Eftirsótt..

Ég virðist aldeilis vera vinsæl þessa dagana. Svoleiðis velta inn gylliboðin að ég veit bara ekki hvernig ég á að haga mér. Byrjaði ósköp saklaust. En eftir að ég fékk þessi skilaboð á Facebook eitt kvöldið þá finnst mér þetta vera komið úr böndunum..

Shannon commented on your status:
"Hey there my name is Shannon.. i was looking over your profile and i think your really sexy.. i would love to chat ang get to know you better drop me an email and we can chat my email address is shannon05@asgnoova.com "

Ég íhugaði um stund hvort ég ætti ekki bara að byrja að spila með hinu liðinu. Var ekki lengi að átta mig og sjá hvert hlutskipti mitt væri í þessu lífi þegar ég sá þetta á vísi.is : http://visir.is/article/20090109/LIFID01/123093967/-1

...

Sjitt.
Ég var búin að ákveða að koma bara um páskana til Íslands. Hugsaði að það væri stutt í páskana, tæki skólann með einhverju í líkinu við tromp þangað til og fengi svo gott páskafrí. Var ákaflega góð hugmynd þangað til ég kíkti á dagatal..
Páskadagur er 13 apríl! Sem sagt í viku 16! Við erum sko í viku 2 núna, takk fyrir pent.

Greinilegt að það var ógeðslega góð ástæða fyrir aðskilnaðarkvíðanum mínum. Ó yndislega fjarsamband. Jæja, þýðir víst ekki að væla yfir þessu, maður valdi þetta sjálfur.

Próflestur gengur. Bara gengur. Það er betra en að hann gangi ekki neitt en kannski verra heldur en ef hann gengi vel. Ég sit á bókasafninu og er svona að hrökkva í gang. Ótrúlegt hvað ég er lengi að asnast í gang. Reyndar læri þá fram á nótt en mér er sama. Væri alveg til í að vera gaurinn sem sprettur upp úr bælinu við fyrsta hanagal og er mættur í skólann korteri seinna og er þar til 17.00.
Mig langar líka að vera þessi sem borðar alltaf hollan og góðan morgunmat, þessi sem getur ekki lifað án líkamsræktar, finnst súkkulaði ógeð og mætir í kirkju á sunnudögum. Og þessi sem á nóg af peningum.
Svona er lífið. Heyrði reyndar einhversstaðar að það tæki mann 21 dag að breyta svona venjum. Gera hlutinn í 21 dag og þá ætti maður að vera orðinn háður.. mesta sem ég get er ein vika...

Ég er hálf rotin heima hjá mér í náttbuxum og með hárband. Ofsa töff. Læri fyrir próf, eða þykist gera það en er líka ofsa dugleg við að finna mér annað að gera.

Það hefur líklega aldrei verið eins hreint hérna og er núna. Ekki rykörðu að sjá, ekkert leirtau í vaskinum og nánast tóm þvottakarfa. Hér er kveikt á kertum á hverju kvöldi, því ég held að það hjálpi mér við það að læra - nema núna eru kertin að verða búin og ég þarf einhvern til að fara í IKEA fyrir mig og kippa með eins og nokkrum pökkum.

Mynduð þið ekki líka segja að það væri alveg bráðnauðsynlegt að greiða sér svona í próflestri? Mér tókst í það minnsta að telja mér trú um að þetta væri lykillinn að velgengninni..

Annars gengur fínt. Eða sæmilega. Skammdegisþunglyndið alveg að fara með mig. Ég var búin að finna dálítið gott orð á þetta, en man ekki lengur hvað það var. Versta er að ég fíla þetta skammdegisþunglyndi alveg í ræmur. Sofa bara útí eitt og vera bara inni í hlýjunni.. Alveg ég.

Be careful what you wish for..

Ísskápurinn hérna hefur alltaf verið afspyrnu lélegur. Svo ég tala nú ekki um frystinn, sem er þannig að maður getur ekki einu sinni átt ís, hann lekur bara útum allt. Líklega betra að geyma ísinn í hitaskáp heldur en í frystinum mínum.
Daginn áður en ég fór til Íslands sló út rafmagninu og að sjálfsögðu afþýddist? ísskápurinn (þetta var um nótt og ég var ofsa glöð að stíga í poll þegar ég vaknaði..) og ég tók hann bara úr sambandi þegar ég var búin að þrífa hann og stakk honum svo í samband þegar ég kom út aftur á Nýársdag.
Vaknaði svo í gærmorgun til að fara í skólann, ætlaði að grípa með mér kók og jógúrt og þetta var það sem blasti við mér!




















Ég get sem sagt átt ís núna, og ekkert annað!

Ætla að bjarga ykkur frá jólakortaumræðunni. Eins og þið hafið tekið eftir þá tókst ekkert voða vel að fá það í gegn að senda fyndin, hipp og kúl jólakort í ár. Nema auðvitað þið séuð bæjarstjóri Grundarfjarðar eða einhleypi skrifstofustjórinn, þá urðuð þið líklega vör við kort með mynd af kirkjunni í Grundarfirði. Hipp og kúl, segi ég og skrifa!
Við þökkum samt kærlega fyrir öll yndislegu kortin sem við fengum frá ykkur. Þau fóru öll með tölu uppá vegg og hanga þar enn. Munu líklega vera þar þangað til jólakort 2009 fara að berast. Á næsta ári sný ég vörn í sókn og sendi ykkur falleg og fyndin kort.

Ég er komin til DK aftur, heil á húfi eftir ótrúlega góða dvöl á Íslandinu góða.
Aðskilnaðarkvíðinn var alveg hræðilegur í þetta skiptið. Var með kökkinn í hálsinum og tárin í augunum í viku. Persónulegt met. Er nú samt öll að koma til núna, nema þegar ég fattaði að ég hafði gleymt öllu íslenska namminu sem ég keypti í krónunni. Djís hvað ég varð pirruð. Ætlaði að eiga þetta í prófatörninni til að halda geðheilsunni. Núna er ég gráti nær og sakna Nóa konfektsins ógeðslega mikið. Verð víst bara að láta Haribo viðbjóðinn duga, bið bara fólk að forðast mig eins og heitan eldinn þangað til 15 janúar. Er stygg.

Bauð mér í föstudagspizzu til mömmu í gær. Það var samt reyndar bara útaf því að Gúmmípabbi flaug til Doha í Qatar í nótt og því óvíst hvort við sjáum hann aftur, þannig að það var famelíustund í gærkvöldi...
Við erum öll voða spennt og hlökkum mikið til að eyða sumrinu á sólarströnd í Doha (vonandi)!

Annars er bara próflestur að hefjast og allir á haus í skólanum. Voða gott að vita að maður er ekki einn að standa í prófum í janúar. Ég er samt ofsa dugleg við að finna mér eitthvað annað að gera heldur að en lesa en þetta er samt allt að koma hjá mér. Ég hef mestar áhyggjur að ég verði felld/lækkuð um einkunn fyrir dönskuna mína, enda tala ég ekki einhverja hæstaréttardönsku þó ég kunni að segja aðeins meira en for helvede og bolle.
Hlýtur að hafast á endanum.
Ætti kannski að fá peysuna sem JP fékk í jólagjöf lánaða. En á henni stendur einmitt "þetta reddast".

Það eru myndir frá Íslandi á Fésinu. Þið sem eruð skráð þangað getið skoðað, en aðrir ekki held ég.

Jólakortadrama

Jæja, kom svo í ljós að Jóni Pétri finnst hallærislegt með meiru að við förum að senda út jólakort saman. Þeir Ross eiga greinilega meira sameiginlegt en ég hélt, því ég er löngu komin með lykla af íbúð og bíl.
Ég stakk svo uppá að við myndum senda út kort með mynd af bílnum hans (Rottunni* sem hann keypti sér sem vinnubíl og er búin að eyða öllum sínum frítíma í að dúlla við síðan) svona sem málamiðlun. Honum fannst ég ekki fyndin.

Annars eru bara 4 dagar í heimferð. Fer ekki vestur fyrr en 20 des ca. því ég er að fara að hjálpa Þórdísi aðeins í Friis og co. Gaman að því.
Svo það ætti að vera tími til að hitta einhverja í Reykjavíkinni.

Jól

Gott að ég "kem frá" Grundarfirði. Samkvæmt þessu er nefninlega bara snjór í Ólafsvík. Örugglega sól og blíða í Grundó eins og vanalega.

Það er annars sól hjá mér. Í alvörunni sko. Eða var í dag að minnsta kosti. Núna er bara myrkur, enda klukkan að verða hálf þrjú. Ég bara datt í smá les og er núna að plotta smá með Villa Mágkallinum mínum á msn. Erum svo flippuð.

Búin að ákveða hvar jólin verða. Þau ætla að vera í Grundarfirði þetta árið, nánar tiltekið á Grundargötu 69. Verðum bara tvö heima (ég og Jón Pétur) í megakósí rólegheitum. Fólk er nú eitthvað að hafa áhyggjur af því að það verði einmannalegt hjá okkur og svona, en ég hef nú enga trú á því. Ég er nefninlega skemmtilegri en margir halda.
Hinsvegar held ég að við getum alveg ákveðið núna að við verðum með annari hvorri stórfjölskyldunni á næsta ári, þar sem ég hef fengið það stórkostlega hlutverk að sjá um jólamatin.
Er að pæla í að biðja einhverja í tengdafjölskyldunni að hafa ríflegt í jólamatinn því það mun verða mjög líklegt að við birtumst á tröppunum hjá þeim, sársvöng eftir að mér tekst að klúðra hamborgarahryggnum á einhvern skemmtilegan hátt, sem á ekki að vera hægt.
Við ætlum svo að koma í bæinn á jóladag og soga í okkur smá menningu. Eða menningu og ekki menningu, ætlum í hangikjöt og laufabrauð á S1 og örugglega slatta af jólaboðum.
Og passa Auði krúttrassgat á annan í jólum.

Áramótin eru óráðin. Ég á flug klukkan 8.00 á nýársmorgun svo það er spurning hvað við gerum.

Í sambandi við jólakort. Þá má senda það bara strax til Grundarfjarðar (ef þið ætlið að senda mér/honum/okkur jólakort yfir höfuð), þar sem ég fer til Íslands eftir viku og verð ekkert aftur í Danmörku fyrr en í janúar.

Jón Pétur Pétursson
Kristín Alma Sigmarsdóttir
Grundargata 69
350 Grundarfjörður

Það er ennþá óráðið hvort þið fáið jólakort frá mér/okkur. Ég er að reyna að fá Jón Pétur til að senda út kort með mynd af okkur með jólasveinahúfu. Gengur ekki vel. Skil þetta ekki :)

Eigið góða aðventu, elskin mín!

Ekki fyrir löngu, á mælikvarða jólanna, kom uppá svolítið vandamál.

Jólasveinarnir voru flestir komnir til byggða að sinna sínum uppáhalds erindum. Í helli sveinanna voru hins vegar veikindi og kertasníkir sem síðastur kemur á aðfangadag gekk illa að fá aðstoð við að undirbúa sig til ferðar.

Það styttist í að sveinki þurfti að drífa sig af stað, hann var orðinn frekar stressaður. Grýla kom í heimsókn sem hafði ekki önnur áhrif en að stressa sveinka enn meira upp. Hinir bræðurnir höfðu tekið vélsleðana semvoru í lagi og sá síðasti var bilaður. Hreindýrin voru uppi við Kárahnjúka og hreindýrasleðinn hafði ekki fengið neitt viðhald í 17 ár.

Með nokkurfarlama hreindýr, fyrir sleðanum, sem ekki nenntu í burt fór sveinki aðhlaða á sleðann sem brast undan þunganum og allt fór út um allt. Kertasníkir æddi inn til að fá sér hálfkaffi (viskí og kaffi).

Hann komst að því að einhver hafði drukkið viskíið og ekkert annað var til. Kaffibollinn fór í gólfið og brotnaði þannig að brotin fóru um allt gólf. Þegar hann ætlaði að sópa sá hann að mýsnar höfðu nagað hárin af kústinum. Þá er bankað á hellisdyrnar, í brjáluðu skapi strunsar sveinki til dyra. Fyrir utan stendur engill með jólatré. "Hvar vilt þú að ég setji tréð?" spyr engillinn.....

Og þannig kom það til, vinir mínir, að engillinn situr á toppi jólatrésins

Gott þið höfðuð ekki miklar áhyggjur af fatavandræðum mínum á föstudaginn. Ég endaði á að fara sæmileg til fara og reddaði rauðadæminu með því að fara með rauða tösku með mér. Seinna um kvöldið var ég svo komin með rautt pakkaskraut á ennið, borða um hendina og einhverja ægilega aðventuskreytingu í hárið. Vann svo fagurgræna prjónavettlinga í pakkaleiknum og arkaði stolt með þetta allt í bæinn og var þar fram til klukkan 5 um morguninn.

Sérdeilis skemmtilegur jólafrokost þar sem ég kom öllum á óvart (mér sjálfri þó mest) og drakk bekkjarbræður mína alla með tölu undir borðið. Ákavíti rúlar. Er mikið stolt af þessu og hef sagt hverjum sem vilja og vilja ekki heyra frá þessum miklu gleðitíðindum.

Þetta var minn fyrsti julefrokost frá því ég flutti hingað og þótti mér ákaflega skemmtilegt að aðaldæmið þarna var lifrakæfa á rúgbrauð! Danir éta þetta daglega, skildi ekki alveg af hverju þeir hafa þetta með í julefrokostinum, en komst að því þegar þetta var borið fram. Lifrakæfunni hafði verið hvolft úr álbakkanum á eldfast fat, sett bacon ofaná, sveppir á kanntinn og inní ofn.
Talandi um að lifa á brúninni!


Endaði aftur í bænum á laugrdaginn og var það öllu sveittara djamm þar sem ég endaði með typpateygjuna hennar Ágústu á hausnum og tók Tjernobyl barnet intenst á dansgólfinu á Hekken.
Skemmtilegt það.

Það fer svo nokkuð fáum orðum um sunnudaginn. Ég svaf. Enda gömul kerling.


Jæja, communication að byrja. Ekki nema 4 tímar af Helle Svendsen. Epli augna minna :)

Samúð óskast

Ohh!

Er að fara í Julefrokost og á ekkert til að fara í. Er glær eftir veikindi síðustu vikna, raninn fullur af hori og ég augljóslega með mikla og króníska ljótu.

Til að toppa allt þá er god damn rautt þema í kvöld. Þegar og ef ég finn eitthvað rautt til að fara í á ég eftir að líta út eins og jólastafur.

Velbekom.

P.S. Ætla að fara á eftir og kaupa mér rugl dýra skó og einhvern sérlega rándýr föt við. Þið fáið engar jólagjafir.

Harmsögur

Ég er búin að vera tussuleg í maaaarga daga. Komið á aðra viku núna, mikið gaman. Búin að reyna allt. Afneita þessu og mæta í skólann. Búin að reyna að taka verkjatöflu og sofa þetta úr mér. Búin að liggja uppí rúmi heila helgi og hvílast vel og búin að reyna að hlaupa þetta úr mér í ræktinni. Amma hefur glumið í hausnum á mér allan tíman sem ég er búin að vera svona, því ég man alltaf eftir því þegar ég var lítil og lasin þá hringdi amma í mann spes til þess að segja að maður eigi að vera í sokkum og ekki láta sér verða kalt, sérstaklega ekki á tásunum. Vera með trefil og slappa af.
Endaði með því þegar ég var næstum því búin að hósta upp lifrinni í þriðja sinn þann klukkutímann að ég hringdi í lækninn. Hún vildi, mér að óvörum endilega fá mig í heimsókn og hlusta mig. Lungun á mér möluðu eins og kettlingur þannig að ég hélt að ég yrði bara send heim með panodil og sagt að sofa. Neinei, ég send í flýti uppá spítala í allskyns rannsóknir og pot.
Byrjaði á því að stripplast um allt þarna á nærbuxunum einum fata til þess að fara í röntken. Er mjög viss um að konan hafi verið lesbísk og að nota sér aðstöðu sína, því ég var að fara í röntken til að finna út hvort að það væri eitthvað að lungunum í mér. Síðast þegar ég vissi þá voru þau staðsett í brjóstkassanum, en ekki rasskinnunum.
Jæja, ég lifði þetta af, enda mjög svo ekki spéhrædd og fannst þetta því lítið mál að vippa mér úr öllu til þess að græja þetta. Fór bara að pæla í þessu eftir á að þetta gæti nú varla átt að vera svona.
Næst var ég send í blóðprufu. ég var búin að reikna út að það tæki svona 10 mínútur tops, og ég myndi ná strætó uppí skóla korteri seinna. Bjartsýni, myndi ég kalla þetta.
Fyrst þurfti maður að taka númer! Bara eins og á pósthúsinu. Jæja, ég tek númer og það eru 10 á undan mér. Það líður nú ekki svo langur tími, þá er ég kölluð upp og beðin um að setjast á stól. Bretti upp peysuna og kellingin strekkir ól utan um hendina til þess að fá æðina fram. Það gekk ekki. Þá prufaði hún að strekkja betur. Það gekk ekki. Þá prufaði hún að stinga og hún hefði fengið meira blóð með því að stinga nál í stein. Jæja, hún gefst ekki upp og reyndi að fá æðina fram á hinum handleggnum. Það gekk ekki svo ólin var strekkt betur. Gekk ekki neitt svo hún náði í aðra ól til að strekkja utanum hendina á mér. Þegar þarna er komið við sögu þá leið mér eins og hendin á mér væri að springa. Loksins stakk konugreyið og það gekk ekki neitt að stinga. Hún stakk og stakk þangað til að ég var orðin eins og gatasigti þarna og ekkert gekk. LOKSINS náði hún að stinga á helvítis æðina og þá var partý! Glasið fylltist á núll einni og hún tók nálina út. Þá sprautaðist blóð yfir allt þarna og konu greyið réði ekki neitt við neitt og þær voru komnar 3 þarna til að reyna að stoppa þessi ósköp. Meðan var ég í hláturskasti og gat ekki hjálpað.
Núna er ég enn marin á hendinni. Ég hef aldrei fengið annað eins mar! Ég er eins og gæjarnir þarna í blueman show, marið er svo stórt.

En ég fékk pensilín og er held ég aðeins byrjuð að skríða saman. Tími kominn til, er ekki að nenna þessum slappleika lengur.

Ég kem heim til Íslands 11 desember. Langar mikið á Frostrósatónleika. Hver vill með? (Langar nú mest í höllina, en kyngi kannski stoltinu og fer í Ólafsvík bara..)

Blogg

Hef ákeðið að láta aðeins vita af mér. Ég er í lagi fyrir utan það að maður er ekki eins og maður á að sér að vera þessa dagana. Kenni skammdegi og kreppu um það, þó að ég sé ekki í slæmum málum þá eru margir aðrir sem ég þekki og þykir vænt um í slæmum málum og það er ekkert sem maður getur gert til að hjálpa.

Ég er alltaf bara í skólanum og gengur ágætlega þar. Fyrir utan klikkaðan skólaleiða, en ég hlýt að koma mér uppúr því hvað á hverju, enda þvílíka verkefnafjallið að hellast á okkur á næstu vikum þannig að það er eins gott að takast á við það af fullum krafti.

Þetta blogg er eitthvað að dala. Íhuga að taka pásu.

Tvær myndir í lokin, Arnór Alex og Auður í Bumbó stólunum sem við Jón Pétur gáfum þeim í skírnargjöf. Svo sæt.

Myndirnar eru frá foreldrum þeirra :)

Jón Pétur farinn í lestina og ég mætt í skólann. Eins gott að ég sé að fara til Íslands á fimmtudaginn, því annars væri ég heima hjá mér grenjandi. Þessi helgi leið alltof hratt. Hlakka til að komast í Grundó og chilla.

Ætlaði að henda inn myndum frá helginni en þegar ég skellti myndunum inná tölvuna voru bara 3 myndir af okkur mömmu þar. Svaka fyndnar :)

Hóst og hnerr

Ég er komin með man flu. Á svo bágt að mig langar að grenja af sjálfsvorkun. Er samt bara með einhverja hálsbólgu, kvef og hausverk. En þegar ég verð veik/slöpp geri ég það eins og karlmaður og þrái ekkert heitar en að láta vorkenna mér. Þakkiði bara fyrir að ég sé ekki með hita!

Jón Pétur kemur á morgun. Verður líklega bara kominn um það leyti sem ég kem heim úr skólanum. Hlakka mikið til. Hann er líka með kvef og hósta svo við verðum fín hérna saman. Það er samt búið að plana þessa daga sem hann verður alveg í drasl. Bara fínt. Matarboð og partý frá fimmtudegi til sunnudags. Ekki slæmt.
Stjáninn okkar er líka að koma og ég hlakka nú ekkert minna til þess. Langt síðan maður hefur séð hann.

Ætla að elda eitthvað með miklum hvítlauk í kvöld. Veit bara ekki hvað, komið með hugmyndir..

Kósíheit par exelans

Fór í megahega stelpuhugg hjá Svanhildi í Vejle á föstudaginn. Hún bauð mér í ótrúlega góðan kjúklingarétt og hvítvín. Svo fengum við okkur súkkulaði og hvítvín. Svo hvítvín. Svo brjóstsykur og hvítvín. Svo hvítvín. Ótrúlega gott. Enduðum svo kvöldið á að henda DVD í tækið og fá okkur popp og kók fyrir svefninn. Vöknuðum svo í þynnkunni og fengum okkur að borða. Nammm.
Skildum reyndar ekkert í því að það voru þrjár tómar hvítvínsflöskur á borðinu þegar við vöknuðum. Það er okkur enn hulin ráðgáta...
Takk fyrir mig snúlla, þetta var æði :)

Gærkvöldið fór í dorm fyrir framan sjónvarpið. Danir ættu að skammast sín fyrir að hafa svona lélegt sjónvarpsefni á boðstólnum um miðja helgi!
Þannig ég hékk yfir facebook þangað til ég gat ekki meira. Slökkti ljósið og fór að sofa.

Í dag hef ég gert mest lítið. Dröslaði mér reyndar í sturtu, búðina, í pulsuvagninn og svo er ég núna loksins komin í skólann. Þarf að skila einhverju verkefni á miðvikudaginn. Held það sé best að klára það af sem fyrst vegna einbeitingaskorts sem mun hrjá mig frá og með morgundeginum til og með 20 október.
Á erfitt með að koma orðum að þessu verkefni. Er um samskipta strategíur í fyrirtækjum á alþjóðamarkaði.. Plehh, er líka orðin svo gleymd í tungunni að ég veit ekkert hvort þetta sé rétt þýtt hjá mér, hljómar gáfulega í það minnsta.

Hvað varð um það að mæður hefðu læri eða hrygg í matinn á sunnudögum og byðu afkvæmum sínum í mat? Móðir mín situr heima að strjúka piparsveininum (skrifa Batchelor ritgerð) og ég svelti á meðan. Hnuss.

7 dagar

Ætli það sé ekki kominn tími til að kasta á ykkur kveðju þarna heima!?

Það hefur nú samt asnalega lítið á daga mína drifið, hef eytt megninu af tíma mínum í skólanum og hefur tíminn því gjörsamlega flogið áfram. Það er að koma haustfrí eftir 2 vikur, man ekki til þess að þessi tími frá skólastarti og fram að haustfríi hafi nokkurntímann liðið svona hratt, og er þetta þó fimmta haustfríið mitt í DK.

Jón Pétur er að koma til mín (og Eyjólfs, sem heldur ekki vatni yfir komu JP) 1 okt og ætlar að vera í nokkra daga. Hlakka mikið til og vona að það verði rólegra í þessum blessaða skóla eftir daginn í dag svo ég geti séð hann eitthvað.
Síðan kem ég ásamt fríðu föruneyti til Íslands seint að kvöldi 9 október. Við erum nefninlega að fara á reonion og svo er skírn hjá Auði 12 október. Ég ætla svo að fara til Grundarfjarðar og liggja í dvala þar þangað til 20 okt þegar ég fer út aftur. Hlakka ofsa til.

Við Íris byrjuðum að "æfa" sund í síðustu viku. Þetta er eitthvað voksenhold, sem er einu sinni í viku. Ótrúlegt fjör og enginn sem vill synda í hringi þar! Mjög gott að komast svona út að hreyfa sig af og til. Í gær vorum við með froskalappir (svömmefödder, maður er alltaf að læra ný og ný orð) og þutum alveg áfram með vindinn í hárinu í hálftíma.

Ekki mikið að frétta annars, bara same old. Langar mikið að dettaíða um helgina, svona ef það er einhver sem vill joina. Er að pæla í að gera það hvort sem ég þarf að vera ein eða ekki..

Hressandi!

Föstudagar eru svo brenglaðir dagar í skólanum. Í það minnsta ef maður miðar við núverandi stundarskrá. Fyrstu tveir tímarnir eru lögfræði, eða Erhversret, er ekki viss hvernig þið viljið þýða það. Ég er búin að vera að að glósa allt sem kennarinn sagði og skrifaði niður. Gafst upp á því þegar að ein setningin var eingöngu með orðum sem ég skildi ekki.
Ég sit því hér og svitna núna. Hvort það er af áhyggjum af því að ég skilji þetta ekki eða útaf því að ég var að drekka hálfan líter af heitu kaffi og er í tveim peysum með trefil, veit ég ekki.
Kannski ég fái mér vatn.

Næstu tvo tímana er Erhversökonomi, veit heldur ekki hvernig þið viljið þýða það en það er ekki alveg uppáhaldsfagið mitt. Akkúrat af því það eru tölur involved.

3 verkefnaskil í næstu viku. Einnig mjög hressandi. Þýðir að ég þarf að lesa um 300 og eitthvað blaðsíður um helgina. Ásamt því að lesa fyrir önnur fög og eyða sunnudeginum í að grilla SS pylsur ofaní nýbúana hérna í Horsens.

Mér þykir ákaflega leiðinlegt að ég hafi ekki neitt annað að blogga um en skólann. En svona er þetta.
Gæti reyndar aldeilis sagt ykkur að ég er að koma til Íslands eftir minna en mánuð. Hlakka mikið til. Reunion hjá Byggingarfræðingunum. Ég og mamma sem sagt að fara saman með mönnunum okkar. Voða krúttlegt :)
Síða bara Grundó. Ætli ég reyni samt ekki að kíkja í bæinn líka.

Pleeh, nóg kómið af hangsi, sérstaklega pointless hangs því ég er bara e-ð að röfla. Setti inn fullt af myndum á Fésbókina. Veit ekki hvernig þetta virkar, held þið verðið að vera á Facebook til þess að geta séð. Svosem ekki mikið að sjá, það eru 4 manneskjur á þessum myndum. Ég, Jón Pétur, Sölkus og Kötlus. Áhugavert.

----

Update klukkan 13.05

Arna segir að þetta heiti Viðskiptalögfræði og Viðskiptahagfræði. Yndislegt.

P.S. Victoria í bekknum mínum sagði við mig áðan "Ej, Kristin! Du ser da rigtig død ud"!!! Fokkíng kaupmannahafnari. Spurning um að henda á sig andlitinu áður en maður mætir í skólann. Er fólk hætt að kunna meta au natural útlit..?

Tilli

Þessi gaur skemmti okkur á ströndinn heilann dag í Barcelona. Hann lá þarna rétt hjá okkur tótallý á sprellanum í sólbaði. Svo þegar hann fór í sjóinn eða stóð upp klæddi hann sig í þessar líka fínu borubrækur.
Njótið vel.

Klukk

Af því ég á mér voða lítið líf, þá ætla ég að hlýða Ingu Ósk sem klukkaði mig á blogginu sínu.

Fjörgur störf sem ég hef unnið á um ævina:

1. Dvalarheimilið Fellaskjól
2. Baby Sam
3. Samskip
4. Kirkjuból

Fjórar myndir sem ég held upp á:

1. Birdget Jones
2. The Royal Tenenboums
3. Sex and the city
4. Fuglastríðið í Lumbruskógi

Fjórir staðir sem ég hef búið á:

1. Seltjarnarnes
2. Raufarhöfn
3. Garðabær
4. Horsens

Fjórir sjónvarpsþættir sem mig líkar:

1. Greys Anatomy
2. Desperate housewives
3. Friends
4. Klovn

Fjórir staðir sem ég hef heimsótt í fríum:

1. Santa Pola
2. Frankfurt
3. Barcelona
4. Baltimore

Fjórar síður sem ég skoða daglega fyrir utan bloggsíður:

1. www.hotmail.com
2. www.mbl.is
3. www.ifhorsens.dk
4. www.fronter.dk/vitusbering

Fernt matakyns sem ég held upp á:

1. Súkkulaði
2. Popp
3. Mömmu Soffíu Lasagne
4. Mömmu Þóru Pasta

Fjórar bækur/blöð sem ég les oft:

1. Urban
2. Metro express
3. Vikublaðið Þeyr
4. Kig ind

Fjórir staðir sem ég vildi helst vera á núna:

1. Grundarfjörður
2. Laugarvegur 38
3. Krít
4. Tailand

Fjórir bloggarar sem ég klukka:

1. Mamma
2. Inga Lóa
3. Ingibjörg Elín
4. Hjalli

Þar hafiði það.
Ég hef það annars sæmilegt bara. Skólinn að byrja á fullu á morgun og ég að rembast eins og rjúpan við staurinn að gera eitthvað CV á dönsku, gengur mjög hægt, svona ykkur að segja. Veit heldur ekki alveg hvar ég ætla að sækja um vinnu, en það hlýtur að reddast.
Við Íris erum að fara að æfa sund. Fyrsta æfing á þriðjudaginn og mikil tilhlökkun í gangi. Verður örugglega bara mjög fínt, þó að ég komist kannski aldrei á héraðsmót eins og sumir sem ég þekki :)

Menntun er fjárfesting í framtíðinni

Já, ég hélt alltaf að það væri verið að meina að það væri gott að mennta sig svo maður gæti fengið sæmilega vinnu þegar útá vinnumarkaðinn kæmi og blabla.

Nú hef ég komist að því hvað er í raun og veru átt við með þessu. Ég er að fara að kaupa 9 bækur sem eru allar svipaðar á þykkt og símaskráin. Er búin að reikna út hvað þetta kostar og það er ekki nema yfir 3.500 DKK!! Samkvæmt genginu þessa stundina eru þetta rétt tæpar 60.000 ISK. Þetta er fyrir utan stílabækur og möppur, sem er slatti af líka. Þetta er bara ein önn.
Hressandi!

Tók lestrarpróf í gær á dönsku í einhverjum studieteknik kúrs og les að meðaltali 19 línur á tveim mínútum. Ég ætla sem sagt ekki að gera neitt annað í vetur en að lesa. Getið ímyndað ykkur hvað ég er sló að lesa á dönsku "fræðimáli" því þessar 18 línur þarna miðast við einhverja auðvelda grein í einhverju blaði...

Þess ber að geta að ég les mjög hratt á Íslensku - er ekki algjör slúbert.

Þessi fylgir með í lokin. Uppáhöldsin mín á Grundfirskudögunum. RAUÐIR!

Háskóli

Væl.
Kemst varla fyrir heima hjá mér vegna þess að ég á svo mikið af fötum. Samt er ég næstum farin að gráta því ég á ekkert til að fara í á morgun, fyrsta daginn minn í háskóla!
Sem sagt, frá og með morgundegiunum verð ég nemandi í markaðshagfræði. Aldrei datt mér í hug að ég ætti eftir að fara í eitthvað nám sem innihéldi hagfræði í titlinum. Enda er það nú meira "markaðs" sem heillar mig.

Fór í sund í dag, sem er eiginlega mjög frásögurfærandi því ég fer aldrei í sund hérna. Hef farið þrisvar. Það var allt á einni viku núna í febrúar. En þetta er sem sagt í fyrsta skipti sem ég mátti vera að því að synda og komst ég að því að ég kann ekki að synda á dönsku. Stelpa sem stoppaði mig sagði að ég ætti að synda í hringi en ekki fram og til baka. Ég var ein á brautinni og sá ekki að þetta skipti nokkru máli, en það var greinilega stelpunni sem var tveim brautum frá mér hjartans mál að ég synti í hringi. Gafst því upp á að díla við tófuna og fór í pottinn eftir 500 metra.

Jæja, það er víst ekkert meira til að segja frá. Best að fara í háttinn svo ég verði ekki með bauga niður á tær í skólanum á morgun :)

Svo er enginn laukur þar..

Ætlaði að henda inn nokkrum myndum frá sumrinu, en þær eru svo margar að það þyrfti þrjár færslur í það.
Ætla frekar bara að reyna að útbúa einhverja myndasíðu sem ég get þá bara linkað á. Hef reyndar ætlað mér það lengi, en ég er bara svo hrottalega tæknifötluð að það situr alltaf á hakanum því mér finnst þetta allt vera svo ó-iddíoddprúf. Sjáum hvað setur.

Ég kom heim frá Barcelona á föstudagskvöld, eftir ótrúlega skemmtilega ferð með Pabba, Móður minni í föðurætt, flestum systkinum mínum þeim megin og Ömmu Ölmu (eða ÖlmuÖlmu eins og Salkan segir). Átti ótrúlega góðan tíma með þeim. Takk fyrir mig!
Stoppaði voða stutt í Reykjavík. Rétt náði að kíkja á nýju frændsystkinin mín. Auði og litla Pjakk Óskarsson. Yndisleg. Jón Pétur brunaði líka í bæinn til að kveðja mig og skutla mér á flugvöllinn, en við náðum samt að horfa á Bjarka hlaupa 42 km í maraþoninu, kíkja í sund og snuddast í einhverju allskonar.
Sólarhring eftir að ég lenti í Keflavík var ég mætt þangað aftur á leiðinni til DK. Súrt, en Anna og Örn voru samt að fara út líka ásamt fleiri Horsens búum svo maður var ekki alveg einn í heiminum.

Síðan ég lenti í Horsens hef ég nú bara alveg verið að andast úr þreytu, bara eins og ég hafi ekki sofið í allt sumar. Sem er reyndar alls ekki raunin, því ég sef svo vel og mikið í Grundó að það hálfa væri hellingur.

Þetta var annars mega gott sumar. Þrátt fyrir að það hafi byrjað mjög seint. Efast heldur ekki um að gamlingjarnir mínir séu farnir að sakna mín, svo ég tali nú ekki um vinnufélagana á Dvaló.
Jæja, held ég láti þetta gott heita, verð að fara að koma mér í bælið hvað á hverju, enda síðasti dagur fyrir skólann á morgun. Ætla að eyða honum í eitthvað gáfulegt.

From Paris ti Berlin

Já eða from Grundarfjörður til Barcelona. Ætlaði að fara að henda inn bloggi og myndum frá Grundó og Þjóðhátið en lenti þá í að vera boðið í afmælið hennar Þóru í Barcelona, svo nú sit ég hér með með sand í rassgatinu og rita þessi orð.

Eyjar

Jæja. Þá erum við að fara að leggja í'ann frá Grundarfirði. Ekki nema 4 tímum á eftir áætlun.
Búin að pakka listinn er svona:

• Áfengi
• Sundföt
• Áfengi
• Regnföt
• Áfengi
• Hlý föt
• Miðar í dalinn
• Miðar í Herjólf (one way!!)
• Sólgleraugu
• Bjór
• Sólarvörn
• Gúmmískór

x2!!

Skemmtið ykkur vel um helgina :)

Smáauglýsing

Vantar tvo miða heim frá Eyjum á mánudagsmorgun, helst með Herjólfi.
Ef þið vitið um eitthvað þá megið þið hafa samband í síma 848-5313 eða kristinalma@hotmail.com

Blogga síðar, er að fara út að mjólka.

To me your wonderful..

Ætlaði bara að láta vita að ég er á lífi, svona fyrst ég var send heim úr vinnunni því ég var að rigna niður (var útidagur hjá mér í dag) og næstum fokin uppí Kirkjufell.
Hef það samt fínt í sveitinni.
Skeini og baða krumpaða og aðeins stærri rassa en ég hef áður gert, reyti arfa bæði í vinnunni og í frítímanum, mæti á fótboltaleiki í Ólafsvík og vanda mig voða mikið við að vera í sambúð.

Ég vinn oftast frá 8-16. Kem þá heim, legg mig, fer í sturtu og sit svo við eldhúsborðið hjá Frú Hjördísi (mömmu JP) og safna spiki meðan viðhengið sparkar í tuðru. Frú Hjördís hatar ekki þetta fyrirkomulag, ég reyndar ekki heldur en er þó farin að hafa áhyggjur af því að ég verði að kaupa mér tvö flugsæti þegar ég fer út aftur.

Meira seinna. Ætlaði að henda inn myndum með þessari færslu en fattaði svo að ég er búin að vera eitthvað löt við að taka myndir. Þá ætlaði ég að henda inn myndum sem Jón Pétur er búinn að taka en hann er með myndavélina sína í vinnunni, svo læt þetta bara duga.

Eftir tólf tíma verð ég að hella í mig hvítvíni á Kastrup!
Jemundur minn hvað ég hlakka til.
Mér fannst einhvernvegin eins og ég væri búin að vera geðveikt dugleg að pakka í vikunni. Veit ekki alveg á hvaða töfrasveppi ég hef verið að éta í vikunni því það er nákvæmlega komið einar gallabuxur og ein afmælisgjöf ofaní tösku. Reyndar búin að finna hellings af fötum til, en samt.

Er búin að vera ógeðslega áfengisþyrst þessa viku. Kannski því ég hef ekki fengið áfengi í blóðið síðan ég var í köben (ekki það, að þá drakk ég alveg fyrir næstu árin, ef ekki meira).
Fór í gær og lét eftir þessari gífurlegu þörf í áfengi, þegar ég var komin á það stig að ég var við það að fara að blanda mér gin og tonic hérna heima þá ákvað ég að drösla mömmu og Írisi með mér út. Við Íris fengum okkur mojito og ég var ekki lengi að hætta við að fá mér annan því ég fann svo á mér eftir þennan eina! Kettlingur.

Jæja ætti væri ekki best að koma sér í að henda fleiru niðrí töskuna og drölla sér svo í klippingu. Svo ég hætti að vera með inilokunarkennd útaf öllu þessu hári mínu!!

Smart

Fór í litun og plokkun áðan. E-ð sem ég geri alveg tvisvar á ári.

Well, var kannski búin að vera óþarflega löt við að halda augabrúnunum við síðustu tvo mánuðina eða svo þannig að ég var orðin eins og Bert í sesame street á góðum degi.

Í maí og byrjun júní var mikil sól og ég hef greinilega tekið einhvern lit, því þegar ég labbaði út af snyrtistofunni þá var ég með þessa myndarlegu hvítu línu fyrir neðan augabrúnirnar.

Nú eru góð ráð dýr, Íslandið eftir 2 daga og ekki er sólbaðsveður í Danaveldi núna! Það væri nær að standa léttklædd úti á svölum og fá þá jafnvel jafnan bláan lit..

Dönnuð

Mér gengur alltaf betur og betur að vera dama. Ég vil meina að það sé alfarið vegna himinhás aldurs (átti 21 árs getnaðarafmæli 14. júní). Ég er farin að ganga um í kjólum og er fylgihlutajunkie. Skór eru líka eitthvað sem ég held að lífið yrði leiðinlegt án, enda segja þeir þér ekki hvort þú hafir bætt á þig með því að skerast inní bumbuna eða búa til auka rasskinnar eins og föt eiga til að gera. Passar alltaf í skóna, sama hvað.
Ég er líka voða dugleg við að mála mig, plokka, vaxa, setja á mig krem, maska, skrúbba húðina með þar til gerðum hönskum og þar fram eftir götunum. Voðalega mikil stelpa.
Það vantar bara svo mikið uppá stelpuna í mér, því ég er svoo mikil brussa og ódömuleg í hreyfingum og líkamsburði, ef maður getur sagt það svo. Það virðist bara ekki lærast að standa, sitja og ganga eins og stelpa.
Hér er ég til dæmis á sunnudagsmorgni heima hjá mér í Grundarfirði að lesa bók. Klukkan var milli 10 og 11 og ég búin að fara í sturtu, blása hárið, klæða mig í pils, mála mig og guð má vita hvað. En það er greinilega ekki nóg.
Mér finnst þetta amk ekkert mjög dömuleg stelling sem ég er í þarna. Þakka guði fyrir að ég hata nælonsokkabuxur (sem eru þunnar og þá hefðuð þið eflaust séð hvað ég át í morgunmat þann daginn) og vil bara vera í þykkum leggings. Skil núna að það er engin sérviska, það er einfaldlega til að aðrir þurfi ekki að horfa uppí óæðri endann á mér.

Ég mæli EKKI með að þið stækkið myndina!

5 dagar..

Goood, ég er við það að fá heilablóðfall af spenningi.

Fór til Vejle í gærmorgun. Fór með Svanhildi í brunch og búðarráp. Ekki leiðinlegt það. Keyptum líka lestarmiða fyrir föstudaginn. Ofsalega skipulagðar! Ræddum líka mikið hvað sé best að pakka mörgum pörum af skóm fyrir þetta ferðalag, hvaða föt þarf að taka með og hvaða ferðatösku sé best að pakka í.

Þetta eru 6 vikur. Og sko 6 vikur af vinnu, chilli, sveit, útilegum, djammi, kaffihúsaferðum, brúðkaupi, matarboðum, fótboltaleikjum, afmælum, ættarmótum og öðru skemmtilegu.

Sem sagt, maður þarf að pakka fyrir þetta allt. Það er nú bara hægara sagt en gert. Ég er allavega með Samsonite-ið tómt hérna fyrir framan mig og held það eigi eftir að vera þannig þangað til á föstudaginn þegar ég átta mig á að það er korter í flug og einhverju verður hennt ofaní tösku og svo farið að grenja loksins þegar ég kem heim til mín og uppgötva að ég hef gleymt kjólnum fyrir brúðkaupið eða afmælisgjöfinni hans Jóns Péturs.

Svo er víst búið að vera SPÁNARVEÐUR í Grundarfirði uppá síðkastið, alveg geggjað víst!
Þannig að ég er save með að á föstudaginn komi rigning og verði þannig út sumarið. Best að ég komi við í 66° á flugvellinum og splæsi í regngalla og ullarnærföt.

Jæja ætli það sé ekki ráð að byrja á því að henda í þvottavél og vaska upp áður en ég fer að hafa meiri áhyggjur af þessu.

Annars má ég til með að segja ykkur hvað ég á krúttaðan litla bróður.
Hann birtist hérna áðan með eldrauða hvítlaukspressu í hendinni og færði stóru systur.
Ég var nefninlega að tala um það heima hjá mömmu á föstudaginn þegar ég var að búa til hvítlauksolíu hvað það væri mikill munur að eiga hvítlaukspressu, því ég saxa alltaf hvítlaukin sjálf hérna. (Amma Stína gaf okkur samt sjúkt flotta Eva Solo hvítlaukspressu, en hún er í Grundarfirði og örugglega í stöðugri notkun eins og Kitchen Aid hrærivélin mín sem er líka þar)

Þannig að litli bróðir fór í Fakta og keypti hvítlaukspressu fyrir mig fyrir sína peninga.
Bara sætur.

VIKA

Dí maður! Bara vika (eiginlega 6 dagar, því þetta er ritað kl 04.30 aðfaranótt laugardags) og ég hlakka svo til. Bara veit ekki hvernig ég á að vera.
Held það verði ogguponsu spennufall sem ég fæ þegar ég kem heim, því ég er bara búin að hlakka til að komast heim í 2 mánuði.

Að öðru. Amma Stína varð 60 ára á miðvikudaginn. Til hamingju með það! Hún ber enn titilinn "töffaðasta og tæknivæddasta amman" og held hann verði ekki tekinn af henni í bráð. Amk ekki meðan hún heldur áfram að vera fljótari en ég að skrifa sms, tala við barnabörnin á msn og horfa á stóra flatskjáinn sinn. Ásamt því að vera alveg tæknióð og selskapsdýr þá er hún nú samt fyrst og fremst amma sem gerir pönnsur, heitt kakó og finnst maður alltaf jafn horaður þegar maður kemur í heimsókn og treður í mann mat :) Lovit!

Tómas Orri litli frændi minn átti líka afmæli á miðvikudaginn. Til hamingju með það litli minn! Reyndar að verða táningur barnið! Finnst það frekar hræðilegt því ég hlýt þá að vera orðin 12 árum eldri en ég var þegar hann fæddist.

Jónsmessufrænkan litla dafnar vel. Algjört undrabarn að sögn föðurs. Komnar nokkrar myndir og hún er bara alveg yndisleg. Með bústna putta og hárlubba. Algjör mús samt, enda ekki nema 4 merkur. En hún er bara duglegust og við verðum öll hlaupandi á eftir henni útum allt næsta sumar :)

Hmm, jæja virðist vera búin að svæfa JP með skrifum mínum á msn. Svo ætli það sé ekki ágætt að ég komi mér þá sjálf í bælið.

Elskið friðinn.

Linda dónakona

Þetta beið mín þegar ég opnaði myspace-ið mitt í vikunni.

Stína ætlar að flýja út í sveit
að elta feita gamla geit
þá er ég ekki að tala um kæró
sem eyðir frítímanum i berjamóóó.
Á grundarfirði er sól og blíða
en þú verður bara heima að *bííííb*
svo ekkert tan þú færð vinan
en það þýðir ekkert að hafa kallinn linan!;)

Nú er linda komin í ruglið
en eg hlakka til að draga þig í sullið
komdu á klakann Stína mín
hér bíður stórt knúús tiil þíín!


Ældi næstum úr hlátri þegar ég sá þetta. Með þessu fallega ljóði fylgdi svo kveðja um að Lindu langaði mikið til að hitta mig á kaffihúsi helgina sem ég kem til Íslands.

En svo kemur uppúr dúrnum að hún getur það ekki. Af hverju? Júbb, verður hjá kærastanum sínum í Vestmannaeyjum!

Skaust þig í fótinn þarna vinkona :)


Fyrir nokkru fékk ég líka þessa mynd á myspace-ið mitt, einmitt frá Lindu.
Reyndar fékk ég þessa mynd þegar ég sagði henni að ég yrði í Grundarfirði í sumar. Linda er nefninlega ein af þeim sem veit að það er stórborgarbarn sem býr í mér. Getum orðað það þannig að lagið um Stínu sem var lítil stúlka í sveit er ekki samið um mig.


Linda sér sem sagt fyrir sér að ég verði svona í sumar. Í skærbleikum glansgalla og að Jón Pétur verði í stíl í bláum.




En Linda mín, þegar allt kemur til alls erum við saman í þessu. Þú í Eyjum og ég í Grundarfirði - Allt fyrir ástina :)

(Svona til að ég fái ekki æsta Grundfirðinga uppá móti mér þá skulum við hafa á hreinu að ég hef ekkert á móti Grundarfirði.)

Litla frænkan

Litla skott Gummadóttir er fædd.

Rúmar 4 merkur og 39 cm - Það er nú ekki mikið. En hún virðist ætla að vera nagli litla greyið.

Til hamingju!

Runnin reiðin

Já, þýðir víst lítið að ergja sig á þessu.
Ef ég mæti samt manneskju sem er í Sonofon peysu þá mun ég líklegast hrækja á viðkomandi.
Svanhildur kom til Horsens á laugardagskvöldið og var planið að merenera sig aðeins í hvítvíni, borða góðan mat og slúðrast.
Varð eitthvað lítið úr hvítvínsdrykkju (kræst, skrifaði fyrst hvítlauksdrykkju!) og þetta með góða matinn var eiginlega á mörkunum. En okkur tókst nú að blaðra þarna til klukkan 12 um kvöldið þannig að þetta var ekki alslæmt. En næst verður farið á LaTasca, fröken Svanhildur!

Ég er enn með kvef og drullu. Þvílíkar hellur og höfuðverkur sem fylgir þessu. Vona að þetta fari að klárast, enda komin vika síðan ég fór að hósta og þetta er eitthvað sem ég nenni ekki að hafa, sérstaklega ekki í flugi!!

Annars er lítið að frétta. Styttist sem betur fer í heimkomu. Held að geðheilsan batni svolítið þegar maður loksins kemst heim. Er orðin pínu pirruð á þessu grasekkjulífi og held að það sé alveg skiljanlegt. Hundfúlt að vera svona langt í burtu.
En nýja mottóið mitt er "þetta gæti verið verra" svo það er bara að halda áfram að líta á björtu hliðarnar á þessu öllu! Ekki nema 11 dagar í að ég komi heim svo það styttist.

Villi líka fluttur heim. Búinn með árið sitt hérna í Århus, svo það var enn einn sem maður þurfti að kveðja. Vill nú samt til að ég kemst nú ekki hjá því að hitta hann í sumar - á ættarmóti og hinum ýmsu fjölskylduviðburðum í Grundarfirði svo ég grét nú ekki mjög lengi. Langaði samt mest að fara með honum heim eins og upphaflega planið var!!

Bumbulína Gummadóttir hefur tekið frænku sína aðeins of alvarlega þegar ég talaði um það fyrir stuttu að hún og Bumbus Óskarsson ættu ekki að láta bíða eftir sér, svo ég gæti séð þau áður en ég færi út aftur.
Hún kemur í heiminn á morgun og ætla ég nú bara að krossa putta og tær fyrir að það gangi allt saman vel.

Alveg vissi ég að þetta væri stelpa! Dí hvað ég er orðin góð í að getta á rétt kyn!

Brjáluð!

Guð minn góður. Sonofon er mesta skítafyrirtæki sem uppi hefur verið.

Sonofon er semsagt símafyrirtæki hérna þar sem ég hef verið með mitt númer í 2 ár. Aldrei verið neitt vesen, fyrr en núna.
Allt í einu fór ég að fá símreikninga sem pössuðu bara ekkert við það sem ég var að hringja og senda sms. Var sérstaklega ánægjulegt að fá reikning uppá einhvern 1000 kall danskar fyrir mánuð sem notunin mín var nánast engin því ég hafði verið á Íslandi og gleymt kortinu mínu þar, þannig að ég var símalaus í mánuð.
Síminn var sem sagt í full swing bæði meðan ég var á Íslandi og þegar kortið var aleitt á Íslandi. Reddaði þessu samt og allt í góðu.

Eftir þetta fékk ég reyndar áfram háa reikninga, en það er nú alveg ástæða fyrir þeim, sms til útlanda.

Svo núna fyrir svona 10 dögum þá lokuðu þeir á mig. Gat bara allt í einu ekkert hringt eða sent sms. Gat náttúrulega ekki hringt í þá og sagt þeim frá þessu þannig að ég sendi mail á þjónustuverið.
Tók 6 daga að fá svar og þá var það svar um að það tæki lengri tíma að meðhöndla málið en þeir gerðu ráð fyrir í upphafi.
Vill til að ég er ákaflega þolinmóð að eðlisfari og beið bara róleg eftir svari.

Núna áðan fæ ég svar um það að ástæðan fyrir að símanum var lokað er sú að ég hef ekki borgað síðustu tvo reikninga. Sem er kjaftæði, því það er ekki langt síðan ég borgaði 1300 dkk til þeirra.
Ég hef ekki fengið neinn reikning frá þeim síðan þá, sem passar alveg, því ég borga á tveggja mánaða fresti.
Þeir sögðu að þegar ég væri búin að borga rúmar 700 dkk fyrir apríl og rúmar 900dkk fyrir maí myndu þeir opna símann aftur (komnar sektir ofan á þessar 1300 sem ég er nýbúin að borga) Og að sjálfsögðu myndi bætast við 200 dkk fyrir að láta opna símann aftur, það tekur svo 5 virka daga að láta opna helvítis símann aftur.

Nenni ekki að taka þátt í þessu rugli lengur. Ætla ekki að borga tvisvar fyrir apríl og maí - Borgaði það á réttum tíma.

Sendi þeim til baka pirringsbréf um þetta og ætla svo að láta loka á þetta númer bara alveg.

Þið Íslensku danir, hjá hvaða símafyrirtæki eruð þið? Ætla að skipta um fyrirtæki á mánudaginn..!

Útskrift

Vá, hvað er fólk að pæla í að útskrifast í febrúar?

Fann held ég eina sönnunargagn þess að ég hafi mætt í útskriftina hjá byggingarfræðingunum okkar hérna í vetur. Stal þeim frá Byggingarfræðing og frú hér í bæ :)

Núna skil ég næstum því Jón Pétur að hafa frekar viljað fara í Ikea (eina skiptið sem hann hefur farið með bros á vör í Ikea, myndi ég halda) í staðinn fyrir að mæta í útskriftina og láta taka af sér myndir.

Maður er eins og liðið lík í febrúar!!!



Sýnist á öllu að ég mæti í útskriftina hans Stjána þann 4. júlí. Bara til þess að láta taka af mér betri myndir, er svo fokkíng töönuð núna...!!

Hæ hó og jibbí jeij..

Söng skáfrændi hérna um árið.

Mér finnst alltaf jafn asnalegt að 17 júní sé bara venjulegur dagur í Danmörku. Kjánar að halda ekki uppá þjóðhátíðardag Íslendinga.

En hvað um það. Fór í próf í gær. Hélt að ég myndi falla í yfirlið þegar ég var komin uppí skóla, en Andri fór í föðurhlutverkið og róaði mig niður á nóinu.
Fór inní prófið. Var erfitt en ég einhvernvegin spjallaði mig uppí 7-u svo ég kvarta ekki. Veit ekki hvað það þýðir á íslenska skalanum en held það sé um 8-9. Fínt. Svo maður þarf ekki að hugsa um þetta meira.

Núna tekur við 2-3 stærðfræðitímar á dag þar til 4. júlí. Kem svo heim þá um kvöldið. Verð í bænum á laugardeginum allavega og kannski sunnudeginum þannig að ég ætla að nýta þann tíma til að soga í mig menningu áður en ég fer í sveitina.

Síðan virðist vera þéttsetin dagskrá alveg þangað til ég fer út aftur í lok ágúst. Gamla fólkið í Grundó bíður eftir mér, ættarmót hjá JP, brúðkaup hjá Birnu og Sigga Kára, Grundfirsku dagarnir, Eyjar og svo er ég búin að panta að Óskarsbarn og Gummabarn fæðist áður en ég fer út aftur því ég nenni ómögulega að bíða fram að jólum með að sjá nýjustu frændsystkinin.

Jæja, ætla að fara í apotekið að kaupa plástra og e-ð til að taka hor úr hausnum á mér! Týpískt ég, þegar ég er búin að finna leið til að halda niðri frjókornaofnæminu þá fæ ég bullandi kvef og stíflaðar ennisholur. Er ekki júní eða??

Skemmtið ykkur á 17. júní. Sjálf ætla ég að drösla Villa tengdabróður mínum í bíó með Íslendingum í Horsens. Erum nefninlega með sýningu á Íslenskri mynd í bíó-inu hérna :)

Pleh

Jájá, enn að læra bara. Prófið á morgun svo ætli ég verði ekki bara hérna í skólanum þangað til. En nei ætli maður fari ekki heim að leggja sig í kvöld.

Fór annars á sex and the city í vikunni. Held að ég geti alveg sagt það að ég hafi verið sú eina sem tók eftir Stokke kerrunni sem sást einu sinni í bakgrunninum heima hjá Charlotte. Var ekki einu sinni í fókus. Held að BabySam hafi ekki haft góð áhryf á mig.
Myndin var góð. Gat ekki haldið aftur að tárunum og er nú búið að banna mig frá bíóinu í Horsens. Gengur ekki að það sé alltaf einhver grenjandi kelling á öllum myndum.

Þetta táraflóð mitt á nú samt rætur að rekja til heimþráar sem ég þjáist af þessa dagana. Lýsir sér svona að ég grenja yfir bíómyndum, sjónvarpsþáttum og jafnvel auglýsingum í sjónvarpinu. Það er allavega mín skilgreining á þessum tárum. Kannski er ég bara orðin svona meyr. Getur líka alveg verið.

17. Júní var haldinn hátíðlegur í gær með tilheyrandi skyndiskrúðgöngu, SS pulsum og Candy floss!
Kom heim um 17.30 í gær og var svo búin á því að ég gat ekki hreyft útlimina. Svo angaði ég líka eins og pulsa og var klístruð eftir allt Candy-Floss-ið sem ég gerði. Oj.

Í dag stendur til að læra. Er ekki að nenna því en þetta verður búið klukkan 14.00 á morgun óg þá getur maður byrjað að láta sér hlakka til sumarsins, sem er loksins að fara að byrja hjá mér!

Make love not war..

:)

Ekki margar fréttir.

Próf á mánudaginn og ég rembist eins og rjúpan við staurinn að reyna að lesa eitthvað. Held ég sé með athyglisbrest. Get svarið það.

Fyrir Hjalla

1. ERTU SKÍRÐ/UR Í HÖFUÐIÐ Á EINHVERJUM ? Já, ömmum mínum

2. HVENÆR FÓRSTU SÍÐAST AÐ GRÁTA ? Uhh, táraðist í gær yfir sjónvarpinu. Líklega 5 vikur síðan ég grét síðast.

3. FINNST ÞÉR ÞÚ SKRIFA VEL ? Nei. Mömmu finnst það samt.

4. HVAÐA KJÖT FINNST ÞÉR BEST? Litlu íslensku lömbin eru best.

5. ÁTTU BÖRN ? EF JÁ HVE MÖRG ? Nei. Ekki ennþá. Það er samt á 10 ára planinu.

6. EF ÞÚ VÆRIR EINHVER ANNAR EN ÞÚ ERT,VÆRIRU VINUR ÞINN ? Nei, myndi byrja með mér

7. NOTARÐU KALDHÆÐNI MIKIÐ? Já. Eða held það.

8. FÆRIRU Í TEYGJUSTÖKK ? Nei. Er svo mikið hérahjarta. Þori engu svona.

9. HVAÐA MORGUNMATUR ER Í UPPÁHALDI HJÁ ÞÉR ? Coco puffs. Bara því við fengum það bara á jólunum þegar ég var lítil. Gæti ég lifað á Serjósi.

10. REIMARU FRÁ ÞEGAR ÞÚ FERÐ ÚR SKÓNUM ? Nei.

11. TELURU ÞIG ANDLEGA STERKA ? Já. En ekki á sumum sviðum.

12. HVERNIG ÍS ER Í UPPÁHALDI HJÁ ÞÉR ? Ohh, langar í ís. Ben and Jerry's, Paradis-ís og Hagamelurinn klikkar ekki!

13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS ? Æji. Veit ekki. Of langt svarið mitt, fer líka eftir kynjum.

14. RAUÐUR EÐA BLEIKUR ? Ætli mér verði ekki afneitað ef ég segi ekki rauður. Manchester, Arsenal, Rauða hverfið..

15. HVAÐ MISLÍKAR ÞÉR MEST VIÐ SJÁLFAN ÞIG ? Hvað ég er tilfinningabæld

16. HVAÐA MANNESKJU SAKNAR ÞÚ MEST ? Jóns Péturs og Sölku held ég. Svo fylgja hinir fast á eftir.

17. VILTU AÐ ALLIR SEM ÞÚ SENDIR TIL SENDI ÞÉR TIL BAKA ? Sendi þetta ekki. En ef fólk vill má það alveg svara sko.

18. HVAÐA LIT AF BUXUM OG SKÓM ERTU Í NÚNA ? Svörtum og er á tásunum. Var áðan í gullsöndulum. Mjög flottum.

19. HVAÐ VAR ÞAÐ SÍÐASTA SEM ÞÚ BORÐAÐIR ? Haha. Var að gúffa í mig lúku af graskersfræjum. (ótrúlegt en satt!)

20. Á HVAÐ ERTU AÐ HLUSTA NÚNA ? Dagný með Villa Vill og Ellý Vilhjálms. Flott lag!

21. EF ÞÚ VÆRIR LITUR, HVAÐA LITUR VÆRIR ÞÚ ? Blár örugglega. Er svoldið blá.

22. HVAÐA LYKT FINNST ÞÉR BEST ? Lyktin af nýfæddum börnum er ótrúlega góð! Svo eru margar lyktir sem mér finnst mjög góðar. Er mikið fyrir lyktir.

23. VIÐ HVERN TALAÐIRU SÍÐAST Í SÍMA ? Pabba held ég.

24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR ? Já. Mjög vel. Enda einasti stóri bróðir minn. hehee

25. UPPÁHALDSÍÞRÓTT SEM ÞÚ HORFIR Á ? Handbolti. Dýfingar líka smá töff. Lendi stundum í að horfa á fótbolta. Lennti oft í því á pabbahelgum um denn. Svo kom tímabil sem ég horfði aldrei á svoleiðis. En það er eitthvað að breytast. Maður mætir svo á völlinn í sumar að styðja sína menn. Eða mann.

26. ÞINN HÁRALITUR ? Veit ekki hvað hann heitir. Svona bronsbrúnn einhvernveginn.

27. AUGNLITUR ÞINN ? Grænn. Stundum dökk og stundum ljós.

28. NOTARU LINSLUR ? Nei. Þarf samt gleraugu. Sé ekki rass.

29. UPPÁHALDSMATUR ? Mömmu lasagne held ég bara. Annars er ég mikið fyrir góðan mat (figures) og borða eiginlega allt..

30. HVORT LÍKAR ÞÉR BETUR, HRYLLINGSMYND EÐA GÓÐUR ENDIR? Góður endir. Er svo lítil í mér að hryllingsmyndir gera ekkert fyrir mig.

31. SÍÐASTA BÍÓMYND SEM ÞÚ SÁST Í BÍÓ ? What happens in Vegas. Annars er það Sex and the city á morgun!!!

32. KNÚS EÐA KOSSAR ? Fer alveg eftir frá hverjum. Kossar frá kærastanum, knús frá mömmu.

33. UPPÁHALDS EFTIRRÉTTUR ? Ís. Frönsk súkkulaðikaka er líka smá góð.

34. HVER ER LÍKLEGASTUR TIL AÐ SVARA ÞESSU OG SENDA TIL BAKA? Helga mín myndi ég halda.

35. HVER ER ÓLÍKLEGASTUR ? Jón Pétur. Pabbi. Gummi. Móðir mín í föðurætt mun heldur ekki svara.

36. HVAÐA BÓK ERTU AÐ LESA ? Ætti að vera að lesa fyrir próf. Var að klára "áður en ég dey" ágætis bók alveg.

37. HVAÐA MYND ER Á MÚSAMOTTUNNI ÞINNI ? Á ekki músamottu

38. Á HVAÐ HORFÐIRU Í SJÓNVARPINU Í GÆR ? Sex and the city, Friends og Oprah. (Jájá)

39. ROLLING STONES EÐA BÍTLARNIR ? Bítlarnir!

39b TODMOBIL EÐA SÁLIN? Sálin ofkors!

40. HVAÐ ER ÞAÐ LENGSTA SEM ÞÚ HEFUR FARIÐ FRÁ ÍSLANDI ? US and A. Ætli Florida sé ekki það lengsta sem ég hef farið.

41. HVERJIR ERU ÞÍNIR HELSTU EIGINLEIKAR ? Hvað ég er afspyrnu léleg í að elda og baka. Er svo léleg að það er eiginleiki útaf fyrir sig.

42. HVAR FÆDDISTU ? Reykjavík ofkors

43. SVÖR FRÁ HVERJUM ERTU SPENNTUST/SPENNTASTUR AÐ FÁ FRÁ ? Helgu, því hún verður eina sem nennir að svara :)

Sumar

Ekkert að ske. Próflestur og hitabylgja. ParadisÍs og kirsuber..jammí

Pirr..!

Tíminn er hættur að líða. Alveg búin að fatta það sko. Var eitthvað að reyna að telja niður í Íslandsferðina mína á msn, en það gengur ekki. Þetta situr bara fast í 5 vikum. Ekki alveg sanngjarnt. Er að reyna að stóla á það að það verði geggjað veður allan júní mánuð þannig að maður geti bara verið að slæpast á ströndinni eftir próf. 16 júní er prófið og svo eru tímar frá 17 júní og fram til 4 júlí. Reyndar er ég bara í 2-3 tímum á dag þannig að það ætti að vera nægur tími í að slæpast á ströndinni, éta jarðarber og rápa í búðum.

En mín reynsla er nú reyndar sú að Júní mánuður hérna í danmörku er svolítill karakter. Yfirleitt ekkert spes mánuður veðurfarslega séð. En hann fer nú vel af stað þannig að það er um að gera að halda í vonina!

Ætla nú samt að reyna að væla í kennurunum og fá að komast aðeins fyrr heim. Finnst þetta ekki alveg eðlilegt. Þetta er "international" skóli með einhverjum 80 þjóðernum og fólk vill komast heim til sín. Læt það vera þegar kennsla er út júní, eða allavega meiri hlutann af júní en ekki að hafa kennslu fram í júlí! Tala nú ekki um að það er kennsla eftir prófið. Hingað til hefur maður farið í próf og það er lokahnykkurinn á önninni en núna er kennsla 3 vikum eftir próf? Vottafokk?



En já, pirringur dagsins sem sagt sá að ég komist ekki heim fyrr en eftir mánuð. Sumsé, tveggja mánaða fjarvera - greeeeiiiittt!



En set smá fyndið hérna í lokin. Fróði (beagle fyrirbærið okkar) á það til að vera pínu þrjóskur. Ef hann ætlar sér eitthvað þá skal honum takast það, þó að það kosti hann lífið. Það þýðir ekkert að ætla að lesa sér til um Beagle í hundabókum því þetta er ekki hundur. Bara eitthvað thing.

Hann á það til að reyna að strjúka og það tekst stundum, en hann er samt oftast í bandi þannig að hann kemst nú ekki langt...
Í gær reyndi hann samt að hoppa yfir grindverkið og gat það. en fattaði þá að hann komst ekkert lengra...!
Sjá mynd..

Sumarið er tíminn!

Bara nokkra myndir af 30 stiga hitanum sem var hérna í gær. Dísess kræst hvað var heitt. Stefnir allt í það sama í dag, allavega dó ég næstum úr hita í morgun þegar ég rölti í skólann. Og ekki er ég mikið klædd!!

Tanaðist í drasl í gær. Klúðraði því samt smá með því að fá heimskuleg för. Klikkaði líka á því að liggja á maganum þannig að ég er eins og Homeblest dökk framaná og ljós aftan á. Mjög svo töff.

Neyðist sem sagt til að fara á ströndina eftir skóla og lesa í skólabókum til að jafna út brúnkuna. Hræðilega námsmannalíf!!!

:)


Fór uppí 40 stig á pallinum

Halakörturnar voru sprækar! Enda komnar með framfæturna!

Hengirúmið í garðinum

Eyjólfur er ekki hrifinn af sólböðum.

Fróða fannst heitt

Meira ammó

Litla systir mín, hún Sigríður Soffía á afmæli í dag. Orðin 14 ára. Og ég man eins og það hafi verið í gær þegar við fórum hjólandi uppá spítala úr Skaftahlíðinni til að sjá liltu systur. Þegar ég sá hana fyrst varð ég líka fyrir smá vonbrigðum, enda hafi ég hugsað mér að eignast litla systur sem var ljóshærð með krullur. Alveg eins og Magga (litla systirin í Krakkarnir í Krummavík) var. Það skorti nú ekki hárið á barnið. Og ekki krullurnar (aldrei séð ungbarn með svona miklar krullur) en háraliturinn var alveg kolvitlaus. Svartur!
Var samt fljót að sætta mig þegar ég fékk trópí og the boys plagat.

Versta samt að 13 mánuðum áður fór ég líka uppá fæðingardeild og varð fyrir álíka miklum vonbrigðum. Vilborg Unnur var nefninlega ekki lítill bróðir eins og ég var búin að ákveða. Þvílík meðferð á mér sem stóru systur!

Til hamingju með afmælið greyið mitt!

Það er annað afmæli í dag. Guðmundur (móður) bróðir minn á afmæli í dag. Hann er nú orðinn 32 ára, ætla ég að skjóta á. Til hamingju með það! Ég man ekki eftir því þegar þú fæddist, en gæti hins vegar þulið upp nokkrar sögur af því þegar þú píndir mig, kvaldir mig, lést jóa gúrku hringja í mig, sagðir við mig að "steinarnir, eða kjarninn" í gulri melónu væri æla, lést mig þrífa herbergið þitt fyrir 200 kall, lést mig segja söguna um hænuna sem pissaði á sig og svínið sem gerði það líka í æsku á video, lést mig vera með í allskonar video djóki sem þið Einar voruð að taka upp (ættum að horfa á það næst þegar við erum í S1) og svo mætti leeengi telja.
Vona að þú farir að þroskast, amk áður en þú verður pabbi eftir nokkra mánuði.

Afi týndi á nú líka afmæli. En þar sem hann er týndur er ekki mikið hægt að skrifa um það.

Jæja, læt þetta gott heita í bili. Orðin rangeygð af þreytu.

Ammó!

Fínasta mammslan mín á afmæli í dag. Orðin 38 ára. Núna finnst mér doldið skrýtið að eiga svona unga foreldra. Kannski er ég bara svona gömul :)

Þetta er nú örugglega duglegasta mamman sem er til, svo ekki sé meira sagt :)

Til hamingju með daginn mamma mín!

Þessi mynd er of fyndin. Vorum búin að vera að gera grín af fólki sem kann ekki að sprauta úr rjómasprautum. Mamma kann það heldur ekki eins og sést :)

Á Þorrablótinu... Dísess :) (Töff að vera með bindi á hausnum, Kristín Alma!)

Andri Már töffari á líka afmæli í dag og óska ég honum líka til hamingju með áfangann :) Ekki á hverjum degi sem maður verður 11 ára!

Yeah

Jæja, búið að panta í dallinn og allt orðið klárt. Búin að sjá til þess að það fari dýna með í ár. Lærði það á erfiða mátan í fyrra að það er kalt að sofa á tjaldbotninum. Svo verður ekki farið snemma að passa tjöldin!

Nú er bara að telja niður..!
Tilhlökkunin er gífurleg.

Júrópúró.
Mikið fannst mér fyndið þegar danir, sem gáfu síðastir stig skutu Íslandi fyrir ofan sig í gær. Þannig að við urðum í 14. sæti og þeir í 15. sæti.

Nokkuð sátt við sigurlagið. Fannst bara hallærislegt þegar að skautagæjinn fór að þakka Evrópu fyrir. Ekki eins og hann hafi þurft að syngja, krjúpandi, hálf ber á skautasvelli og fá að launum kalsár á hné og tær.
Fannst líka kjánalegt að hafa svaka fiðluleikara og heimsmeistarann á skautum. Við hefðum átt að senda Jón Pál á sínum tíma, þá hefðum við kannski unnið!
En lagið er fínt.

Skammast mín smá fyrir að hafa haldið með úkraínu (í laumi) útaf því að stelpan var svo fiiiiiiiine! Dísess, eruði að djóka, ekkert smá sæt. Með fótleggi uppað eyrum og ný brjóst. Ég tjáði Villa það að ég hefði viljað vera lesbísk núna og farið til Serbíu og náð mér í hana. Villi sagði (eftir að hann þurrkaði sleftaumana sem lágu úr munnvikinu) að hann myndi ekki gera það. Hann er að play-a hard to get, hún yrði bara að koma til hans. -Einmitt. Þar fóru draumar mínir um að hitta hana.
Villi er sem sagt á lausu, ef þú Ani Lórak ert að lesa þetta! (Eða bara einhverjar sem hafa áhuga, ég er að hugsa um að fara að gerast pimp.)

Franska lagið var kúl. Minnti mig bara á The royal tenenbaums. Frábær mynd.

Gríska lagið. Eruði ekki að kinda mig? Flatara og leiðinlegra lag hefur bara ekki verið skrifað.

Ætla ekki að tala um grámygluna, með hálft andlitið strekkt fyrir aftan eyrun frá Svíþjóð. Bara glötuð.

Þetta eru nú svona helstu lögin sem ég man eftir. Fyrir utan Ísland.

Af msn

Sko. Mér finnst þetta svolítið gróft. Ég er að reyna!
Eftirfarandi átti sér stað á daglegu-miðnætur-msn-spjalli við bóndann.

J.P. says:
Meðan ég man þá var ég að fá fyrir þig leikjapassa áðan á heimaleikina

Kristín Alma - ÁFRAM RÓSK OG FRÓMAS! says:
Haha What?

J.P. says:
Þá geturu komið á leik og verið með Birgittu og krökkunum á rólóvellinum

Kristín Alma - ÁFRAM RÓSK OG FRÓMAS! says:
Af hverju á rólóvellinum?

J.P. says:
Þeir sem mæta á leiki til að fá nammi, en nenna ekki að horfa eru á rólóvellinum

Eins fokkíng gott að maður fái þá eitthvað nammi ef maður dröslast til Ólafsvíkur á leik!

Hardcore chick!

Það er búið að sjúga úr mér allar hardcore frumurnar sem eftir voru í líkama mínum. Ekki eins og þær hafi verið eitthvað margar eftir og hef ég rembst eins og rjúpan við staurinn til að halda í þessi örfáu frumulíffæri sem áttu eitthvað eftir af hardcore.

Fór sem sagt í hormónabíó í gær, eða bólubíó eins og einhver sagði (fór með unglingaklúbbinn í Horsens í bíó sko). Fórum á What happens in Vegas og kræst, ég grenjaði alveg í öðru hvoru atriði. Framan af var það úr hlátri, en einhverntíman þarna um miðja mynd fóru tárin að streyma niður kinnarnar af öðrum ástæðum. Fyrst útaf því að þau voru svo krúttleg. Svo því að þau voru svo ástfangin, (gerði útslagið þegar þau fóru að vanga við eitthvað voða dramatískt 80's lag) svo af því að hún varð sár og svo aftur því að þau voru svo ástfanginn og svo gerði það næstum því útaf við mig að hann bað hennar í endann.

Maður er náttúrulega ekki í lagi. En núna er ég bara orðin vælandi kelling.

Aukaverkanir

Á föstudaginn skellti ég mér í stuðferð til læknisins að láta sprauta mig við ofnæminu. Gríðarleg stemmning var inná læknastofunni þegar ég vippaði niður buxunum og fékk sprautu á bólakaf í rassinn. Fór svo bara aftur í skólann og allt í fínasta með það.
Þar sem ég hef fengið þessi lyf áður þá var ég ekkert að lesa á fylgiseðilinn, því þetta hefur bara virkað eftir ca 3 daga og haldið niðri fílamannseinkennunum sem fylgja þessu ... ofnæmi.

Það var því ekki fyrr en um kvöldið að ég fór að lesa á fylgiseðilinn, vegna ógleði og doða og bólgum á stungustað. Ég tek sjaldan einhver svona lyfseðilsskyld lyf og hef bara þurft pensilín nokkrum sinnum við einhverju gleðilegu eins og streptakokkum eða blöðrubólgum. Aldrei fengið neinar aukaverkanir nema þegar ég tek inn pensilín án þess að borða með.
Þegar ég fór að lesa fylgiseðilinn við ofnæmislyfinu þá kom ýmislegt í ljós. Einar skemmti sér konunglega við að lesa fylgiseðilinn, þar sem við sátum 8 manns heima hjá Garðari og Írisi að borða grillaða banana.

Inndæling í vöðva:

Algengar-mjög algengar aukaverkanir

• Alvarlegar sýkingar sem blossa upp, t.d. berklar
• Afkölkun beina og beinþynning

Sjaldgæfar aukaverkanir

• Höfuðverkur, Ógleði, Sjónskerðing og regnbogasjón
• Alvarleg geðdeyfð, geðsjúkdómur (geðveiki)

Mjög sjaldgæfar aukaverkanir

• Aukinn þrýstingur á heila með miklum höfuðverk og meðvitundarleysi
• Aukinn þrýstingur á heila með sjónskertingu
• Magasár með hættu á rofi og blæðingu

Aukaverkanir af óþekktri tíðni

• Rof á sinum (einkum hásin)
• Brisbólga með rofi á þörmum
• Beinbrot og samfall á hryggjaliðum
• Blinda ef inndæling er beint í meiðsli á höfði eða andliti

Aukaverkanir sem eru ekki alvarlegar

• Aukin tíðni sýkinga, t.d. herpes
• Vanstarfsemi í nýrnahettuberki
• Mánaandlit
• Breytt fitudreyfing, þybbinn líkami með grönnum handleggjum og fótleggjum, buffalómakki (breytingar í fituvef á hnakka)
• Þrymlabólgur
• Skeggvöxtur

Aukaverkanir af óþekktri tíðni

• Útstæð augu
• Bólga á stungustað
• Litabreytingar í húð

Það var einhversstaðar þarna sem Villi spurði hvort ég væri einhver áhættufíkill. Benti honum á að ég fengi amk ekki ofnæmi, hvaða máli skipta þá svona smámunir eins og skeggvöxtur, mánaandlit, samfall á hryggjaliðum, buffalómakki og útstæð augu... Það er bara töff.

Frægð

Það er naumast. Maður hefur bara ekki undan að lesa greinar um hina og þessa foreldra mína, hjálegur og kunningja inní internetinu.
Núna síðast var það Gummi Frændi sem tókst að troðast inní netið. Svikarinn sá. Flytja til Íslands með lítið kríli á leiðinni. Er alveg að sjá það betur og betur að ég hef bara engann tilgang í Danmörku lengur.

Fínt að frétta annars. Geri ekkert mikið fyrir utan skóla og svo er búið að vera smá stúss í kringum IFH. Bæði unglingaklúbb, kvennahlaup og Grísaveisluna sem er á morgun.
Pabbi farinn í hommana í Serbíu. Kræst, langar svo út líka. Er júró nörd og er hætt að reyna að fela það. Komin útúr skápnum með það sem sagt :)

Jæja, farin út í sólina.

Harður vetur?

Nú í ljósi þess að það er farið að hlýna all verulega í veðri þá er flíkum fólks farið að fækka og að auki farnar að vera töluvert efnisminni en vetrarpelsarnir.

Það er ýmislegt sem kemur í ljós á þessum tíma árs. Það mætti eflaust klippa táneglur, raspa hælana, vaxa helst öll hár fyrir neðan háls og só on. Oft kemur í ljós að maður passar ekki í sumarfötin frá síðasta sumri eða þá að björgunarhringurinn hefur stækkað og konur hætta að borða til þess að geta látið sjá sig í bikiníi niðrá strönd.

Allt eru þetta nánast eðlilegir hlutir og kemur fyrir besta fólk svona á vorin.

Það sem ég hef hins vegar tekið eftir, svona þegar ég sit niðrí bæ á kaffihúsi og virði fyrir mér fólkið sem gengur framhjá er að það er önnur hver kona ófrísk!

Veturinn hefur líklega verið alveg skelfilega harður og flestar konur leitað sér hlýju hjá hinu kyninu (má ekki segja að fólk hafi verið að ríða, þá snappar móðir mín).

Þetta er skondið. Því veturinn 87 var einmitt sjómannaverkfall og þess vegna er minn árgangur svona stór (þó að ég hafi nú bara komið undir eftir Bowie tónleika). Það eru til fleiri svona dæmi, nenni bara ekki að finna þau. En er bara að pæla hvað var eiginlega í vetur sem gerði það að verkum að fólk fór að makast (eða guð má vita hvað þetta heitir)

Fyrst var þetta sætt, en ekki lengur. Ég er ofsótt af ófrískum konum. Það finnst mér ekki fyndið. Ófrískar konur eru eitt það hættulegasta í heimi, reyndar líka svoldið sætar, svo ég lendi nú ekki í því að einhver óléttínan setjist ofaná mig eða eitthvað þaðan af verra.

Held ég haldi mig bara innandyra það sem eftir er sumars, vil ekki eiga það á hættu að einhver svona ólétt andi á mig og ég smitist :)

(Samt hlakka ég alveg mest mikið til að sjá öll krílin sem eru að fæðast í kringum mig í sumar og haust)