsafmæli á laugardag. Hangi á Sólon á kvöldin og á Subway niðrí Faxafeni milli 13-14 alla daga til að finna útúr hvern ég eigi nú að taka með mér, ekki getur maður mætt einn í svona samkvæmi. Það er bara lummó.
(ætti kannski að finna mér betri staði til að hugsa á?)

Mamma á afmæli í dag, 22 ára þessi elska, óska afmæliskonunni til hamingju með það.
Lifðu í lukku en ekki í krukku.

Lifið heil

Illa útleikin eftir Kötlugos

Katla gerði sér lítið fyrir þegar að ég tók hana í fangið á mánudag.
Gaus 30 lítrum af brjóstamjólk yfir mig.

Þetta er mynd af ælinu.

Lítið bloggstuð, fékk hræðilegar fréttir fyrr í dag. Sendi mínar dýpstu samúðarkveðjur í Sandgerði.

Guð veri með ykkur á þessum erfiðu tímum.

Eitt af börnunum sem ég var að passa úti í USA, þegar að ég fór þangað sem aupair er að koma til Íslands með mömmu sinni. Hún verður eins árs á morgun, lítla snúllan. (var alveg ný þegar ég fór út) Hún verður hjá mér um alla helgina, og ég ætla að fara með hana í húsdýragarðinn og við ætlum að gera allskonar skemmtilegt saman, hlakka þvílíkt mikið til, finnst ég eiga svo mikið í henni, og þeim systkinum reyndar líka.
En ef að það er einhver sem á Vagn eða svefnkerru sem að ég get fengið lánaða yfir helgina væri það frábært :)

Ohh, þar fóru grillpartýin

Gat nú verið, loksins þegar að það var kominn svo fínn mórall hérna í úthverfið okkar útaf öllum grillveislunum, sem brennuvargurinn sá fyrir og skipulagði alveg sjálfur. Gleited.
http://mbl.is/mm/frettir/innlent/frett.html?nid=1200723

Annars var ég að ræða við Brynju Rún vinkonu mína.
Fann út að ég væri ekki tilbúin til að vera full time mom, allavega ekki eins og er, þannig að ég ákvað það að það væri fullkomið fyrir mig að fá mér kærasta sem er barn, nei fyrirgefið Á barn. Pælið í hvað það myndi hennta vel, bara vera með kallinn alla daga og svo barnið aðra hvora helgi (Þ.e. ef að móðirin væri með forræði.) og kannski nokkrum sinnum á virkum dögum. Hanga svo aðeins í Smáralind með grenjandi krakkann og kaupa svo ís, fara í bíó og gera ALLT svona til að maður þurfi nú örugglega ekki að eyða svona "mommy and me time" með barninu.
Fullkomið.
Svo ef þið vitið um einhvern svoleiðis, 82-86 módel þá bara bjallið þið í mig.
(Verður samt að standast gæðastuðla (er það orð?) og þær kröfur sem eru settar.)

Kannski að setja þetta í einkamál? Eða barnaland.is?

Aldrei kaus ég framsókn

Fór á kosningaskrifstofuna til Sóleyjar móðursystur minnar í föðurætt um daginn, í kommúnistapartý. Auðvitað var dælt í mann merkjum sem á stóð "Ég rokka til vinstri" og svona skemmtilegt.

Hún Sóley sagðist ætla að bíða með að taka "ræðuna" á mig þangað til pabbi væri kominn til Aþenu. Eftir þessa ræðu á ég víst að vera orðin græn í gegn. Hún á góða möguleika, þar sem að ég er ekki neitt eins og er. En hver veit hvort að ég fari bara að leggja í fatlaðrastæði og verði exbé.

Það er búið að vera geggjað veður í Reykjavík síðustu daga. Eða svona geggjað á íslenskan mælikvarða. Enda liggur það í augum uppi að þegar að ég á að vera inni að lesa fyrir eitthvað bjévítans próf, þá er rjómablíða úti. Mér reyndar er búið að takast að gera ýmislegt til að njóta veðurblíðunar. Fór í sund og í langan göngutúr í gær, labbaði alveg út um allt breiðholtið - finnst það nú dáldið vel af sér vikið.

Köttur móður minnar í föðurætt* (sem hún skyldi eftir, alveg óvart heima hjá mér) er farin að fara sjálf út núna, uppgötvaði það einn daginn að hún komst útum eldhúsgluggan og inn aftur. Mikil uppgötvun fyrir svona animal. Enda síðan að hún fór út í fyrsta sinn þá er hún búin að príla inn og útum gluggan líkt og enginn sé morgundagurinn. Greyið. Núna þarf ég að hafa áhyggjur af því að kattarkvikindið láti barna sig.

Best að halda áfram að læra, svo að ég eigi smá möguleika á að ná þessu prófi.

*Móðir mín í föðurætt er Þóra, hún er að sjálfsögðu mamma mín, en til að skilgreina hana frá mömmu verður hún að vera móðir mín í föðurætt, þar sem að hún er mamma mín pabbamegin. Og þá er það nokkuð ljóst að móðursystir mín í föðurætt er systir Þóru

Til hamingju kæru landar!

Loksins settum við Íslandsmetið langþráða
Í dag 07.05.06, tróðum við okkur öll saman, á sama tíma ofaní Salalaugina í Kópavogi.
Fámennt en góðmennt.
Samt var ekki hægt að skipta um skoðun í pottinum, til dæmis.

Í nótt var hið árlega grillpartý hérna í Salahverfinu.
Afrakstur næturinnar eru 3 skemmdir bílar.
En þess má til gamans geta að á síðasta ári kveiktum við í heilli blokk til þess að smala nú saman nágrönnunum og halda almennilegt partý.
Án gríns þá er einhver brennuvargur hérna í blokkinni fyrir aftan. Alltaf allt í björtu báli þarna.
En stuð var það, hitti Höbbu nágranna minn og svona ýmislegt, allir með öl að horfa á bílana brenna.
Mæli með þessu, fá sér einn brennuvarg í hverfið og þið munið öll sameinast og verða bestu vinir.

X-Sigmarsdóttir

Ég er að hugsa um að kjósa sjálfa mig í kosningunum sem fara munu fram eftir 22 daga.
Bara X-Sigmarsdóttir, eða eitthvað álíka töff.
Reyndar var ég farin að þjást af mjög alvarlegum valkvíða, því ég vissi/veit ekkert hvaða pakk maður á að kjósa. Maður getur ekki einu sinni kosið eftir því hver er sætastur, því að allir svona kallar eru ljótir, allavega ekki minn tebolli. Nema kannski GMB, hann er nú alveg killer dúllurass.
Var líka að hugsa um að fara í heimsókn á kosningaskrifstofurnar og fá mér pulsu (pylsu, whatever) og helíumblöðrur - Sjá svo bara hvaða pulsa,pylsa væri best og kjósa eftir því. Fannst það dáldið sniðug lausn. Var mjög hamingjusöm þegar að ég ákvað að bera þetta undir Guðmund, stóra frænda minn, hann sagði mér að ég væri virkilega mikið Þvaghænsni að halda það að ég ætti að kjósa. Ég var alveg gáttuð á þessu og spurði hann hvað í ósköpunum væri nú að þessari hugmynd. Hann sagði að við sem værum með lögheimili erlendis myndum ekki kjósa.
Damn, þar fór það.
Valkvíðinn færist bara til næsta árs.
Þið hafið þá heilt ár til þess að sannfæra mig um það hvort ég eigi að kjósa Sjálfstæðisflokkinn eins og fólk hefur gert í mínum ættum í hundrað ár, eða þá hvort ég eigi bara gefa skít í famelíuna og gerast kommúnisti.

eins og þið sjáið þá hef ég ekki hundsvit á þessu.

X-Sigmarsdóttir er farin að sofa í hausinn á sér

Ég fíla DillaDilla

Er búin að vera með þetta lag á heilanum alla helgina.
Gerði þau skemmtilegu "Mistök" að fjárfesta í Madagascar fyrir Sölku.
Æðisleg mynd, á ensku.
Glötuð á Íslensku.
Í lagi á sænsku.
Salka er búin að syngja hástöfum alla helgina "Ég fíla DillaDilla"
Man reyndar, þegar að ég sá þessa mynd úti í Ameríku með April, þá var ég með sama stefið "I like to move it, move it" á heilanum í 27 daga á eftir.



ÉG FÍLA DILLA DILLA!!!!!!

Sænskar Skólastelpur og Helgarpabbar

Get ekki sofið, bara alls ekki.
Lögleg afsökun, sem ég hef núna.
Var mjög þreytt eftir erfiðan dag og sofnaði yfir einhverri leiðinlegri mynd á Rúv, þar sem meðal annars var fertugt fólk að leika 18 ára menntaskólakrakka í sleik. Geðslegt. Svo þegar að þau voru ekki í sleik, þá dönsuðu þau ballett eða voru á ballettæfingum, held að þetta hafi verið ballettæfingar, leit samt út eins og kynlífsorgía, dáltið spes bíómynd til að sýna svona klukkan 20.00 á laugarsdagskvöldi. Enda sofnaði ég bara og svaf til 23.00
En núna er klukkan orðin 04.00 og ég get ekki sofið, af hverju? Jú, ég er að fara ótrúlega fínt á morgun, út að borða og allskonar og ég hef enga hugmynd í hverju ég á að fara. Af hverju er svona erfitt að ákveða í hvaða dressi maður á að fara? Ég er ekki búin að hugsa um þetta nema í svona viku og nú, 17 tímum fyrir dinner, hef ég ekki ennþá ákveðið í hvaða nærbuxum ég ætla.
Ætlaði að fara í Kringluna í dag, sem ég og gerði, eða svona má segja það allavega. Kom inn, heyrði ekkert nema sænsku, já, Kringlan troðin af sænskum skólastúlkum, í karrýgulum uppháum kuldaskóm með lopaleystana uppá hné og buxurnar girtar uppí handakrika.
Ég fór rúntinn sem ég tek alltaf í Kringlunni, 17-centrum-gs-Oasis-Retro-all saints og fleiri.
Kem inn, fórna höndum yfir öllum sænsku skólastúlkunum og yfirþyrmandi magninu af helgarpöbbum, hver með minnst 5 organdi krakka. Stappaði í mig stálinu og tróð mér í gegnum þvöguna. Var komin þar sem að Centrum á að vera, ætlaði að labba inn, en greip í tómt - "Hér opnar Kultur fyrir menn!"
Þrátt fyrir mikil vonbrigði sá ég ekki fram á það að geta gert neitt í málinu þannig að ég ákvað að kíkja inní 17. Mikið ofboðslega er sniðugt fyrirkomulagið þarna hjá þeim í NTC, "Ráðum bara fólk í vinnu sem er með greindarvísitölu á við gangstétt" Get svo svarið fyrir það, ég fann mér einn bol þarna, án þess að nokkur af þessum gangstéttarpíum horfði svo mikið sem í áttina til mín.
Svo var ég eitthvað að pæla í hvort hann væri til í öðrum lit, tók mig háltíma að ná sambandi við stelpurnar sem að stóðu allar í hnapp fyrir framan spegilinn og skoðuðu hvor aðra, voru eflaust allar að segja "ohh ég er svo feit" eða "Ohh, ég er svo hvít" (þarf varla að taka fram að þær voru allar vaxnar eins og ljósastaurar, með lappir sem náðu uppað eyrum og appelsínugular eins og Ásgeir Kolbeins í sólsetri)
Jæja, ég náði í skottið á einni þarna og spurði hana hvort hún ætti nokkuð þennan bol í hvítu. Hún leit á mig, svo bolinn og sagði svo þessi feikigáfulegu orð "Ég veit það ekki" svo snéri hún sér aftur að hinum gangstéttarstelpunum.
V-Æ-R-I-R-Ð-U TIL Í AÐ A-T-H-U-G-A?
Jú, haldiði að hún hafi ekki bara farið inná lager og tékkað á þessu fyrir mig, en ég lét mig bara hverfa, þar sem að ég fann að IQ-ið mitt var farið að lækka eftir því sem mínútunum leið þarna í þessari búllu.
Eftir þetta, var ég orðin svo pirruð að ég gat ekki meira af þessu Kringlu ævintýri mínu.
Keypti samt DVD, en fer samt ekki mikið í honum grand út að borða - Þó hann sé skemmtilegur.

Svona í lokin, ef að einhver vill koma til mín á morgun og mála mig, greiða og klæða, þá er það alveg guðvelkomið.
Í alvöru, ég er desperat eftir hjálp.
848-5313 - Plíííís

(P.S. Hef ekkert á móti helgarpöbbum eða Svíum.)

Hver á fallegasta barnið í heiminum?

Ég!
Kannski ekki alveg ein, en samt.
Þetta er Katla, orðin 5 vikna, ótrúlega stór og hlottust. (hlottust=flottust)
Alger töffari, fór með mömmu sinni í myndatöku í vikunni
og var með stílista sem valdi dressið og allt.
Töffaðasta barnið :)

Kærastar

Geta verið óþolandi.
sérstaklega þegar að þeir eru ekki mans eigins.
Núna til dæmis þurfti ég að skemmta mér sjálf í kvöld því að allir eru að kærastast.
Svosem í lagi, ég eldaði og er búin að taka til og þrífa allt hátt og lágt.
Hefði ekki gerst annars, svo kærastar annara eru kannski ekki svo slæmir eftir allt.
Pabbi kíkti í heimsókn til mín hérna í gær, var búin að gleyma hvernig hann leit út, þannig að þegar að ég kom heim úr vinnunni í gær, þá sat bara einhver maður í sófanum mínum og drakk kaffi. Ég auðvitað hélt bara að þetta væri einhver bófi sem ætlaði að ræna allt - Þegar að hann væri búinn að drekka kaffið mitt og lesa blöðin mín.
En þá var þetta bara öldungurinn minn.
En við horfðum saman á leikinn, leikurinn var svo spennandi að ég sofnaði, vaknaði svo upp í hálfleik og ekkert var búið að gerast, þeir lufsuðust bara þarna um eins og skemmdar mandarínur, en þeim tókst samt að vera svo litlir og sætir.
Í morgun þá kvaddi ég svo SAMSKIP fyrir fullt og allt.
Fór og náði í skattkortið mitt og skilaði flíspeysunni góðu, þessari sem var jafn stór og tveggja manna kúlustjald, þið munið.
Kíkti líka á hvort að það væri ekki allt í lagi með drengina, þeir spjara sig ennþá, en greinilega sakna mín rosa mikið, enda enginn sem er þorir að rífa kjaft við þá lengur, eins og Birna sagði. Ætla nú samt að vera með annan fótinn niðurfrá og fylgjast með þeim, þessum elskum.

Jæja, það er löng helgi framundan, ég ætlaði að læra voða mikið um helgina og vonast til að geta staðið við það - allavega reynt að frumlesa efnið og svona.
Annars er planið að djamma og svo var mér boðið út að borða á Sunnudaginn, voða grand og svo verður eflaust djamm eftir það líka.
En ekki á Sólon, perradyravörður með brennandi áhuga á stjörnumerkjum ungra kvenna er ástæðan fyrir því að ég fer ekki þangað aftur.

Jæja, http://sigmarg.blogspot.com er farinn að blogga um nakta karlmenn, spurning um að vera í stíl og birta mynd af Ljungberg...


Ástæðan fyrir að ég held með Arsenal.

Fuglaflensa my ass!

...Fuglahræðusyndromið er miklu verra.
Ákvað að snooza dáldið oft í morgun, þannig á endanum var bara tími til að annað hvort mála sig eða fara í sturtu, ég valdi að fara í sturtu.
Mætti í vinnuna, með óblásið og ósléttað hár í einhverju afbrigði af hnút, í strigaskóm, gallabuxum og pólóbol, ómáluð og mér leið furðuvel.
Allt gekk eins og í sögu þangað til að það kom hádegismatur. Þá ákvað ég að ég væri ekkert svöng og fékk mér bara kaffi, en ákvað svo að ég væri svöng svo ég ákvað að skjótast inná kaffihús í Smáralind og fá mér örlítið að borða.
Good idea, Kristín Alma, Good idea.
Var búin að gleyma að ég var ekki vel til höfð eins og vanalega.
Þá byrjaði katastroffið.
Síminn hringdi rétt þegar að ég var að koma inn, og ég var í einhverjum æðibunugangi að drekka kaffi, hélt á einhverju dóti og var þvílíkt að rífast í símann og veitti veruleikanum litla athygli þegar að ég er í dyrunum á kaffihúsinu og BANG!
Labbaði í fangið á the cute dude.
Ég dó.
Er ekki búin að sjá hann lengi, en hugsaði nú til hans hérna í gær eða fyrradag.
God damn it hvað ég er stupid að halda að ég kæmist upp með það að fara út eins og fuglahræða.

Honum var samt ekkert svo brugðið, held ég, vona ég - Kvaddi hann svo bara, fyrir fullt og allt

Seltjarnarnes-Garðabær-Kópavogur

Tók þennan rúnt áðan.
Með háaldraðan, dauðhræddann föður minn í framsætinu og litlu börnin, Sindra og Sölku í aftursætinu.
Tók ekki nema 35 mínútur að fara frá Seltjarnarnesi og skötla börnunum heim til sín í Garðabæinn og svo fara heim í Kópavoginn - MORÐ
Komst að því að það er ekki gott að keyra, eða bara gera eitthvað "gáfulegt" yfir höfuð þegar að maður er nýkominn úr mat hjá afa og ömmu. Grill og meððí, Ís og meððí og kaffi og meððí. Get eiginlega ekki pikkað á lyklaborðið fyrir seddu.
Vonast nú til að vera komin með þetta bílpróf 8 maí, vegna þess að þá fer öldungurinn til Aþenu með Silvíu og ég get fengið bílinn - right.
Annars er allt fínt að frétta, fékk reyndar ekki mikil viðbrögð útá þessa kattaauglýsingu, skil það ekki, þetta er eðalgripur.
5 mánaða læða, heitir ekki Ronja og er voðalega blíð og góð. Svakaleg kelirófa og er svona people person, greyið.
Megið koma heim til mín og skoða hana ef þið viljið, bara láta vita áður. (Ég er ekki í skránni, held ég)
Jæja, best að fara að skila myndunum sem ég tók fyrir svona ári síðan, og borga skuld.

Hver vill eiga?

Ekki vera feimin!

Búin að taka út syskursjokk mígrenið sem maður fær alltaf þriðja í páskum.
Viðbjóður.
En ég bara gerðí mér lítið fyrir og svaf í meira en tólf tíma svo ég er sem ný manneskja núna.

Ökuskóli tvö í kvöld.
hringið í 112 ef þið verðið ekki búin að heyra í mér fyrir klukkan hálf tíu, þá hef ég líklega dáið úr leiðindum...

MATUR

Ég eldaði áðan.
Eitthvað sem ég hélt að ég kynni alls ekki og gæti ekki.
En, ég reyndist nú hafa einhverja dulda hæfileika og mallaði eitthvað úr því sem ég fann í ísskápnum.
Þetta var svo gott að þið trúið því ekki.






Vil líka þakka Helgu fyrir frábæra nótt, þar sem að við hétum Kristín T og Eva Dögg.
Gaman að heita eitthvað "annað".
Ljótir karlmenn og fullar stelpur í sleik var það helsta sem varð á vegi okkar, en við litum bara framhjá þessu og dönsuðum fram á rauðan morgun.

Ég hef aldrei verið náttúrubarn.
Ég er svona antífjallageit og hef alltaf verið.
Alveg sama um hvað þetta fjall heitir og hvernig það varð til, ekki ætla ég uppá það.
Alveg sama hvort að Raufarhöfn sé á suðurlandi eða norðausturlandi, það er skítakuldi þar.
Hef semsagt aldrei haft neinn áhuga á náttúru, þó að maður lufsist nú í útilegur við og við, enda er það bara sjarmerandi og gaman, en mér er nokk sama hvort ég liggi á tjaldsvæðinu á Selfossi eða í Ásbyrgi, allt eins-sama tjaldið.
Ég er heldur ekki mikið fyrir að fara útí sveit.
Leiðinlegt, vond lykt og kalt.
Svipað og í Breiðholti.
Fer heldur ekki þangað.
Eftir að ég flutti erlendis hef ég lesið um Íslenska náttúru í erlendum tímaritum og útlendingar hafa sagt mér frá ýmsu um náttúruna okkar.
Stundum skammast ég mín ögn, þegar að ég veit ekki hvar Hvannadalshnjúkur er og hef ekki komið þangað. Svo verður mér alveg skítsama. Svo fæ ég gríðarlegt samviskubit yfir því að vera svona skítsama, barnið mitt á líklega aldrei eftir að koma annað heldur en Reykjavík-Garðabær, og það bara á páskum og jólum. Því ég efast nú um að ég muni nenna að búa á íslandi með barn-bara koma heim í fríum. Barnið mitt verður útlenskt.
Mun ekki vita neitt um uppruna sinn.
En það getur samt lesið blogg afa síns, sem nýtur töluverðra vinsælda samkvæmt séð og heyrt.
(Og ekki finnst honum það leiðnlegt.)

Myndarleg

Já gott fólk ég er búin að fjárfesta í þessari líka rosalegu snilldar græju.
Myndavél.
Síðan að ég fékk vélina í hendurnar í gær er ég búin að vera myndaóð.
Búin að taka myndir af nánustu ættingjum og vinum, örfáar af kettinum, 600 af kötlu og nokkrar af íþróttasíðu morgunblaðsins, lyklaborðinu á tölvunni, Bíl sem að keyrði framhjá húsinu hennar ömmu í gær og síðast en ekki síst morgunkorninu sem að Salka át í morgun.
Samtals eru þetta um milljón og tvær myndir.
Reyndar hefur aðal myndaefnið verið ég sjálf, sem er einstaklega sorglegt, þar sem að ég er með afbrigðum ekki snoppufríð og ómyndvæn manneskja.

TIL HAMNINGJU MEÐ AFMÆLIÐ PABBI MINN!!!


Hafðu það sem best.


xxx


p.s. Hvað gefur maður 37 ára unglingi í afmælisgjöf?

Skynsami froskurinn

Bauð mér í mat áðan.
Heima hjá Kötlu og Þóru.
En það var reyndar Kristín (Hekla) sem að fór í döfulls búðina og kaupaði sósulit og aðra basic hluti sem að maður þarf til að búa til pottrétt með piparosti og hrísgrjón.
Hún stóð sig eins og hetja í eldhúsinu, en hefði nú ekki náð svona langt ef að ég og Garður hefðum ekki verið henni til halds og trausts.
En okkar hlutverk var að sitja við eldhúsborðið og skera niður grænmeti.
Garður skar 5 sveppi og ég heila papriku, hálfa A-gúrku OG piparost.
Við bættum líka Íslandsmet í grænmetisskurði, innanhúss án atrenu.
Ekki slæmt.
En svona í alvöru þá langaði mig bara að þakka Kristínu (Heklu) fyrir matinn, og reyndar Þóru líka.

Um helgina var sólin komin grunsamlega hátt á loft og ég farin að hnerra - sem er vorboði.
Í morgun vaknaði ég og það var allt á kafi í snjó, hérna uppá heiðinni sem að ég bý á.
Leiðinlegt að búa svona uppá heiði.

Jébb.
Þessi vika verður líklega mjög erfið.
Þarf að keypa afmælisgjöf fyrir farmand.
Veit EKKERT hvað ég á að kaupa fyrir hann, blessaðann.
Kannski að ég bjóði honum bara í ísbíltúr?
Eða kaupi bensín á bílinn?

By the way.
Hvað þarf maður að vera gamall til að ráða sjálfur hvað er í bílnum þegar að maður er að keyra?
Hingað til þá hef ég ekki mátt ráða því sjálf hvað ég hlusta á.
Er það ekki bílstjórinn sem að ræður?
Er ég kannski bara óþarflega lin við manninn í framsætinu?
Well, kannski á hann það skilið að velja tónlist, þar sem að ég keyri eins og asni.

Eða hvað?

Blablabla.
Helgarfrí mitt byrjaði klukkan 17.00 í dag.
Endar klukkan 10.00 í fyrramálið.

Ég er svo þreytt að ég gæti sofið endalaust núna.
Ætla að skella mér í sund, tæma hugann og fara að sofa.

Af hverju langar mann alltaf að gera það sem að er bannað?
Púkinn og engillinn sitja á öxlunum á mér, tosa og toga í mig til skiptis, þannig að ég er orðin alveg lost.
En ykkur að segja, þá er ég búin að komast að niðurstöðu.
Hún er rétt-og ég verð ekki skömmuð.

Ég er alveg að verða geðveik.
Mjööög stutt í það.
En reyndar ekki mikið eftir í þessu "ástandi"

Annars er flott að frétta fyrir utan það.
Ég held ég sé að verða sundsjúk.
Ég sem hélt að ég hefði breyst í antisundista eftir að ég flutti til Danmerkur.
En, svo álpaðist ég í sund hérna eitt kvöldið og núna er ég komin í áskrift.
Búin að eignast sundvin í vinnunni og allt. (Sjá mynd)
En þetta er voða notalegt að synda smá og dorma svo í pottinum og hlusta á gömlu kallana ræða um pólitík og veðurfar.
Gamangaman.
Ætla einmitt núna að skella mér í laugina, svo til kötlu og ef að guð lofar verð ég bara komin heim fyrir klukkan 12.00 í kvöld
Hver veit?

En yndislegur dagur, finn það á mér.
Sólin skín inn um gluggana, kötturinn á þörfinni, ryk í Kórsölunum og Jolene í græjunum.
Ég á joggurum og hlírabol, með hárið í tagli, búin að krema mig alla, svo ég verði sæt.
Mjög tilgangslaus aðgerð, því ég er á leiðinni í sund, ætla að ná mér í freknur.
Ég skutlaði okkur pabba um allt í gær, sem var mjög gaman, því ég réð tónlistinni, leiðinni og allt.
Mikil völd.
Sérstaklega ef að maður er bara 18 ára.
Hefði ekki viljað gera þetta 17 ára.
En hvað ég er skynsöm stúlka.

Í gær var ég voða mikil dama.
Alveg frá því að ég vaknaði og þangað til að ég fór að sofa.
Var á hælum, með blásið og sléttað hár og með gloss.
Tilefnið var 3 ára afmælið hennar Sölku minnar Sigmarsdóttur.
Kannski ögn undarlegt afmæli - en frábært engu að síður.
Súpa af fólki, úr öllum áttum.
Mér fannst bara gaman samt að hitta alla.
Í dag verður annað afmæli, 7 ára afmæli hjá Ölmu Diljá Almarsdóttur.
Það verður ekki svona mikil súpa af allskonar fólki úr öllum áttum, þar eru aðstæður kannski aðeins öðruvísi.
En það verður líka gaman, eflaust, hef ekki hitt mikið af því fólki lengi.
Í dag ætla ég að:
Fara í sund
Smáralind að kaupa eitthvað flott handa litlu frænku
Fara í afmæli hjá litlu frænku.
Knúsa Kötlu og jafnvel Þóru - Sakna þeirra.

Katla fékk Gulu.
Það var spurning um hvort að það þyrfti endurskoða pabbamál hennar.
Því að hún var eins á litin og Ásgeir Kolbeins.
Og líka með svona dökkt hár.
Þetta fannst mér fyndið.
Því hún var heiðgul, eins og Ásgeir Kolbeins á góðum degi.
Hún Katla mín er enginn trefill, fyrst var hún gul og núna er hún búin að fara í ljós líka.
Aglaznegger væri stoltur af henni núna.

Ekkert að ske

Líf mitt snýst um 2-3 hluti þessa dagana.
Vinna-Katla
Stundum Sæta gaurinn í vinnunni líka.
Mjög nauðsynlegt að ég hugsi um hann og horfi á hann af og til þangað til að ég frétti að hann sé alveg Gay as Christmas, giftur eða bara bæði.
Svona strákar eru ekki á hverju strái, allavega ekki á mínum stráum.
Annars er allt gott að frétta.
Katla er búin að vera alger lufsa.
Með gulu og nennir ekki að drekka eða opna augun, sefur bara útí eitt.
En hún er reyndar öll að braggast núna og var voða góð í dag/kvöld þegar að stóra systir var að lummast með hana.
Ég sendi móðurbræður mína í Mission til þýskalands að kaupa myndavél handa mér.
Fæ hana um helgina, ætla að vera dugleg að taka myndir af Kötlu svo þið getið séð alla þessa fegurð og dásemd!

Katla...part two

Katla kom, sá og sigraði!
Fæddist rétt um átta leytið í morgun!
Pabbi hringdi og sagði:

"Katla er komin, 15 merkur og kafloðin"
(rím)

Ég var svolítið hrædd um að hún væri þá kannski svipuð og kisan okkar eða eitthvað slíkt, ætlaði varla að þora að taka sængina af barninu þegar að ég fór í heimsókn í hreiðrið í dag.
Sá nefninlega alveg kafloðinn koll glitta undan sænginni, en varð voða fegin þegar að ég sá að þetta var nú bara á höfðinu. En barnið er eiginlega týnt í hári. Katla Lokkaprúða. Kolbikasvart, sítt og þykkt hár.
Ég og Inga Rós fórum í smáralind og versluðum á Kötlu.
Ótrúlega grúví galla, röndóttur.
Hún verður svo mikill töffari í þeim galla, með makkann útum allt.
Og enn meira flott þegar að hún fær restina af sængurgjöfinni á morgun.
Hún verður töff.

Ég og Katla verðum góðar saman.
Finn það á mér.
Hlakka til að sjá hana, hvernig hún lítur út.
Svo fyndið, búin að þekkja Kötlu síðan í janúar og vita af henni ennþá lengur, en samt aldrei séð hana.
Ég pota oft í hana og oftast sparkar hún í mig eða gefur mér olnbogaskot í staðinn.
Læt mömmu hennar borða nammi og Katla fer á flug.
Þannig tölum við saman.
Vona að hún fari að koma til okkar.

(Þetta var skrifað korteri eftir að ég sat inní sófa með Þóru og Kötlu og potaði í bumbuna og fékk spark og olnbogaskot frá Kötlu til baka.
Sagði líka við Kötlu að nú mætti hún fara að koma til okkar.
Á meðan ég skrifaði þetta efsta, um okkur Kötlu, þá Fór vatnið.
Nú eru þau á fæðingardeildinni og ég veit ekki hvernig ég á að vera.
Ég, Salka, Sindri og kisa erum heima.
Alein.)

FISKAR 19. febrúar - 20. mars
Notaðu daginn til þess að meta eiginfjárstöðuna, hann er frábær til þess. Verslunarleiðangur kemur líka vel út. Þú ert flinkur í að meta þarfir þínar og eyðslugetu, hvort sem þú ætlar að versla fyrir vikuna eða kaupa þér tölvu.

Hmm, kannski væri vit í að hlýða, fara í smáralind og kaupa eitthvað ógeðslega flott og dýrt?

spurning.

Ég fann lækningu við ofsapirringnum og skapbrjálæðinu.
Inga Rós sótti mig í morgun og á leiðinni sagði hún mér alvega ótrúlegt slúður.
"Oh, my god" og "Sjitt, í alvöru?" var svo það helst sem að var sagt þegar að við ræddum þetta slúður, fram og til baka á Sæbrautinni í umferðarstöppu.
Þetta hélt mér góðri fram að hádegi.
Eftir hádegi átti ég svo samtal við nokkra vinnufélga, þar á meðal yfirmann minn sem að er mjög fínn maður, en við erum samt ekkert bestu vinir.
Hann sagði við mig "Kristín Alma, þú mátt nú eiga það að þú ferð aldrei í fýlu, þó þú sért greinilega með skap, þá kanntu að nota það og ferð aldrei í fýlu!"
Mér þótti vænt um að heyra þetta frá honum.
Vinnufélagarnir sem voru þarna með okkur sátu og göptu.
Svo kom ein, sem er búin að vinna með honum í hundrað ár og sagði mér að þetta væri sko þvílíkt hrós!
Þetta gladdi mig þangað til að pabbi hringdi í mig um kaffitíman og sagðist ætla að ná í mig í vinnuna, sem er auðvitað bara toppurinn á tilverunni, því að þá þurfti ég ekki að taka strætó, en ég er auðvitað of góð fyrir það drasl.

Ég er búin að setjast niður nokkrum sinnum og reyna að skrifa eitthvað jákvætt.
En það er ekki nokkur möguleiki að ég geti það.
Eftir 18 ára afmælið mitt á þriðjudaginn hef ég verið næstum jafn skapstór og pabbi.
Leyfið mér að umorða þetta.
Eftir 18 ára afmælið mitt á þriðjudaginn hef ég verið grýla.
Veit ekki hvað er að mér, en þetta er ferlegt.
Kallarnir í vinnunni vita ekki í hvorn fótinn þeir eiga að stíga og segja svo inná milli "Sjett maður, ertu á túr eða??"
Það pirrar mig bara ennþá meira að kvennfólk megi ekki svo mikið sem hafa aðrar skoðanir á hlutunum en karlarnir, þá erum við á túr!
Afsakið að ég skuli hafa skoðanir.
Úff, ég er greinilega bara alltaf á túr, því að ég hef sterkar skoðanir á flestu.
En þeir hafa nú líka reynt að vera góðir við mig, eins og einn morguninn fyrir klukkan 9 um morguninn, þegar að ég hlunkaðist yfir gólfið í leit að einhverju matarkyns, sötrandi kaffi, kom einn pólskur og sagði við mig í fúlustu alvöru:
"anyone ever told you that you walk like a princess?"
"no" sagði ég
"well, now you know, you walk like a princess, so soft and gentle"
"Thanks" minnir mig að ég hafi urrað á hann og haldið mína leið...
Svona vill maður ekki heyra þegar að maður veit sannleikann.
Nújæja.
Ampop,dikta og Hermigervill á Nasa annað kvöld.
Er að pæla í að fara.
Þó ég eigi enga vini, ég er búin að afneita þeim öllum.
Og líka, þó að ég komist ekki inn, þar sem að það er 20 ára frigging aldurstakmark!!
Ég er brjáluð, þar sem að handhafar svartakortsins fá 500 kr afslátt af miðanum, og þeir sem að geta fengið svarta kortið er ungt fólk á aldrinum 18-25 ára.
Ég er 18 ára.
Heimska drasl.
Ampop og Dikta er til dæmis það sem að heldur í mér lífinu þessa dagana, ég veit að ég get klárað daginn af því að þessir diskar bíða heima.
Ég á skilið VIP passa á þessa tónleika.
"ohh, þeir verða aftur með tónleika bráðum" var sagt við mig áðan.
En miða við heppni mína síðustu daga þá hætta þessi bönd í næstu viku og ég smitast af bíbíflú-inu sem er að ganga milli bíbía þessa dagana.

Ég er orðin persóna sem ég hata.
Ég er píslarvottarpersóna
Oj


Því miður, hef ég ekkert glaðlegt að segja, komið með eitthvað sem ég get glaðst yfir.

Afmælisþunglyndið er komið..

Ég á afmæli í dag
Ég á afmæli í dag
Ég á afmæli í daaaag
Ég á afmæli í dag.

Ég er 18 ára í dag
Ég er 18 ára í dag
Ég er 18 ára í daaaag
Ég er 18 ára í dag.


Takk fyrir mig.

Ég vil ekki verða stór.
Finnst 18 vera gamalt, ég vil vera 5 ára aftur.
Það var góður og áhyggjulaus aldur.
Ég er Pétur Pan.
Ég vil bara sofa í voffa náttfötum og leika mér aftur með Tuma minn.
Geta skriðið í fangið á mömmu og pabba þegar að einhver er vondur við mig eða mér líður illa.
Núna er það bara ábyrgð og vesen.
NEITA AÐ VERÐA FULLORÐIN!

( Sjitt, hversu þunglynd verð ég þegar að ég verð fertug, ef ég er svona núna. )

Ætla að láta einhvern bjóða mér út að borða í kvöld, hver vill gera það?

Mánudagar eru heilsuspillandi.

Mánudagar eru svo leiðinlegir að ég gæti dáið.
Og ekki skemmir þetta YNDISLEGA veður fyrir og brjáluð umferð fyrir.
Gaman að vera til.
Ég gæti bölvað öllu á mánuduögum, en geri það ekki- oftast ekki allavega.
En ég hins vegar bít fólk ef mér misbýður.
Núna til dæmis myndi ég ekki hika við að klippa hendurnar af danska fokking tannlækninum mínum.
Útaf heimsku hans þá þarf ég að fara til tannlæknis á íslandi að láta líma saman á mér tanngarðinn, það er allt á fljúgandi ferð uppí mér og ég fæ frekjuskarð á endanum.
Þetta mun kosta mig milljón held ég, sem ég á ekki.
Heimska íslenska kerfi!

Helgin var samt fín.
Ég djammaði meira að segja og þá er nú mikið sagt, fór sumsé með Ingu Rós á staffadjamm í vinnunni hjá Binna, Kai og Sveppa. Það var nú alveg nettur stemmari þarna, fyrir utan svona 30 slagsmál og hnífstungur. Annars var þetta sæmilegt, hitti fullt af fólki sem að ég hef ekki hitt lengi, meðal annars stelpa sem var með mér í 10. bekk og hætti fyrr þar vegna þess að hún var ófrísk, hún á semsagt 18 mánaða stelpu í dag og allt gengur vel hjá henni. Það fannst mér gott að heyra.
En væri maður til í þennan pakka núna? Neibb.

Í gær var ég svo viðhald.
Helga vildi ólm fá mig í bíó, komst svo að því að það var bara vegna þess að Hörður nennti ekki.
En hvað um það, ég fékk allavega að sjá hana og fara í bíó.
Við fórum á Broke back mountain.
ÚFF hvað hún er falleg.
Ég hef aldrei séð svona fallega mynd held ég, hún var kannski ekki beint svona "Frosti í mínus falleg" En meira svona "Gay falleg"
Svo þarft að koma með einhverja svona mynd. En váááá hvað við grenjuðum. Úff ég var miður mín í allt gærkvöld eftir þessa mynd, svo falleg og sorgleg, ég bara grét og grét.
Svona er þetta.

Ég var ekki lengi í paradís.
Þau komu heim aftur í kvöld.
Vatnslaus bústaður og það var greinilega ekki að gera sig.
Ég er þakklát fyrir þessa 2 tíma sem ég fékk.

Ég var annars að koma heim, Brynja Rún bauð sér í heimsókn til mín í kvöld og svo færðum við partýið útí bíl þegar að liðið kom heim. Þurftum að ræða ýmislegt og það var svo gaman.
Þetta var eiginlega yndislega gaman, aðal umræðuefnið var jú hnakkinn á borunni og fleiri góðir.
En best að smella sér í lúllið, keyrsla í fyrramálið PLÚS það að það eru 3 og hálft barn hérna, svo að ég spái því að ég vakni um 9 leytið.

Overrrr

Ohh.
ampop gaurarnir eru ekki búnir að hafa samband við mig ennþá.
God, hvað á maður að bíða lengi eiginlega?

Annars er ég þreytt.
Uppfull af Biðskyldum, háumljósum, Stefnuljósum, kúplingu, blindhæðum, gatnamótum, hringtorgum og einstefnu.
Bráðum kemur svo æfingaakstur líka.
En gaman.

Foreldrafólkið er að fara með "ungana" plús einn tökuunga í bústað um helgina.
Skylst á öllu að Þórhallur ætli með þeim. Ég ætla sko ekki með- Þetta er tvo tíma í burtu frá siðmenningunni, svo það er of langt að strjúka. Ég ætla að vera heima, passa húsið og "Ronju".
Svo ætla ég að hvílast vel, fara óboðin í mat og kaffi hjá hinum og þessum og hafa það ógeðslega gott heima hjá mér, uppí sófa og SOFA.

Ég var að koma af subway-bíó-rúnti með KarenHelgu. Þess má kannski geta að hún er einu ári yngri en ég og nýkomin með bílpróf. Sem er gaman, ég hló svo mikið af henni áðan að ég er komin með þvílíku harðsperrurnar í magan.
Ég held sveimér þá að ég sé betri að keyra en hún, en hún er samt skemmtilegri bílstjóri en ég ;)

Ég er farin að slefa á lyklaborðið úr þreytu.
Farin í lúllið góða.
bleeee

Dóni get ég verið.
Gleymdi að Óska Guðbjörgu og Skúla til hamingju með litlu prinsessuna.
Hún fæddist á Laugardagskvöldið.
Ég hlakka voða mikið til að sjá hana-Er örugglega eitt fallegasta barn Íslandssögunar. Einhversstaðar rétt á eftir mér.

Til hamingju með litla skottið kæru Guðbjörg og Skúli!

Nú, Kristín netfrænka mín er búin að nefna litla stúfinn sinn.
Hann á að heita Ísak.
Til hamingju með nafnið Ísak, litli sæti :)

Ég er um það bil að kafna úr pirring og þreytu núna.
Sem kemur nú ekki oft fyrir.
BarbaÞóra segir að ég sé lík pabba í skapinu núna. Greyið ég.
BarbaPabbi segir að ég sé leiðinleg og þreytt.
Ég á mjög bágt núna, það er allt ömurlegt. Hver kannast ekki við það.
En það er eitt sem að ég skil ekki, Af hverju fær maður aldrei bara að vera pirraður og þreyttur í friði? Þetta kemur fyrir mig svona 5 sinnum á ári og það verða allir einhvernveginn svo hissa þegar að ég tek uppá að vera brjáluð í skapinu af pirring. Allir að tuða yfir því, þó að ég segi ekki orð. En það versta er þegar að einhver segir við mann "Er maður svoldið pirrípú?" gæti misþyrmt manneskju sem að segir svona við mig þegar að ég er pirruð.
Alltaf sama sagan.
En ég er öll að koma til, líklega því að ég er lokuð inní herbergi, að drekka coke light úr tveggja lítra flösku og að hlusta á Ampop.
Mig langar að giftast öllum þeim þarna úr Ampop. Þeir hljóma svo vel. Þeir eiga svo bara að standa við rúmgaflinn og syngja mig í svefn á hverju kvöldi.
Ég vil eiga þá, það er betra en að giftast þeim.
Ætli það sé hægt að kaupa þá á e-bay eða eitthvað?

Ampop strákar mínir!
Ef þið sjáið þetta viljið þið þá vinsamlegast hafa samband við mig í síma 848-5313 og ég skal kaupa ykkur. Þið eruð svo sætir og hljómið einstaklega vel.
kv. Kristín Alma.

En annars líður mér vel.
og restinni af fólkinu hérna.
Ég keyri bara eins og brjáluð kona hérna um reykjavík og bíba á crazy ökumenn - Því ég er nefninlega svo ótrúlega klár og alls ekkert brjáluð.
Ég er farin að perrast í Guðrúnu á msn.
Sé ykkur.

Í dag keyrði ég eftir götum borgarinnar og keyrði yfir eina holu sem að var á götunni.
EINA holan í allri borginni.
Segið svo að ég kunni ekki að keyra.
Ég skoðaði og keypti föt.
Og skó.
Át pípsu með barbapabba.
Talaði við unnustann.
Barbapabbi keyrði mig til Lindu.
Við Linda fórum uppí sjoppu, þar sem að Helga var að vinna.
Við fórum yfir viðburði helgarinnar.
Sem var fyndið og gaman.
Talaði við unnustann.
Horfði á "Lilya 4-ever" með Lindu og skældi.
Hræðileg mynd.
Talaði við Unnustann.
Hitti Ragga "danska" vin minn.
Við rúntuðum og töluðum.
Talaði við unnustann.

Líðan dagsins: Kjánaleg, góð og skrýtin.

P.S. Ég held að þegar að ég er farin að troða grey Þórhalli inní bloggið mitt, jafnvel oft í hverja færslu, þá sé kominn tími á bloggfrí.
Hvað finnst ykkur?
Og hvað finnst Þórhalli?'

-The frog is out-

Í dag fór ég í smáralind.
Var þar í 1 klukkustund og 15 mínútur.
Þræddi allar þær búðir sem að mér finnst áhugaverðar þar og fann ekki eina flík sem að mig langaði í, hvað þá eitthvað annað.
Langaði ekki einu sinni í nammi því að það varu um það bil 300 manneskjur í nammilandi.
Kannski gott, ég veit það ekki.
Á morgun fer ég kannski bara í kringluna, ég hef mjög sterka löngun til að kaupa eitthvað handa mér núna. Því að ég er svo skemmtileg og besti vinur minn og sálufélagi minn.
Já, annað, Linda var þunn í dag svo að hún "gat" ekki farið í Koló með mér eins og við vorum búnar að plana. Helga var Þunn í dag svo að hún beilaði á þessu líka. Inga Rós var þunn í dag OG með Binna. Þau saman voru svona leiðinlegt par og fóru að þrífa bílinn. Reyndar fannst mér það krúttlegt, en ég ætla samt aldrei að verða þannig. (Sjáið að það borgar sig að drekka ekki telpur mínar.)
Óléttan og Gamli maðurinn fóru í verslunarleiðangur og voru ennþá leiðinlegra par en Binni og Inga Rós - Þau fóru saman að kaupa gallabuxur og íþróttaskó. SAMAN!
Þannig að ég ákvað bara að vera þessi leiðinlega unnusta og hlustaði á unnusta minn í útvarpinu og fussaði og sveiaði yfir öllu sem hann sagði, greyið.
Nei, ég er að grínast núna.
Ég hlustaði og Hló að öllu sem að hann sagði, fer nú ekki að breyta útaf þeim ágæta vana.
Eins og þið sjáið þá er ég mjög jákvæð í dag.
Fýlublogg.

Hugsifyllerí

Jæja, haldið þið að ég hafi ekki bara verið á fylleríi í dag.
Nei, ég var ekki að drekka áfengi.
Heldur var þetta svona hugsunarfyllerí.
Ég er búin að vera að hugsa minn gang og annara.
Segi svona.

Það er eitt í þessum heimi sem að ég á mjög erfitt með að sætta mig við í þessum heimi er það að karlmenn koma aldrei til með að upplifa sársaukan sem að flestir kvennmenn ganga í gegnum einu sinni í mánuði.
Túrverkir
Það er ógeðslega vont.
Ég reyndar held að ef að ég kem til með að eignast barn með eðlilegum hætti í framtíðinni verði það "kökusneið" eins og maðurinn sagði.
Því að Hríðir fölna örugglega í samanburði við þetta helvíti sem að ég geng í gegnum mánaðarlega.
Leyfi mér að halda það, ekki reyna að fá mig af þessu.

Bók besta vinar míns hans Egils, betur þekktur sem Gillzenegger kom út í dag.
Ég er voða glöð yfir því að nú get ég loksins orðið falleg.
Eftir næstum 18 ára bið, þá get ég Kristín Alma Sigmarsdóttir orðið að einhverju sem að flokkast undir Fegurð, með ljósar strípur, helmössuð og tönuð.
Verð að kaupa þessa bók, Biblía fallega fólksins.
Reyndar er ég að tala við hana Helgu mína á MSN og við vorum að láta okkur detta í hug að gera svona "Biblía lummana" og fara í samkeppni við Gillz og co. Meina hugsið þetta, við gætum verið með bloggsíðu og sjónvarpsþátt sem héti "Lummurnar(.is)"
Svo gætum við tekið fólk eins og Ásgeir Kolbeins og farið með hann í meikóver, litað á honum hárið í sínum rétta, fagurrauða lit, afbrúnkað hann og fitað- allavega láta hann verða svona slappan og flottan.
Kenna honum að verða feiminn, og taka úr honum flörtgenið. Fara með hann á gigg með Jakobínarína, Benny Crespo's gang og Ampop, láta hann fíla það. Kenna honum að svara í símann eins og við gerum "ódýrari týpan" segjum við. Svo að lokum myndum við "Láta spútnik skíta á hann" Eða dressa hann upp í second hand fötum og converse skóm.
Þá yrði hann fokking hot.

Yfir í aðra sálma.
Það kostar MORÐfjár að fara til læknis á þessu blessaða landi.
Ég reyndar slapp vel í dag þegar að ég kíkti á heilsugæsluna í garðabæ.
5 mínútur tók þetta og ég borgaði litlar 800 krónur fyrir að láta lækninn horfa á mig og segja mér að taka bólgueyðandi. Skrifaði reyndar uppá sterkari bólgueyðandi lyf en íbúfen. En það kostaði auðvitað líka sitt, og mér sínist það ætla að taka frá mér heilsuna líka, því að ég er svo þreytt að það er eins og ég hafi ekki sofið í 3 daga.
Reyndar svaf sama og ekkert í nótt, það gæti haft áhryf.
En þetta lyf sem að ég fékk skrifað uppá kostaði litlar 1500 krónur.
Já, það er dýrt að halda heilsunni á íslandi í dag.

Foreldrar eru merkileg fyrirbæri.
Ekki það að þetta sé eitthvað nýtt en maður fær ekki nóg af því að pæla í því.
Foreldrar eru alltaf vondu kallarnir.
Nema þegar að þau kaupa ný föt á mann eða borga bílprófið eða símreikninginn fyrir mann.
Þau eru aldrei góð þegar að þau banna manni að vera niðrí bæ eftir klukkan 24.00 þegar að allir ljótu kallarnir fara á stjá, eða þegar að þau segja að maður eigi að borða grænmetið sitt og megi ekki fá nammi nema bara á laugardögum og eigi að fara snemma að sofa.
Úff hvað þau eru leiðinleg.
Þegar að maður er unglingur, þá er ekki til neitt meira hallærislegra en mamma og pabbi.
Þau eru svo hallærisleg og asnaleg að það hálfa væri nóg.
Ég reyndar upplifði þetta aldrei.
Mér finnst foreldrar mínir nefninlega mjög cool.
Ég myndi segja að ég væri algjört mömmu og pabba dýr. Erum mjög góðir vinir, held ég.
allavega væri ég frekar mis í dag ef að ég hefði ekki þetta blessaða foreldrafólk sem ég á.
Þau eru svo skemmtilega mis, samt. En það er bara gaman.
En ég er hrædd um að þegar að ég verð foreldri þá eiga mín börn ekki eftir að upplifa mig sem eitthvað skemmtilega mömmu, ég á nefninlega pottþétt eftir að vera þessi mamma sem að ofverndar börnin sín.
Á líklega ekki eftir að tíma að leyfa öðrum að passa þau eða setja þau á leikskóla, á eftir að kenna þeim sjálf í staðinn fyrir að setja þau í skóla og þannig.
Ég verð líka þessi leiðinlega mamma, í leiðinlegum fötum, með rúllur í hárinu og þannig.

Held ég ætla ekki að verða mamma - allavega einbeita mér bara að systkinum mínum og frændsystkinum þangað til að ég finn að ég get orðið skemmtileg mamma.

Jæja ég og Brynja Rún ætlum að fara að mála bæinn gulann.
Skella okkur í partýgallan og kíkja jafnvel á hversu rokkuð stemmning er á Grandrokk í kvöld.
Nammi

Slæmu fréttirnar

Ohh, ég er svo mikill asni!
Sumir hlutir lærast ekki, svona hlutir eins og mannleg samskipti.
Hvernig get ég verið svona vitlaus?
Jeremías og jólasveinar.
Þetta er ekki sniðugt hvernig ég get gert sömu mistökin afturogafturogafturogafturogaftur.
Af hverju er ekki hægt að læra af mistökunum?
"brennt barn forðast eldinn?" haha, nei, aldeilis ekki.

góðu fréttirnar

Það getur verið að ég fái stúlkubarn í afmælisgjöf.
Ef ekki í afmælisgjöf þá ætlar stúlkubarnið að kíkja á mig einhverntíman næstu 39 dagana.
Fyrir stuttu síðan hlakkaði ég ekkert til - Fannst þetta asnalegt uppátæki, ef að það má segja svoleiðis.
Svo fór ég að hlakka pínu til, allavega brosti við tilhugsunina.
Núna, get ég ekki beðið eftir að sjá þessa litlu trítlu sem að er að fara að fæðast.
Búin að finna hana sparka og allan pakkan.
Skrýtið, en samt svo æðislegt.
Gaman.

Jæja, ég er farin að hvíla mig, áður en að ég dey úr þreytu, væmni og síðast en ekki síst pirring og reiði útí sjálfa mig.

(Þetta blogg er mjög spes. Mikil reiði, pirringur og óhamingja einkenna fyrrihlutann, en svona gleði og hamingja seinni hlutan. Segið svo að ég sé ekki fjölhæf.)

Gubbupest og með'í

Ég fæ ALDREI gubbupestir, eða hef ekki lagt það í vana minn að fá eitthvað svoleiðis.
En þetta ár ætlar að vera eitthvað öðruvísi, því að ég held að þetta sé í annað skiptið sem að ég fæ gubbupest á þessu ári.
Mér líður ekki vel, eins og maginn hafi verið rifinn úr mér, hrisstur duglega og og traðkað ofaná honum. Svo er ég voðalega ringluð í hausnum.
Það er svo tilgangslaust að vera veikur.
Maður verður svo ósjálfbjarga og vansæll.
Og langar að spóla aftur í tímann þegar að maður var veikur og mamma heima að sinna manni. En það er víst ekki í boði núna, þar sem að mamma er langt í burtu og ég hvort eð er orðin svo stór að ég get alveg reddað mér sjálf.
Ég get ekki ímyndað mér að það væri til dæmis sniðugt fyrir mig að fara útá videoleigu í þessu ástandi, myndi æla allt út. Svo ég verð bara að láta mér nægja að horfa á eitthvað af þessum 100 sjónvarpsstöðvum sem að ég er með. Og lesa öll fjögur morgun og dagblöðin sem að við fáum inn um lúguna á hverjum degi.
Reyndar gladdi það mitt litla, lasna hjarta að unnusti minn er í blaðinu í dag. Ekki á hverjum degi sem að það gerist, en samt í annað skiptið í þessari viku. Hann er svo frægur, hann unnusti minn. Nú er bara að bíða eftir að Hér og Nú lesi þetta blogg og komist að "leynilegu" ástarsambandi okkar og birti myndir af okkur þar sem að við leiðumst niður laugarveginn í alveg eins jökkum.
Mér finnst þetta asnalegt orð, unnusti.
Er ekki til eitthvað betra orð yfir þetta?

Ég ætla að skrifa bók.
Hún á að heita "Stelpan sem að dó úr morgunþunglyndi".
Ég verð aðalpersónan.
Já, ég er kannski að kjafta frá, en ég held að það muni koma að því einn daginn að ég muni hreinilega deyja úr þessum fjanda.
Fyrir ykkur sem að ekki þjáist af þessu morgunþunglyndi, þá lýsir það sér þannig að maður er svo geðvondur á morgnana að maður ræður ekki við eitt né neitt. Ef að einn lítill hlutur fer úrskeiðis hjá mér á morgnana þá bregst ég hin versta við og sparka í hluti, grýti hlutum í gólfið, öskra á fólk og skelli hurðum. Morgunþunglyndi er svona eins og Anorexía og Alkahólismi. Þú skilur þetta ekki nema að þú hafir lennt í þessu sjálfur.
Ég er morgunþunglynd alla virka daga, ca. milli 06.30-11.00. (Þetta er eins og auglýsing á útvarpsþætti.)
Ég mun láta ykkur vita ef ég finn lækningu við þessu.

Um helgina gerði ég mjög margt sniðugt.
Passaði til dæmis elskulegu frændsystkini mín í Stekkjarflötinni.
Þegar að litla stýrið sofnaði horfðum við stóru börnin á Shrek2. Maður hefði haldið að 17 ára og 11 mánaða gömul stelpa myndi hætta að fíla þessa mynd eftir X mörg skipti. En svo er ekki og ég hló eins og vitleysingur með krökkunum. Minnti mig óneitanlega mikið á Ameríkuna. Þar sem að Shrek og Shrek2 voru í spilun 24/7.
Gaman.
Laugardagsnóttina lennti ég í þessum líka svaka rökræðum við velölvaðann dreng. Sem vildi ekki trúa mér að orðið "Lorta" væri tekið úr dönsku. Fyrir þau ykkar sem ekki vita hvað Lorta á að þýða þá er það að skíta. Allavega sagði hann mér það, þessi prúði drengur að það væri barasta ekki töff að segja "Ég er að fara að skíta" heldur ætti maður að segja "Ég er að fara að Lorta" En það er einmitt orð, tekið úr dönsku. Í Danmörkunni segjum við sko Lort, og það er skítur. Hann vildi ekki trúa mér. En minnti mig þó á að ég ætti að segja "Lorta" en ekki "Skíta" í framtíðinni.
Hann kann að halda uppi samræðum við dömurnar þessi piltur.
Segið svo að Fullt fólk geti ekki verið skemmtilegt...

Um daginn fór ég og Gummi í matarboð til ömmu.
Þar sátum við á rassgatinu einu megin við eldhúsborðið og skófluðum í okkur Kartöflum, Hrognum og ýsu, af bestu lyst. Enda hvorugt bragðað þennan herramanns mat síðan sautjánhundruð og Súrkál.
Hinu megin við borðið sat amma svo sveitt og horfði skelfingu lostin á okkur "samlokurnar" éta og hafði áhyggjur af því að það væri ekki til nóg af kartöflum eða að við fengjum ekki nóg að borða. Það rúlluðu svo tvær manneskjur út í bíl klst seinna, gjörsamlega afvelta.
Var búin að gleyma hvað hrogn eru ógeðslega góð. (MÉR FINNST ÞAÐ)
Á Mánudaginn kom appelsínugulur kall niður í vinnu til mín. Greinilega hafði vilst litla greyið, labbaði inn, eins og hann væri búin að skíta uppá bak, appelsínugulur eins og fyrr segir, 165 á hæð, í púma hettupeysu sem var greinilega máluð á hann og svo var hann að smjatta á prótein "súkkulaði".
Ég rak upp stór augu og starði bara, með hökuna niðrí gólfi, að sjálfsögðu. Gat svo loksins ropað uppúr mér einhverju sem að minnti smá á "get ég aðstoðað" en hann vissi ekki mikið, litla greyið. Vissi eiginlega ekki hvort að ég gæti aðstoðað eða ekki, sagðist vera að ná í eitthvað og vissi ekki hvað það var og sagði svo eitthvað á Gilzenegger/SilviuNótt máli sem að ég skildi ekki þó að ég hafi sagt 5 sinnum "HA?!" Þá brá ég á það ráð að segja "Sjitt, sjáðu, það er gaur þarna með ekkert TAN og engar strípur" og benti svona út í loftið, sá appelsínuguli leit við og ég hef líklega aldrei verið svona fljót að standa upp og rjúka upp á 4 hæð. Faldi mig þar í 30 min, þá sá ég litla appelsínugula manninn rölta út og setja upp sólgleraugun. (Það var nefninlega svo mikil sól þarna klukkan hálf sjö um kvöld.)
Í dag kom hann svo aftur. Hann sagði "Ert þú að vinna hérna?" eins og við hefðum bara aldrei sést áður, og ég sagði "nei, komdu aftur á laugardaginn". Hann fór.
Vona að ég sjái hann ekki aftur, án þess að vera leiðinleg, þá bara þoli ég ekki svona vitalusar týpur. Það voru svona 30 vindstig á milli eyrnana á honum, greyinu.

http://www.mbl.is/mm/frettir/frett.html?nid=1184703

Stolt af mínum manni núna!!
Glæsilegt

YES!
Komin helgi og ég ætla að leggjast í dvala, Safna orku fyrir næstu törn.
Reyndar verður ekki mikið slakað á um helgina, en held að ég nái samt allavega að sofa aðeins út og svona. Ég held samt að þreytan hafi náð hámarki þegar að ég kom heim áðan. Ég opnaði útidyrahurðina, var með fangið fullt af dóti í fanginu, meðal annars, (far)síma og tóma drykkjarskyrdós, hljóp inní elhús til að svara (heima)símanum, svo talaði ég í (heima)síman lagði frá mér skyrdósina og hennti lyklunum!!


En, jæja, það þýðir ekki að tala um það.
Í kvöld er dömukvöld í Garðabænum, það er ekki komið á hreint hvað á að gera, en eitthvað sniðugt verður gert, það er á hreinu. Kannski að við keyrum eitthvað út fyrir reykjavík og finnum okkur sveitaball til að "krassa" eða eitthvað enn betra eins og Sveitaþorrablót, það væri nú toppurinn sko :) (Svona ef að maður kemst hjá lyktinni og pantar pizzu)
Nú, annars er helgin bókuð í leikhúsferðir, svefn, leti og vinahitt.
Fokking Dejligt.
Best að fara að fá sér kvöldskammtinn af serjósi.

Í morgun fór ég í sturtu.
Eftir vinnu fór ég í bað.
Núna þarf ég að fara aftur í sturtu eða bað því að ég anga eins og öskubakki. Sem er ekki töff.
Ég sem sagt skrapp á kaffihús núna í kvöld með elskulegum vinkonum mínum og núna er ég með klemmu á nefinu því að það er svo vond lykt af mér, samt er ég ekki í fötunum sem að ég var í á kaffihúsinu.
En mikið ofboðslega var gaman. Það vantar ekki.
Næst ætla ég á reyklaust kaffihús. Og kaffihús sem að selur ekki áfengi. Þá held ég að það sé ekki mikið annað í boði en lífrænt ræktaða kaffihúsið, en það er (er mér sagt) staður þar sem að Rauðhærðar, vinstrisinnaðar grænmetisætur hanga saman og mótmæla virkjunum og álverum.
Ekki mitt "thing"
Allavega, ég er að vinna á "Karlavinnustað" eða ég er allavega eina stelpan í augnablikinu. Ég pældi mikið í þessu áður en að ég byrjaði, bjóst við svona karlrembubröndurum og eitthvað. En fyrsta daginn átti ég nokkur svona samtöl...
StrákurA: Í hvaða stjörnumerki ertu?
Ég: Fiskur
StrákurA: Jááá, er það?
Ég: Já
StrákurA: Ég er meyja
Ég: Jájá
StrákurA: Já, meyjan og fiskurinn eru mjög ólík, Meyjan er meira svona skipulögð og allt verður að vera fullkomið, en Fiskurinn er meira svona ímyndunarveikur og ævintýragjarn, en OKKAR merki passa samt sem áður mjög vel saman, þrátt fyrir að vera ólík, kærustupar í þessum merkjum eiga svona ástríðufullt samband og þannig.
Ég: Jáhá, það er bara svona, verst að ég trúi ekki á þetta stjörnumerkjabull. (Varð að ljúga einhverju)
StrákurA: Horfði á mig eins og ég væri hálfviti og tölti burt

Áhugavert finnst ykkur ekki?

Svo var annar tappi sem að spurði mig hvort að ég notaði MASKARA, halló, hvað varðar þig um það vinurinn? Ég sagðist nú gera það oftast, allavega þegar að ég færi útúr húsi og svona.
Þá spurði hann: "En þú ert ekki mikið fyrir varaliti?"
Greinilega einhver skápahommi þarna á ferð, því að hann var ekki að grínast og svo fór hann og lamdi í vegginn og öskraði svoldið.. "Já, vinur, þú ert ótrúlega mikið karlmenni núna.." (hugsaði ég sko)

En já, núna eru þessir drengir/kallar farnir aðeins að láta eins og þetta á að vera, eins og í dag þegar að ég var í mat og sat auðvitað með 10 köllum/strákum á borði þegar að einn kemur og segir: "Verði ykkur að góðu drengir, og verði ÞÉR að góðu ungfrú"
Skondið.

Svo ætlum við Salka að skella okkur í leikhús um helgina, ég fékk auðvitað 3 leikhúsmiða gefins í dag. Þeir sem að hafa áhuga á að koma með okkur Sölku á Ronju um helgina, látið mig vita, það verður magnað stuð :)

Í gærkvöldi var ég sjoppuleg.
Í dag er ég annað hvort mygluð eða lumma, ég veit ekki alveg hvort, en ég held að ég endi með að vera bara bæði.
Útgangurinn á mér er alveg hræðilegur. Ég er með blautt hárið(var að koma úr sturtu..), sem þýðir að það er nánast krullað og þegar að maður horfir framan á mig þá er eins og ég sé með sítt að aftan. Svo er ég í ljótum, víðum joggingbuxum, hvítum hlírabol og svörtum brjóstahaldara - Mér finnst þetta ekki smart, en whatever, vona bara að það komi enginn í heimsókn.
Ég hitti Linduna í gær, við fórum á Hressó og fengum okkur Lunch. Mjög gaman hjá okkur eins og vanalega. Við erum svo góðar saman við Linda. Fundum ekki Bankastræti, þannig að við enduðum á Tryggvagötu. Komumst svo að því að Tryggvagata og Bankastræti er örugglega ekki einu sinni í sama póstnúmeri. Svona erum við klárar, við Linda.

Það er komin kossageit á heimilið, minnstan okkar er komin með þetta. Gasalega ógeðslegt, vellandi sár og svona, en þetta er allt í meðhöndlun. Vorkenni bara grey barninu, man þegar að ég fékk þetta, ekki gaman.
En hún er nú spræk og segir bara "Sérru, saddna er kossageitin" svo segir hún "Ég er rugluð" bara krútt þetta barn!
En jæja, ég ætla að hætta að vera lumma, klæða mig, laga hárið og skella mér út.

Já og Karen Helga mín, Til Hammara með Ammaran stelpa - Þú verður jafngömul mér alveg í einn mánuð...vúhú!! ;)

Ég er með skósýki...

Take the quiz:
http://quiz.myyearbook.com/zenhex/quiz.php?id=13163"> size = "+2">What type of Converse are you?

Green Classic Converse


by myYearbook.com -- the World's Biggest Yearbook!


Úff hvað ég sakna Converse skóna minna :(

Það er svo gaman að fara í heimsókn til ömmu.
Hún segir alltaf "Ertu að hverfa barn?" og svo gefur hún manni pönnsur með rjóma og kók.
Annars þá er það orðið opinbert að ég er komin til íslands, ég lét voða fáa vita hvenær ég kæmi og sé ekki eftir því, enda vildi ég bara vera heima hjá famelíunni og venjast nýju fólki og eyða tíma með því gamla.
Það er ekki mikið hægt að tuða yfir nýja fólkinu, voða almennilegt, nokkuð geðgott og skemmtilegt. Ekki eins hræðilegt og ég hélt það yrði. ;-)
Ég er líka búin að komast að því að það ER hægt að lifa á skyri og vatni. Allavega getur það verið uppistaðan í fæðunni hjá manni, bara svo lengi sem að maður étur kúskús og nings af og til.

Langaði bara að segja ykkur að ég væri á lífi.

Lifið heil

Merkilegt hvað allt er fljótt að fréttast.
Ég skrifaði hérna á fimmtudagsmorgun að ég væri "godt i gang" með að reyna við póstdrenginn, (sem er að vinna hjá póstinum í afleysingum, komst að því ;)) þá um kvöldið hringdi pabbi í mig og spurði hvort að ég ætlaði að taka hann með til íslands. Í dag var ég svo spurð svona milljón sinnum um þennan blessaða póstdreng, m.a. af fólki sem að ég vissi ekki einu sinni að læsi þetta bloggdót mitt.
Mér finnst þetta mjög áhugavert, því að það þykir greinilega saga til næsta bæjar að ég skuli hafa svo mikið sem horft í áttina að karlmanni/strák, eða hvað þið viljið kalla þetta.
Ég hef greinilega ekki verið nógu dugleg við að update-a "datemál" mín fyrir fólki og ég ætti kannski að vera duglegri við það.
Held að það væri best fyrir mig að finna mér einhvern "heitan svein" sem væri þekkt andlit, svo að maður geti bara hringt eitt símtal og búmm, komið í séð og heyrt, það væri alls ekki galið held ég. Praktískt fyrir mig og ykkur.
En ég er nú bara að spauga, ótrúlegt en satt.
Ég er að hugsa um að salta póstmanninn aðeins. Fara til íslands og einbeita mér að vinnu, fjölskyldu og vinum og leyfa honum aðeins að sakna mín. Og muna bara að næst þegar að ég hitti hann þá verð ég að vera í fötum en ekki handklæði.

Heyriði mig nú, haldið þið að ég hafi ekki fjárfest í nýjum geisladiskum í dag. Sem er svosem ekki frásögur færandi nema hvað, að þetta eru svona líka tussugóðir diskar.
Arctic Monkeys - Whatever People Say I Am, That's What I'm Not
Mjög góður diskur, hafði reyndar bara heyrt tvö lög af honum, sem eru búin að vera í spilun hérna úti og ég varð ekki fyrir vonbrigðum með þennan disk.
Mew... and the Glass Handed Kites
Veit ekki hvort að þið hafið heyrt eitthvað mikið af þessu bandi, en minnir þeir hafi verið á Roskilde festival núna síðast. Danskir, og ég elska þá, þá sérstaklega röddina í gaurnum, ótrúlega Júník og töff eitthvað. En já reyndar er músíkin líka mjög góð.

Læt fylgja með Myspace síðurnar hjá þessum guttum :)


http://www.myspace.com/arcticmonkeys
http://www.myspace.com/mewsite

Jæja, þetta blogg er orðið eintóm þvæla hérna, svo ég er farin að sofa.

Ómægad.
Framtíðar tengdasonur foreldra minna er fundinn.
Hann bankaði hérna uppá áðan og heimtaði undirskrift og pening fyrir einhverjum pakka.
Ég opnaði, sá hann og gleymdi alveg að ég var nýstigin útúr sturtunni.
Kiknaði í hnjánum og allt.
Djöö, er týpískt að maður finni loksins fallegan karlmann í Danmörku (Sem er ekki hnakki) þegar að það eru "nokkrar" klst í brottför til landsins sem kennt er við ís og snjó - I'm telling you, this is my luck!
Nú langar mig ekki til Íslands.

Eníveis, ég er á leið í klippingu - Guuuð má vita hvað ég finn uppá að gera við hárið á mér, en það verður mikið klippt af því, ég er komin með alltof sítt hár.

Jájá, nýr dagur, ný markmið.
Í dag ætla ég að taka til í sokkaskúffunni minni eða jafnvel ef að ég verð í stuði að endurraða geisladiskunum mínum.
Ég er með alveg snargallaða tárakirtla, búin að tárast í allan dag, skil þetta ekki. Ég er ekki að grenja yfir neinu, bara tárast, ekki sniðugt. Var líka svona í gær, fór í bíó og var byrjuð að grenja áður en að myndin byrjaði, það var reyndar útaf því að ég hló svo mikið, ég er víst ljóska, en ég átti allavega fyndið ljóskumóment, samt kemst ég ekki nálægt því að vera eins og Lára :þ
Eníveis ég var að komast að því að ég er ömurleg í að taka sjálfsmyndir.
Hvaðan skyldi ég hafa það?

Ég tók af mér mynd um daginn, eða það er svoldið langt síðan, og ég er búin að taka fleiri, en þessi bara stóð uppúr.

a) Hún er ekki nálægt því að vera í fókus
b) Hvað er málið með bakgruninn?
c) Ég ætla ekki einu sinni að fara útí þennan ógeðslega
svip sem að ég er með, lít út eins og Þorskur á
þurru landi sem er verið að reyna að kreysta augun úr!
d) það er nokkuð ljóst að fegurð mína er ómögulegt að festa á filmu.

Vona að þið viljið enn tala við mig þó ég hafi sýnt ykkur hæfni mína sem sjálfsljósmyndara.

Ingibjörg Elín er 9 ára í dag, litla skottið mitt!
Merkilegt, alltaf þegar að systkini mín eiga afmæli þá líður mér eins og ég sé gömul. Samt er ég ekki orðin átján ára - skondið.
Helga sætasta (Litli unginn okkar Lindu) er líka 17 ára í dag, úff, nú kikkar móðureðlið inn sko, Helga er litla barnið mitt, þó að hún sé ein af mínum bestustu vinkonum í heiminum, þá er hún samt beibí-ið í hópnum :) (Sorry Helga mín, en svona verður þetta alltaf!)
Til hamingju með afmælið stelpur mínar ! ( svosem ekki miklar líkur á að Ingibjörg lesi þetta, en samt. )

Smæl, smæl, smæl.

"Nei sko, það væri hægt að strauja skyrtu á þessum tönnum" er án efa besta komment sem að ég hef heyrt lengi.
Þetta var svolítið fyndið skal ég segja ykkur.
Ég er búin að brosa mjög mikið síðustu daga og er sko ekki alvarlega týpan eins og vanalega. En engar áhyggjur þetta líður hjá.

Hmm, ég sofnaði í sófanum í nótt, milli 01.00 og 04.30 var afvelta af nammiáti og gosdrykkju, en ég vaknaði með harðsperrur dauðans í maganum.
Ég hef sko ekki verið að gera neinar fjandans magaæfingar, þannig að mér finnst þetta mjög skrýtið, greinilegt að maður verður að borða bara meira nammi, þá verður maður kannski komin með sixpakk eftir viku.
Gummi "Þvaghænsni" Frændi minn er búinn að vera hérna um helgina, það er búið að vera mjög ljúft, þrátt fyrir það að ég hef liðið miklar pyntingar. Í morgun vaknaði ég við það að hann sat ofaná mér, (þar sem að ég svaf í SÓFANUM því að sumir sofnuðu í mínu rúmi) og kleip mig!
Haldið þið að það sé nú meðferð á prinsessunni.
En það er búið að vera gott að hafa Gumma hérna, var ekki búin að sjá smettið á honum í 7 mánuði þakka ykkur fyrir.
Annars langaði mig að sýna ykkur að ég á vin sem að lítur út eins og Jake G..eitthvað í myndinni þarna Jarhead - Sem ég sá fyrir svona 3 mánuðum.

Þetta er hann Balvin Theyr. Jake Gyllenhaal

Ætli maður verði ekki að vera inn og blogga um DV?
Nei, ég tek ekki sénsinn á því - Held að þið vitið öll hvað mér finnst um þennan sorasnepil og ég ætla ekki að gera þeim það til geðs að fjalla eitthvað frekar um það hérna.
Nema þá að láta eina manneskju sem að vinnur þarna vita að ég er tilbúin að gefa henni 250 krónur, fyrir strætófarinu á klepp. (ONE WAY)

Well, ekki mikið skeð hjá mér síðan síðast. Ég hugsa að ég sé hætt að lesa blöðin á netinu, eða bara lesa þau yfir höfuð. Ekkert nema fólk að sprengja sig í loft upp, stríð og græn, sjálflýsandi svín. Er ekki hægt að segja frá því góða sem er að ske í heiminum? Eða er það ekki nógu fréttnæmt? Ég las nokkra miðla í dag, Íslenska og Danska það var voðalega lítið sem að ég gat glaðst yfir, ekki einu sinni Bobby Fisher að endurnýja strætókortið sitt.
Fréttir sem ég las í gær held ég var þó eitthvað sem að ég varð alveg fjúríus yfir, var ónýt allan daginn með virkilegan sting í hjartanu.
Fertugur Karlmaður nauðgaði 12 vikna barni!
Hvað í andskotanum vakir fyrir svona drullusokkum? Á að stilla svona fólki upp á fjölmennum stað og grýta þá til dauða, en fyrst verður þó að skera undan þeim. - eða eitthvað verra. Ef að það er eitthvað sem að ég verð virkilega reið yfir og brjáluð í skapinu útaf þá er það ef að ég frétti af einhverju svona, barnamisnotkun.
Og svo er náttúrulega frábært hvað réttarkerfið á íslandi er frábært, svona menn fá alveg 2 ár í fangelsi, tops. Klöppum fyrir því. (þetta var samt ekki Á íslandi.)
Svo finnst fólki virkilega skrýtið að mig langi miklu frekar að ættleiða barn, þó að ég komi til með að geta eignast þau á eðlilegan hátt. Af hverju að fæða barn inní þennan brenglaða heim þegar að það eru milljónir barna þarna úti sem að eiga ekkert, fá ekki mat, ekki ást og umhyggju. Er ekki nær að ættleiða barn sem að virkilega þarf á manni að halda heldur en að búa eitt til?
Verst að það tekur þvílíkan tíma, verð eiginlega að byrja að plana það eftir 2 ár svo ég verði komin með barn þegar að það verður á dagskrá.
En sko, það verður samt að vera eitt svona heimagert, hver á annars að koma þessum góðu genum og fegurðinni áfram, gengur ekki annað.

Heyrðu já, lestarframkvæmdir klárast á morgun - Held að ég ætli í bæinn og drekka Cult til að fagna þessu. Með tannburstan með mér að sjálfsögðu :)

Stoltið mitt er ársgamalt í dag!

Já, þið lásuð rétt, Afkvæmið mitt er ársgamalt í dag.
Nei, ég á ekki barn og ég er ekki að tala um Fróða.
Heldur er ég að tala um Ingu Rós og Binna!
Ef að það hefði ekki verið fyrir mig þá væri ekkert Inga Rós og Binni til.
Ég ætla nú ekkert að fara útí það hvernig það allt æxlaðist en ég vakti með Ingu Rós heila nótt að tala um KALL/geimveru sem að vissi ekki hvað Ipod var og var með linsur. (uppúr þeirri umræðu fæddist svo Binni&Inga Rós)
Það er miklu meira vit í Binna. Hann er friendsalki og veit hvað Ipod er, sem er eitt það mikilvægasta í fari karlmanns að mati okkar Ingu Rósar.
Til hamingju með árs afmælið og gangi ykkur bara sem best í framtíðinni dúllurnar mínar!!!

Svo megið þið bara óska mér til hamingju, þetta er fyrsta parið sem að ég hef búið til og þau eru búin að vera saman svona lengi.

Logi og Svanhildur hvað?!

Barbie is a slut!

Já, það er satt.

Sko, áðan þá fór ég til tannlæknis. Í þetta skiptið er ég komin með eitthvaðshit-bit, síðast var það sko kross-bit og þar áður eitthvað annað bit. Mér er drullusama, djö hvað ég er orðin ógeðslega pirruð á að vera með allskonar bit, sem eru öll eitthvað skökk. Ég held að þetta sé ekki skakt bit, ég er bara skökk - meikar svo miklu meira sens.
Talandi um skekkju. Þá var ég hjá tannsa babe og það var að byrja að koma einhver hola, svo að hann sagðist skyldi nú bara laga þetta sem snöggvast (Aldrei fengið holu áður) og ég heimtaði einhverja deyfingu. Fékk hláturgas og ég var skökk í 3 tíma á eftir, as in stoned. Tannlæknirinn hafði einhverjar áhyggjur af því hvernig ég kæmist heim, ég man ekki hverju ég svaraði, en ég labbaði bara út og niðrí bæ. Ég man voða lítið eftir þessari bæjarferð, nema ég sá föt, fullt af fötum.
Ég fór með tvíburunum og Balla í bíó í gær. Á mynd sem heitir The Fog - Ekki fara á þessa mynd, þvílíka steypan. Fyrstu 30 mín voru reyndar góðar og þetta var ógeðslega spúkí. Ég öskaraði ekki nema 3 á þessum hálftíma og fólkið fyrir aftan mig var farið að sparka í sætið mitt í verstu atriðunum í von um að ég myndi hoppa uppúr sætinu eða eitthvað. En eftir fyrsta hálftíman vildi ég bara fara út, fyrir utan að Smallville gaurinn fór úr að ofan...tvisvar.
Nei, ég er ekki kettlingur, það er örugglega ógeðslega gaman að horfa með mér á svona hreyllingsmyndir, ég er alveg skíthrædd.
Svo, hver ætlar að koma með mér í bíó þegar að ég kem heim? (Á hryllingsmynd að sjálfsögðu, ég er með svo mikla sjálfspyntingarhvöt.)

Já gott fólk, það er að koma helgi og ég hef góða tilfinningu fyrir þessari helgi, sem og þessu ári, þar sem að ég fann Pacman á netinu í morgun, var búin að gleyma hvað ég var góð í þeim leik hérna 1998.
Ég er svo búin að lofa Guðjóni bíóferð, ætli við reynum ekki að draga Balla og fleiri góða með.
Annars er ekki mikið að frétta fyrir utan það að ég hlakka ótrúlega mikið til að fara til Íslands og gera góða hluti þar. Þið getið líklega fundið mig í miðbæ Reykjavíkur að tala dönsku og ensku við túrista með skyr í annari og VIP passa á Gettu Betur um hálsinn, jú og í "Lost in Iceland" bolnum mínum að sjálfsögðu. Verður áhugavert fyrir ykkur að sjá það.
Besta frænka var svo líka búin að lofa VIP passa á öll Skítamóralsgiggin næstu 7 mánuðina eða svo, þannig að það er eins gott að fara að reima á sig Buffalo skóna og rifja upp textan af "farin" og fleiru góðum.
Æji, nú er kominn púki í mig, svo ég ætla bara að fara í H&M og nauðga vísanu.

Má til með að láta þennan link fylgja með. Tarentino hjá Conan. Sannleikurinn um Íslendinga/Íslenskar konur - samt ekki mig :)

http://www.kvikmynd.is/indexdetail.asp?id=1907

Ef þetta er ekki Hillaríus þá heiti ég Súla sól

LEITER DUUUUUDES!

Annar dagur ársins var sko tekin með trompi!

Það sem að ég gerði í dag var

• Hékk með hausinn ofaní klósettinu og ældi
• Svaf
• Kúgaðist af eigin ilmvatnslykt (hefur aldrei gerst áður)
• Horfði á Two guys and a girl
• Svaf
• Pirraðist óendanlega mikið yfir MSN

Geri aðrir betur.

Get þó huggað mig við það að allt sem að ég át yfir jól og áramót er ekki lengur neitt til að hafa áhyggjur af og svo þarf ég heldur ekki að fara í ræktina á þessu ári því að ég er komin með heavy magavöðva eftir gubberíið. I wish

Eníveis, þá var ég að velta fyrir mér einu og það er hvort að áramótaskaupið hafi einhverntíman verið fyndið? Ég er allavega búin að horfa á þau nokkur í gegnum tíðina og mér hefur bara aldrei fundist það skemmtilegt, en samt verð ég alltaf að horfa á það. En í ár þá var það reyndar hann Björgvin Franz sem að reddaði þessu og í fyrsta skipti í mörg ár, ef ekki bara fyrsta skipti þá hefur maður allavega smælað útí annað yfir þessari vitleysu. Björgvin Franz var einmitt í Kastljósinu í kvöld, kíkið á það á www.ruv.is/kastljos (Sorry, ég varð)

Hvað er svo málið með mig og tölvur? Núna til dæmis þá er MSN í þvílíku fokki, síðustu daga hef ég bara getað talað við suma, einhverja útvalda greinilega (yfirleitt ekki fólkið sem að ég vil tala við ;)). Ég ætla að skrifa bréf til forsetans og biðja hann um að leggja niður MSN og bara hafa bréfdúfur í staðinn, það er allavega hægt að siða þessar dúfur til. Svo er blogspot komið í ruglið núna líka, hvert er þessi (net)heimur að fara?

Well, nóg af þessu fýlubloggi, ef að einhver nennti að lesa þetta þá er sá hinn sami líklega dáinn úr leiðindum núna svo að ég er hætt, kann ekki við að bera ábyrgð á dauða fólks ;)

Lofa að vera í betra skapi næst :)

Hvað gerðist á árinu?

Jæja, ótrúlegt en satt þá er árið næstum á enda og kannski tími til kominn að fara yfir það sem að skeði á árinu, þó svo að það hafi ekki verið mjög merkilegt.
Allavega hafði ég hugsað mér að afreka mikið meira en ég gerði, en ég bæti þetta bara upp á nýja árinu, enda veit ég það fyrir víst að allavega fyrstu 6 mánuðirnir á nýja árinu verða góðir og viðburðamiklir.

Janúar - Kom heim frá íslandi eftir vægast sagt spes dvöl þar, þegar að ég kom heim til DK þá beið mín þessi líka flotti áramótapakki, eða hann Fróði minn, pínulítill Beagle hvolpur.
Febrúar - Tók ákvörðun um að fara til Bandaríkjana sem au-pair
Mars - Varð 17 ára, Fór til þýskalands að hitta Gumma Linda kom til DK og ég skil ekki ennþá hvernig við höfðum úthald í allt þetta djammerí og allar verslunarferðirnar, samt gaman
Apríl - Fór með pabba til London að versla og hitta föðurbróðir minn og fjölskyldu
Maí - OPEN AIR, þetta var magnað, engin Roskilde en magnað samt, Sjá "ædolin mín", Nik og Jay Live í sólskini í góðra vina hópi, gerist ekki betra
Júní - Prófin voru, ég að sjálfsögðu dúxaði þar, Fór til Íslands, gerði góða hluti þar, sem og skandala, fór til Ameríku
Júlí - Var að deyja úr hita í ameríku að passa börn - Lennti í lífsháska í skógi í Virgina þegar að það kom íkorni inní kofan sem að ég var í.
Ágúst - Kynntist Karen Helgu strumpunni minni :)
September - Hitinn skánaði og ekkert merkilegt gerðist...Held ég
Oktober - Var í Ameríku - Gerðist örugglega fullt spennandi
Nóvember - Florida- mikki mús og allt það :)
Desember - ferðaðist ein frá BNA til DK með klst millilendingu á íslandi - tók ekki nema 22 tíma, Amma og afi komu í heimsókn, Linda kom og Miiiiikið brallað ;)

Ég er nú bara að stikkla á mjöög stóru, nenni ekki að telja upp alveg allt sem að gerðist.
En allavega, þá var þetta ár bara nokkuð gott, kynntist fullt af frábæru fólki og upplifði mikið.
Fór til 5 landa og kom til aðeins fleirri fylkja næsta ári verður reynt að ferðast áfram eitthvað þó svo að það verði ekki alveg jafn mikið og ég geri á þessu ári.

En ég er með smá lista sem að ég ætla að biðja alla um að fara eftir á morgun

1. Farið varlega í búsið
2. Áfengi og akstur eiga ekki saman, ALDREI
3. Klæða sig vel
4. Reykingar og flugeldar eiga ekki saman
5. Notið hlífðargleraugu
6. GLEÐILEGT NÝTT ÁR OG TAKK FYRIR ÞAÐ GAMLA

(kommon, maður verður að vera með smá forvarnarstarf hérna)

Hvar er jólaskapið?

Kannski á Íslandi, hver veit?
Ég er búin að tilkynna pabba það að ég ætla að vera á íslandi næstu jól og öll jólin sem að ég á eftir ólifað. Veit ekki hvernig ég á að segja mömmu þessi tíðindi, þar sem að hún ætlar að vera í Danmörku öll jólin sem hún á eftir ólifað. Þannig að hún mun ekki njóta þeirra forréttinda að hafa mig í nærveru sinni á jólunum.
En þið þarna á íslandi munuð hins vegar njóta þess að hafa mig hjá ykkur, þ.e. ef að einhver vill hafa mig hjá sér, sumir voru voða fyndnir áðan og sögðu að það væri ekkert endilega nein eftirspurn eftir því að ég væri á íslandi þá, sem er kjafæði - það er alltaf nóg eftirspurn, ég veit það, ekki nema ég lifi í blekkingu.
Þessi jól eru nú búin að vera fín, þó að það sé ekki búið að vera mikið annað gert en að vera í náttfötunum, borða, vera í tölvunni og svona huggulegheit. Vantar öll jólaboðin, íslenska matinn og restina af famelíunni og vinunum. Það er samt búið að spurja mig nokkuð oft hvort ég vilji ekki kíkja á djammið, meðal annars á aðfangadagskvöld - fatta ekki svona, mér finnst ekki viðeigandi að djamma á jólunum, fyrir utan það það er ég að verða of gömul fyrir svona djammstand, nenni því engann veginn, vil bara vera heima og kúra undir sæng með góða mynd.
Mér finnst aðventan hér í danmörku þó betri en á íslandi, ekki þetta stress alltaf hreint, þannig að það er spurning um að fljúga bara til íslands á þorláksmessukvöld - Sleppi ég öllu stressi.
Annar langaði mig bara að segja ykkur þetta, og jafnframt þakka ykkur fyrir mig, voða ánægð með þetta allt saman.

Gullkorn og eitthvað meira

Linda vinkona mín er búin að vera í heimsókn hjá okkur hérn aí heila viku og búið að vera mikið stuð á okkur stöllum :) - Takk fyrir samveruna sæta mín, við sjáumst svo þegar að ég kem á klakann.

Annars verð ég bara að segja ykkur frá tvennu ógeðslega fyndnu sem að skeði hjá okkur þessa vikuna. Held samt að þeir sem að þekkja okkur finnist þetta fyndið, en ekki hinum ;)

Fyrsta kvöldið hennar Lindu þá vorum við í Partý-i hjá Láru og Gauja. Ég og Gauji vorum eitthvað að spjalla og þá rek ég augun í Nýja Robbie Williams diskinn, en fyrir þá sem ekkivita þá erum við Guðjón Valur harðir Robbie aðdáendur.
Samtalið varð svona:

KA - Nau, bara búin að kaupa nýja diskinn með Robbie sætasæta?!
GV - Já, maður en hann er samt alls ekki góður
KA - Ha? Í alvöru?
GV - Já, Ég allavega bjóst við meiru frá honum, það eru svona nokkur lög sem eru allt í lagi.
KA - Dísess, en samt, maður var auðvitað að búast einhverju svakalegu þar sem að diskurinn sem kom út í fyrra var svo geðveikt góður!

Þori varla að segja það en diskurinn sem að kom út í fyrra var BEST OF Robbie Williams! Og ég var blá edrú!
Note to self; Think before you speak woman!

Annað nokkuð skondið gerðist þegar að ég og Linda vorum í Djúpum samræðum um hvað hún væri fyndin og vorum að fíflast eitthvað með það. Þá heyrist í Lindu: Já, ég er svo fyndin að ég verð bara seld á E-bay þegar að ég dey...
Já, elskan, ÖRUGGLEGA!

Einhverra hluta vegna var verið að ræða um selfoss og alla hnakkana sem að búa þar.(Sem okkur finnst miður skemmtilegir drengir) Þá segir Linda uppúr þurru: SKo, það eru til Margar Hondur, en bara ein Honda Cific...
ÞAr hafið þið það :)

Annars gengur allt sinn vanagang fyrir sig í Danmörku, bara same old same old.
Hlakka mikið til að koma til Íslands og láta gamminn geysa, Það verður nú gaman fyrir ykkur að fá mig til þess að lífga uppá skammdegið, svo líður ekki að löngu þangað til að Stelpan Drullist til að taka þetta bílpróf sem að er búið að trassa í 9 mánuði. Þá myndi ég reyndar halda mig innandyra ef að ég væri þið, ekkert sniðugt að vera að væflast úti, vitandi af mér keyrandi á rauða drekanum um götur Reykjavíkur - Óþarfa slysahætta!

Ég ætla ekki að blogga neitt hérna fyrr en að ég hef eitthvað skemmtilegt að segja eða góðar fréttir.
Þangað til verður bara kveikt á kertum og beðið til guðs að allt fari vel.
Ég vil fara til íslands og vera hjá ættingjum mínum þar, maður gæti kannski gert eitthvað meira gagn þar en hér.

Smá update og bloggleikur

Ég er lennt heilu á höldnu í Danmörku. Eftir brjálæðislega langt ferðalag og stutt millilend á íslandi.
Daginn eftir að ég kom heim fór ég á Duran Duran tónleika í höllinni hérna í horsens, og vááá hvað þeir voru mikil snilld. Ég kunni flest lögin og skemmti mér því alveg ljómandi vel.
Mikil upplifun að sjá þessa gömlu refi svona live.
Annars hefur ekki mikið á daga mína drifið síðan ég kom, ég fór reyndar í partý eftir duran duran og skálaði í Faxi Kondi, get sagt ykkur það að danirnir voru ekki ánægðir með það að kristín væri bara búin að leggja búsið á hilluna, sé það núna hvað fullt fólk getur verið óskaplega leiðinlegt þegar að maður er edrú - sérstaklega danir.
Ég er annars bara búin að vera róleg síðustu daga, svo er Linda að koma til mín á föstudaginn og það verður æðislegt!
Ég smitaðist af bloggleik hjá frú skunk, ætli maður verði ekki að gera þetta :)


Settu nafnið þitt í comment og.....

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð minnir mig á þig
4. Ég segi þér eitthvað sem meikar bara sens fyrir mig og þig
5. Ég segi þér fyrstu ljósu minninguna mína af þér
6. Ég segi þér á hvaða dýr þú minnir mig á
7. Ég spyr þig að einhverju sem ég hef velt lengi fyrir mér um þig
8. Ef þú lest þetta þá verðuru að setja þetta á bloggið þitt..

Koma svo, muna bara að setja nafnið sitt undir og þið þurfið ekki að vera skráð til að geta kommentað.

Merkilegt!
Í gær fór ég mjög seint að sofa og vaknaði frekar snemma, eða um 10 leytið. Held að ég hafi sofið í svona 5 tíma, en vaknaði klukkan 10 alveg eins og ég hefði sofið í 12 tíma - Vel úthvíld og spræk bara. Ef að ég hefði sofnað klukkan 2 og vaknað klukkan 7 þá hefði ég ekki getað vaknað, ekki séns - Það er eins og líkamsklukkan mín sé vitlaus stillt og hánóttin hjá mér er á 6-10 á morgnana. Því að ég er altaf spræk ef að ég sef á morgnana, sama hversu lítið ég svaf um nóttina.
Þarna kom sem sagt skýringin fyrir því að ég Kristín Alma Sigmarsdóttir sé svona morgunfúl á morgnana, hver væri það ekki ef að hann er vakinn um hánótt!?
Nóg af þessu rugli, núna er ég vakandi því að ég hlakka til, ég er að pakka niður og kannski vegna þess að ég var á flakki í dag og er búin að óverdósa af koffíni. Ég innbyrgði aldrei koffín, passa mig á því - En þegar að Kristín Alma rekst á Starbucks þá er illt í efni, kaffið þar er svo gott, og það er bara gott að fá sér smá latte í þessu frosti sem að skall á Washington í nótt.
En í washington eru margir Starbucks staðir og eftir daginn í dag er Kristín búin að fara á þá flesta, svo að nú sit ég hérna titrandi eftir koffín neyslu dagsins.
Ég hata að pakka niður, það er svo leiðinlegt, en það er þó miklu leiðinlegra að pakka upp, þess vegna hef ég komið upp þeirri skemmtilegu hefð að þegar að ég kem heim úr ferðalagi þá skelli ég töskunum á gólfið og hef þær þar þangað til næst þegar að ég fer í ferðalag. Þá lokar maður bara töskunni og heldur útá völl. Sniðugt.
En núna þarf ég að pakka, vera skipulögð og nýta hvern CM eins vel og hægt er, ég er til dæmis búin að rúlla öllum fötunum mínum upp, eins þétt og ég gat, troða sokkum ofaní alla skó og setja stæðstu fötin og það í stóran ruslapoka og vagúm pakka það með því að sjúga loftið úr með ryksugunni. Já það er heppilegt að ég sé búin að horfa á Gumma frænda pakka oft niður fyrir Ameríkuferðir, það hlaut að koma að því að maður lærði eitthvað gáfulegt af honum :)
Vildi samt óska að Amma væri hérna til að pakka niður, þegar að hún pakkar niður fyrir mig (og hún pakkaði nú niður fyrir Gumma nokkrm sinnum líka ;)) þá er eins og taskan breytist í svona Marry Poppins Tösku, Þar sem að allt kemst ofaní. Ótrúlegt! En núna er amma í Danmörku, hún og afi eru að sjálfsögðu í móttöku nefndinni, og brugðu sér til Danmerkur til að taka á móti aðal Prinsessunni.
Langt ferðalag fyrir höndum á morgun, þetta á eftir að taka svona 22 tíma myndi ég giska á, allt í allt frá því að ég legg af stað héðan og þangað til að ég verð komin til Horsens. Alein og yfirgefin að þvælast, en ég stoppa í klst á íslandi - get keypt mér kúlusúkk og séð og heyrt, gaman :)
Jæja, farin að halda áfram að troða sokkum og nærbuxum ofaní skóna og ryksuga loftið úr úlpunni minni...

Maður ætti kannski að fara að sofa?
Nei, Kristín Alma sefur aldrei, það veit það hvert mannsbarn.
Kristín Alma er líka alveg að fara heim til sín til Danmerkur, og Kristín Alma hlakkar alveg svakalega til.
Þess vegna sefur Kristín Alma bara ekki neitt - ekki hægt.

Þetta var einstaklega óviðburðaríkur dagur framan af, en svo hringdi pabbi með tíðindi mikil, sem að gætu orðið svolítið skemmtileg, ef að maður lítur rétt á þetta, þó að mín fyrstu viðbrögð hafi verið, skondin, en þessar fréttir eru vægast sagt óvenjulegar.
En ég er búin að hugsa um þetta frá öllum mögulegum sjónarhornum og velta þessu vel og lengi fyrir mér, þetta er ekkert hræðilegt, allavega ekki eins og ég hélt að þetta væri :-)
Bara gaman - aldrei hægt að reikna út hverskonar fréttir maður fær, vona að þær haldi bara áfram að vera góðar.
En án gríns, ef að fólkið í kringum mig fer ekki að slaka á og hætta að koma með svona óvenjulegar fréttir þá fer ég bráðum að skrifa handritið af "Bold and the Kristín Alma" eða "Days of Kristin Alma's Life" Það er svo mikið að ske að þetta fer að verða helvíti góð sápuópera, það vantar bara að ég finni my evil twin, gaurinn sem að ég er að deita sé í raun kvennmaður (gæti svosem skroppið helgarferð útúr skápnum, það er náttúrulega í tísku núna sko) eða þá bara hreinlega að ég sé í raun og veru ættleidd, sé frá plánetunni Krypton og sé karlmaður í sokkabuxum sem kallar sig ofurhetju. (Aldrei hef ég skilið þessa árátu hjá þessum svokölluðum ofurhetjum að vera alltaf í sokkabuxum og helst spídó sundskýlu utan yfir...)
En ég er hætt að röfla um þetta því að ég ætla ekki að segja ykkur hvaða fréttir þetta eru og þar afleiðandi er ekki gaman fyrir ykkur að lesa þetta.
Nú er kannski óhætt að greina frá öðrum tíðindum, en þau að ég er að koma til íslands í Janúar og mun dvelja í ja, "piparsveina" íbúð föður míns næstu 6 mánuðina eða svo, komin tími til að það komi kvenmaður á heimilið og hugsi um gamla.
Þetta er svona það helsta sem að er að frétta - Mér líður vel, hlakka svo til að hitta alla á íslandi, og Sölkuna mína!
Elska hana SVO mikið, enda snilldar barn þar á ferð verst hvað hún stækkar fljótt, en núna næsta hálfa árið fær hún algerlega óskipta athygli frá stóru systur 24/7 - hvort sem henni líkar betur eða verr.

Ég er búin að komast að því að ég get lifað á Kóki, þá er ég að tala um gosið.
Stór merkilegt alveg, ég fæ mér bara kók þegar að ég vakna, kók í hádeginu og kók á kvöldin, þarf ekki að borða neitt annað. Gaman, kannski ekki það hollasta en ég meina fer enginn óþarfa tími í að borða.
Það er Thanksgiving í dag eins og glöggir hafa kannski tekið eftir. Ég veit ekkert hvað skeði þennan dag en það hafði eitthvað með Indjána að gera og mat, það er nóg fyrir mig að vita. Ég fekk sem sagt kalkún í matinn með öllu tilheyrandi, eða svona næstum, ótrúlega gott.
Ég var líka voðalega þakklát í dag, alveg þvílíkt gott skap og allt, eða ekki. Búin að vera bitur og leiðinleg í dag, svo að ég ætla bráðum að koma mér í bælið.
Á laugardagsmorgun er ég að fara til Florida, svo að morgundagurinn fer í að verlsa inn:

1. Sólarolíu
2. Sólarvörn nr 35
3. Moskító spray
4. Benedril ofnæmispenna, ef að ég fæ bit
5. Vatnsheldan maskara

Það sem að ég þarf að gera á morgun er:

1. Fara í Wal-Mart og kaupa þetta dót
2. Fara í vax
3. Plokkun
4. Pedicure
5. Pakka niður

Það sem að ég ætla að pakka niður er:

1. Sundföt
2. 2 nærbuxur
3. Pils
4. Stuttbuxur
5. Hlíraboli
6. Flippflopps
7. Mp3 spilari stútfullur af nýrri music
8. Sólgleraugu
9. Derhúfu - Svo að maður fái ekki sólsting (það er ekki gott)
10. Vísakortið

Fleiri nærbuxur og aðrar "lífsnauðsynjar" verða svo verslaðar með Vísa kortinu á Thanksgiving útsölunum þar syðra.

Markmið ferðar?

1. Verða brún
2. Liggja eins mikið og tíminn leyfir á ströndinni
3. Ekki brenna
4. Ekki fá sólsting
5. Versla eins og mother fucker (ætti svosem að ráða við það)
6. Hitta Mikka mús og félaga í Disney World
7. Reyna að fá leigjendur á gaurinn sem ég er að pimpa út - eða kannski bara halda honum sjálf, erfitt val - Peningar eða karlmaður.
8. Ekki hugsa heim
9. Skemmta mér vel
10. Njóta þess að vera með litlu börnunum sem að ég er alveg að fara að yfirgefa

Já eins og þið sjáið er ferðin bókuð alveg frá A-Ö

Ég er farin að sofa úr mér biturleikan, góðar stundir.

Klukk - enn og aftur!

Voðalegt klukkstuð er á Sæunni, en það var hún sem að klukkaði mig - aftur :)

1. Hvað er klukkan? 10.41
2. Hvaða nafn er á fæðingarvottorðinu þínu? Kristín Alma Sigmarsdóttir
3. Hvað ertu kölluð? Kristín, Dittín, Kristin, Stína :)
4. Hvað voru mörg kerti á síðustu afmæliskökunni þinni? Var ekki með köku..thíhí
5. Hár? Já og nóg af því
6. Göt? Í eyrunum
7. Fæðingarstaður? Reykjavík, Iceland
8. Hvar býrðu? Ja, það er stóra spurningin, Lögheimilið er í Horsens, DK.
9. Uppáhaldsmatur? Of mikið, Íslenskur matur núna í augnablikinu
10. Einhverntíman elskað einhvern svo mikið að það fékk þig til að gráta? Já, Núna
11. Gulrót eða Beikonbitar? Pottþétt gulrót
12. Uppáhalds vikudagur - Núna er það Þriðjudagar og Miðvikudagar, þá sef ég út :)
13. Uppáhalds veitingastaður - Ruby tuesday, Fridays og Kínastaðurinn hérna...
14. Uppáhalds blóm? Pottþétt fíflar
15. Uppáhalds drykkur? Vatn bara held ég
16. Disney eða Warner Brothers? Bæði
17. Uppáhalds skyndibitastaður? KFC, Taco bell og subway
18. Hvernig er teppið í svefnherberginu á litin? Drappað
19. Hver var síðastur til að senda þér E-mail? Ég var að fá e-mail frá pabba núna rétt í þessu
20. Í hvaða búð myndir þú vilja botna heimildina á kretitkortinu? Bara í mallunum hérna
21. Hvað gerir þú ef að þér leiðist? Læt mér leiðast meira eða finn mér eitthvað að gera
22. Hvaða spurning fer mest í taugarnar á þér? Og hvað ertu ekki komin með kærasta??
23. Hvenær ferð þú að sofa? Yfirleitt svona um 23.00 en þegar að ég er í fríi get ég alveg vakað lengur
24. Hver verður fyrstur til að svara þér þessu? Inga Rós
25. Hver af þeim sem þú biður um að svara þessu er líklegastur til að svara ekki? Linda
26. Uppáhalds sjónvarpsþáttur? Desperate housewifes, The OC, that 70´s show og Friends!
27. Með hverjum fórstu síðast út að borða? Hmm, Öldu og Dante ;)
28. Ford eða Chevy? ford
29. Hvað varstu lengi að svara þessu? Klukkan er núna 11.03 - Var að sinna Ingu Rós á MSN

Þá er það komið - ég ætla að klukka mömmu, Helgu, Karen Helgu og Ingu Rós