Myndir

Nenni ekki að blogga. Ekki séns. Of þreytt. Þið fáið samt myndir. Aðalega af Sölkunni minni.

Ronja fylgist með að allt fari vel fram á MSN

Jólasería a la Sigmar :/
Salkan

Horfa á Tomma og Jenna

Kítlikítl

Salka og Pabbi
Krúttrassgat

Niceland

Jebbsí, flugið gekk smurt. Fyrsta skipti í sögunni sofnaði ég ekki eina sekúndu. Sama hvað hefur gengið á í flugi, þá hef ég alltaf náð að sofa eitthvað. Ekki núna.
Þessvegna var ég alveg búin á því þegar ég lennti og keyrði á milljón heim í Kórsali. Held án gríns að ég hafi verið í 25 mínútur frá flugvellinum og uppí Kórsali. Þurfti mjöög oft að hægja mikið á mér, því mér fannst ekki við hæfi að keyra á 90, enda síðasta sem ég keyrði í DK var á hraðbrautinni á 140. En ég komst lifandi heim.
Heima beið mín svo einn Pabbi og ein Ronja. Ronja er voðalega skotin í mér, er búin að prufa að leggja sig í tölvutöskunni, ferðatöskunni, undir sænginni minni í nótt og núna liggur hún hálf ofaná tölvunni. Sem sagt, víkur ekki frá mér. Undarlegt, mér finnst hún svo leiðinleg, greyið.

Það var erfitt að vakna í morgun. Gerði mér ekki grein fyrir að það væri dimmt hérna til 15.00 á daginn. Ég þori ekki út, held að ég týnist bara.

Annars er voða gott að vera kominn til Íslands. Hlakka mestast til að hitta Sölku systur samt, get ekki beðið eftir því. Veit samt ekki hvenær það verður, því að ég er að vinna í Smáralindinni eins og mófó fram að jólum. En þið vitið þá allavega að þið getið fundið mig í BabySam í Smáralind.
Og já, ég er með danska númerið mitt, allavega þangað til að ég græja íslenska númerið, gleymdi kortinu úti, snillingur, ég veit!

Iceland calling!

Farin til Íslands.
Ætla að hafa það huggó í vélinni og horfa á Önnu Pihl season 2 :) Er orðin vel spennt að fara í flugið, því Anna Pihl er sko besta vinkona mín. Ég ætla að banna það að það verði grenjandi ungabörn og fólk með rápsýki við hliðiná mér.
Ekkert spennt að koma til Íslands, en ætli fiðrildin komi ekki í magan þegar ég er komin útá Kastrup. Myndi halda það.
Treysti á að pabbi eigi eitthvað annað að borða fyrir mig en hrökkbrauð og ost. Held að ég sé ekki að ljúga þegar að ég segi að það sé það eina sem ég er búin að éta í viku. Allavega nánast. Svimar líka af næringarskorti. iiiidjók.

Well, hætt þessu tuði. Verið stillt.

Jááá, það er að koma svo mikið jól, Hemmi minn!

Vona að fólk hafi gert sér grein fyrir að þetta var grín með að ég gæti ekki byrjað að pakka útaf því ég vissi ekki í hvora töskuna ég ætti að pakka í. Ætla að pakka light í þetta skiptið því ég á von á stórum og hörðum pökkum þetta árið. Því verður bakpokinn fyrir valinu. Brynja, mér er alveg sama hvað þér finnst, enda þarftu ekki að sækja mig!!
12 tímar í að ég leggji í'ann og bakpokinn er tómur. Ég er reyndar búin að raða í kringum hann 15 skópörum og veiðibolnum góða. Enda eina sem er hreint. 3 stórir Ikea pokar fullir af óhreinum fötum og óhreinatauskarfan full samt er fataskápurinn fullur af hreinum fötum. En nú hugsa ég eins og sannur námsmaður. Tek bara með mér skítugu fötin og fæ pabba til að þvo af mér, alveg gratis í staðinn fyrir að vera að borga 14 kr fyrir eina þvottavél. Maður getur fengið einn og hálfan bjór fyrir þann pening á skólabarnum.
Nei, ætli ég dröslist ekki í þvottahúsið á eftir og þvoi svona smá, svo að pabbi haldi ekki að ég sé alveg ófær um að sjá um mig sjálf og svipti mig sjálfræði, veitti svosem ekki af stundum..
Í morgun þegar ég vaknaði átti ég eftir að kaupa tvær jólagjafir (sem verða eftir hérna í Horsens) núna á ég enn eftir að kaupa þær. Þetta voru hinar fullkomnu jólagjafir fyrir báða aðila, en finn ekki þessa hluti. Gef þeim bara geit eða eitthvað :)
Annars er ég bara núna að hugsa hver eigi að hugsa um jólarósina mína. Hvort ég eigi ekki bara að vökva hana duglega áður en ég fer og svo sér hún bara um sig sjálf eða hvort að ég eigi að fá Jón Pétur eða Hjalla til að koma hingað einu sinni á dag og gefa greyinu að drekka. Ég er nefninlega alveg hrikalega stolt af því að vera búin að halda í þessu lífinu í tvær vikur. Alein. En þetta er jafnframt eina jólarósin í evrópu sem fær bara afgangs kók og sódavatn að drekka. Held ég hafi aldrei splæst í ferskvatn fyrir hana. Samt er hún alveg agalega hress, held ég.
Jæja, skórnir raða sér ekki sjálfir í bakpokann..

Valkvíði

Jæja, ég get ekki byrjað að pakka. Af hverju ekki? Get ekki ákveðið í hvaða tösku ég á að pakka niður í. Smart, ekki satt?

Valið stendur á milli venjulegrar ferðatösku og svona túristabakpoka.

Kostirnir við ferðatöskuna:

1. Er Samsonite
2. Í stíl við tölvutöskuna
3. Lúkkar betur

Gallarnir við ferðatöskuna:

1. Frekar klossuð
2. Meiri líkur á að ég komi með yfirvikt til baka
3. Ógeðslega leiðinlegt að druslast heim með þunga ferðatösku í lestina

Kostirnir við túristabakpokann:

1. Þægilegt að geta verið með allt draslið á bakinu (sérstaklega þegar ég fer frá Nörreport til Kastrup)
2. Myndi segja að ég kæmi ekki með yfirvikt til baka, því maður nennir ekki að vera með 30 kíló á bakinu, hlaupandi til að ná lest og þess háttar.
3. Ekkert að því að vera í hettupeysu og strigaskóm á leiðinni, því bakpokinn er hvort eð er ljótur.
   

Gallarnir við túristapakpokann:

1. Leiðinlegt að vanta eitthvað sem er á botninum og þurfa að kafa eftir því
2. Passar engann veginn við tölvutöskuna mína og hvað þá handfarangurstöskuna. Guð hjálpi mér ef mig langar að taka Gucci með mér í handfarangur..!
   
3. Get ekki verið í fínum fötum og með naglalakk á leiðinni.

Hvað á ég að velja?

Jájájá

Vóts. Alltof stutt í brottför. Kem heim á sunnudagskvöld til að gera föður minn gráhærðan/ari. Drasla svoldið til í Kórsölum, svelta köttinn og ræna bílnum til að fara út um miðjar nætur.
Hlakka ótrúlega mikið til og er með endalaust af fiðrildum í maganum, því ég hef ekki komið til Íslands í fjóra mánuði. Það er bara alltof langur tími án Sölku og pabba. Þegar maður er farinn að sakna Ronju líka þá er ástandið nú orðið slæmt.
Geri fastlega ráð fyrir að BabySam muni verða heimili mitt frá 17.des og fram að jólum. 24-26 ætla ég að vera með fjölskyldu og vinum, borða góðan mat og LESA. Hlakka ótrúlega mikið til að lesa bækurnar sem voru að koma út fyrir jólin. Spilakvöld koma líka til greina :)

27-29 des vil ég helst hafa forræði yfir Sölku. Við þurfum nefninlega að systrast aðeins, kíkja í sund, kúrast uppí sófa með Arsenal sængina og horfa á litlu hafmeyjuna 22 (Litla hafmeyjan 2) eins og krílið myndi segja. Síðan ætla ég að kíkja aðeins útfyrir borgina og uppí sveit, eða ekki sveit heldur nafla alheimsins eins og einhverjir strákar sem ég þekki myndu kalla það.
Svo ætla ég í sund, sund, sund, sund. Og í pottinn hjá ömmu og afa. Vegamót. Kíkja út á lífið með Brynju og lemja ráptuðrur með Chanel og Gucci töskunum okkar. Vesturbæjarís. Bæjarferð með ömmu. Heimsóknir. Mmmmm hvað ég hlakka til.

Reyndar er eitt sem böggar mig, að vera bíllaus 17-24 des. Ekki séns, verð að redda mér bíl.

Strákastelpa

Ég verð seint talin dama. Þó að ég sé afskaplega góð í því að ganga um á 18 cm hælum, í pilsi (án þess að það sjáist í nærbuxurnar) og vera með gloss svona eina kvöldstund eða svo, þá dugar það einfaldlega ekki til.
Hef heldur aldrei verið þessi prinsessustelpa. Þó að ég hafi nú heimtað gullkjóla og silfurskó í lange baner þegar að amma og afi fóru til ameríku þegar ég var 4 ára. Þá var ég fín í þessum kjólamúnderíngum í korter. Svo var ég bara komin á sokkabuxurnar og nærbolinn, mátti ekkert vera að því að vera fín.
Man að þegar ég fermdist var voða mikið í tísku að vera í ljósbleikum, ljósbláum eða hvítum kjólum. Ég hefði ekki látið sjá mig dauða í svoleiðis, enda fermdist ég í kolsvartri buxnadragt. Lét mig samt hafa það að vera á einhverjum voða stelpulegum skóm, en jesús minn, ég mun aldrei gleyma verkjunum sem ég var með í fótunum eftir að hafa skakklappast á þeim frá klukkan 11.00 til að verða 20.00 um kvöldið.
Svona síðustu ár hef ég reyndar alltaf verið meira og meira dömuleg. Enda að verða 20. ára og það kannski þýðir ekki annað. Ég er voða dugleg að vera í pilsum, kjólum og stígvélum svona hversdags. Svo þegar það er eitthvað spari, þá dressar maður sig upp í eitthvað voða fínt, sléttar hárið, setur eyeliner og fer í hæla. Voða fínt. Brussast um á þessu þangað til ég kem heim. Þá nánast undantekningalaust ríf ég mig úr öllum fötunum og vill helst bara vera á nærbuxunum og uppáhalds fótboltatreyjunni minni (Eða einu, því pabbi klikkar allaf á að gefa mér Arsenal búninginn.) og chilla þannig. Ok, er nú samt oft í buxum, en mjög svo ekki dömuleg svona heima.
Dömuleikinn er samt eitthvað að fara af mér aftur, held að það sé vegna þess að ég umgengst svo mikið af strákum. Og stelpurnar sem ég umgengst eru ekki mikið að ræða glossa og sléttujárn, þannig að ég er öll að skríða til baka í að verða eins og strákur bara. Strákur með naglalakk.
Hélt nú að þetta slyppi alveg til hjá mér, þangað til að við vorum að skoða einn af 300 auglýsingabæklingunum sem koma innum lúguna í hverri viku. Þar rak ég augun í eitthvað sem ég hefði ALDREI rekið augun í áður, ef það væri ekki fyrir allt fótboltavitið sem ég er komin með í hausinn. Allt í lagi, það er svosem ekki mikið en ég get svarið fyrir það að ég er farin að kunna muninn á vítaspyrnu og rangstöðu.
En þetta sem greip mig má sjá á þessari mynd:
(getið smellt á myndina til að gera hana stærri)



Af hverju er Liverpool dótið ódýrara en hitt?
Lélegra lið?

Æjj, mig langar í 99% af fötunum í Júníform. Búin að liggja yfir þessu í allt kvöld og gráta. Ég á EKKI 2 milljónir til að kaupa þetta allt!!!

Annars er ég hress, en þið?

NEI NEI NEI!!!

Það á að banna svona endi á Desperate housewives!
Verður þetta verkfall aldrei búið, eða hvað er málið?

Hmm, annars skulda ég víst færslur alveg hægri vinstri. Einhverra hluta vegna þá hefur þetta blessaða blogg mitt setið á hakanum, síðustu daga. En núna reynum við nú að bæta það upp.

Má til með að segja ykkur eina skemmtisögu af sjálfri mér.
Það var nú barasta þarsíðasta laugardag sem ég reif mig á lappir um 8 leytið og hennti mér í sturtu. Svo þreytt að ég varla stóð í lappirnar. Var að fara að passa Brekann milli 9 og 13 og þá dugar ekki að vera þreyttur, því barnið á það til að vera uppum alla veggi og þess á milli standa ofaná sjónvarpinu. Svo ég dreif mig í langa sturtu, skrúbbaði mig bak og fyrir, þangað til ég angaði eins og rósarunni, eða meira svona eins og sápuverksmiðja, en það er annað mál. Ég er eitthvað þarna að dunda mér í sturtunni við að raka á mér fótleggina og djúpnæra hárið, þegar ég hugsa með mér að nú skyldi ég aldeilis gera mér dagamun og tríta mig ægilega þegar að ég kæmi undan heitri sturtunni.
Nú þegar undan sturtunni er komið, þurrka ég kroppinn og nýþvegna hárið og ákveð að núna sé sko dagurinn fyrir sparikremið. Sem er eingöngu borið á líkamann eftir svona góða sturtu, því þá verður maður svo silkimjúkur frískur í húðinni. En jæja, hvað um það. Ég teygi mig eftir kremtúbunni, orðin öll spennt að fá að setja á mig þetta sparikrem. Maka þessu á mig í mikilli flýti og hugsa með mér að það sé nú eitthvað öðruvísi lyktin af þessu heldur en mig minnti. Hugsaði svo bara með mér að ég hefði líklega ekki borið það á mig í svo langan tíma að ég hreinlega mundi ekki hvernig lyktin hefði verið. Nú ég er búin að maka þessu guðdómlega kremi mínu á allan líkaman, fer svo að klæða mig, bursta og greiða. Enn finnst mér ég angandi af einhverri skrýtinni lykt, sem var nú samt góð, bara ekki svona kremlykt.
Ég fer og sinni Brekanum meðan móðirin var á fyllerí/þunn í köben og faðirinn að mennta sig. Við Bjarni fáum okkur svo hádegismat saman og erum bara þarna í góðu chilli, ég horfi á Greys og hann á fótboltaleik. Síðan skunda ég heim á leið. Ennþá hálf undrandi á þessari miklu lykt sem var af mér.
Kem innum dyrnar heima hjá mér, þá var orðið bjart í öllu herberginu og ég sé mér til skelfingar að þetta fegrunarkrem sem ég var að bera á mig var í raun Piz Buin sólarvörn númer 8!!!

Desember 2007

Fiskar: Vertu skapandi. Þessi mánuður gæti orðið þinn allra besti. Þú gætir fengið óvænt tækifæri til utanlandsferðar. Tækifæri til útgáfu og einhvers konar fjölmiðlaumfjöllun liggur í loftinu og sköpunargleði þín nær nýjum hæðum. Ef þú ert einhleyp verðurðu opnari fyrir alvarlegu ástarsambandi en áður.

New York um jólin, einhver?

Æjæj

Tölvukrílið mitt er fárlasið. Held það sé með Aids :(
Fer til læknis með það á morgun til að fá að vita hvað lífslíkurnar eru miklar.

Þangað til, verið góð við hvort annað, því þá gengur allt svo miklu betur!

Ég var spurð að því um daginn hvort að það bergmálaði í ísskápnum mínum. Ég var sennilega eitthvað að lýsa því hvernig ég hef einu sinni kveikt á helluborðinu hérna heima, síðan ég flutti og það var til þess að poppa.
Ég lifi á drasli. Það er staðreynd. Enda bryð ég vítamín eins og smartís, til þess að hafa orku svo ég komist nú í gegnum daginn (Vantar meiri heilsutvennu frá lýsi ef einhver er á leiðinni út til DK). Matseðillinn samanstendur þó aðalega af sælgæti og stöku serjós disk.
Fólkinu sem er með mér í stjórn íslendingafélagsins hérna í Horsens hefur mikinn áhuga á þessum lífstíl mínum og finnst dásamlegt þegar ég lýsi því yfir að eina "eldhústækið" sem ég á er ristavél, sem hefur tvisvar hlotið þann heiður að fá að rista brauð. Og gott ef ég afþýddi ekki flatköku einn daginn á grindinni sem er ofaná henni. (Flatkökur eru étnar í neyð, þegar það er ekki til mjólk á serjósið.)
Núna er amma örugglega komin að því að froðufella úr áhyggjum af mér (Þakka guði fyrir að amma Ragga les ekki þetta blogg, hún myndi líklega koma út með det samme og gefa mér Skagabrauð með rúllupylsu) en svo að ég eyði nú þessum óþarfa áhyggjum, þá er ég alveg í góðu standi. Mæti í ræktina þegar ég nenni (kannski ekkert að segja frá því að það eru liðnir 9 dagar síðan síðast) og fer daglega í gönguferðir. Svo þarf nú varla að taka það fram að ég er ekki að veslast upp og deyja, síður en svo, ég er bara í mjööööööög góðum holdum, og er engin breyting þar á. Þrátt fyrir að ég og Brynja höfum fundið út einu sinni að maður grenntist mest á að éta eingöngu nammi.
Nú, ég er komin svo langt út fyrir efnið að það hálfa væri fínt bara. Ég ætlaði bara að sýna fram á það að það bergmálar sko ekkert í ísskápnum mínum.



Ehm, já ástæða þess að það eru 2 kassar af kóki í ísskápnum mínum, er sú að síðustu helgi fór ég "ÍðÍ" á grensuna. Þar fær maður 3 kassa af gosi á rúmar 100 kr danskar. Kom heim með 3 kassa af kóki, stóra flösku af bacardi Razz, Hubba Bubba tyggjó í stórum stíl og einhverjar god damn karamellur, ekki spurja mig hvað ég var að pæla.
Bjórinn er síðan Svanhvít fyllibytta var í heimsókn í ágúst. Ég er ekki enn búin að klára hann eins og ég lofaði að ég myndi gera.

Íslendingar í Horsens og nágrenni!!

Sunnudaginn 25. nóvember nk. kl. 11:00 bjóðum við öllum Íslendingum í Horsens og nágrenni á fjölskyldudag.

Fjölskyldudagurinn verður haldinn í Egebjerghallen í Egebjergskolen. Boðið verður upp á skemmtilega dagskrá fyrir alla fjölskylduna. Fyrir yngstu börnin verður boðið upp á dagskrá í anda Latabæjar. Fyrir þau sem eru aðeins eldri verður boðið upp á Boot Camp.

Allri fjölskyldunni verður svo boðið í ekta sunnudags vöfflukaffi.

Við hvetjum alla til að koma saman þennan dag. Nýjir félagsmenn eru sérstaklega hvattir til að mæta.

Við bendum fólki á að hægt verður að greiða félagsgjöldin á staðnum.

Með kveðju,
Stjórnin

KærastiSmærasti

Jahá. Það er ekkert annað.

Uppá síðkastið hef ég verið spurð kjánalega oft hvort að ég sé komin með kærasta. Þessi spurning hefur ALLTAF komið í kjölfar spurningarinnar "Ertu hætt að blogga?".
Maður sem sagt bloggar ekki þegar maður á kærasta?

jól

Engar áhyggjur. Ég er bara í smá blogglægð. Kalla þetta að púlla pabba.
En svona að öllu gríni slepptu þá er hið árlega jólaþunglyndi að bresta á. Gaman að því. Alveg merkilegt hvað mér finnst þetta kjánalegur tími. Alltaf svo mikið stress og læti. Jújú, svosem fínt að fá jólafrí, smákökur, heitt kakó, pakka og góðan mat. En held að ég hafi aldrei verið þetta jólabarn, sem allir virðast vera. Man allavega ekki eftir þvi að hafa verið að tapa mér yfir pökkum eða jólasveinum þegar ég var krakki - eða hvað, mamma?

Núna er ég samt með valkvíða hvar ég á að vera á jólunum. Hver vill hafa mig?

Newsflash

Það er ekki lengur töff að vera appelsínugulur. Kúkabrúnt virðist vera koma sterkt inn.
Ég er rokin í ljós, bless í bili!

Æji ég er komin með bráðaofnæmi fyrir jólunum.

Tvífarar

Fyrir stuttu sagði einn vinur minn mér að ég væri eins og froskur...þegar ég brosi.

Ætli það sé ekki bara eitthvað til í þessu hjá honum, eða ?

Urr

Fyrirgefiði, er þetta alþjóðlegi "svörum ekki e-mail" dagurinn? Eða eru mín mail bara ekki svara verð?

Maður spyr sig!!

Fokk veikindi!

Við, Arna og Íris ætlum að fara í Ikea og sjá hvort okkur batni ekki. Þó að ég til dæmis sé ekki búin að borða síðan á þriðjudaginn, svimi þegar ég stend upp og sé með hausverk. Eitthvað svipað á við um hinar tvær. En við tökum bara panodíl zapp og málið er dautt. Held að við verðum alveg fullfrískar þegar við komum til baka úr þessari svaðilför okkar.

Annars má geta þess að eftir rúmleguna er Arna orðin voða töffari.

Arna says:
okei sæki þig kl 12

Arna says:
be there or be square

Töffara skapurinn varði ekki lengi, því í næstu setningu kom þetta:

Arna says:
veistu um alvöru gardínubúð í horsens?

Æl og Gubb!

Jahá, þá er ég búin að afreka það að æla yfir allt og alla hérna á Kollegíinu og gott betur en það! Jebbsí, fékk mér ælupest dauðans og bætti síðan við það hita, hausverk og beinverkjum. Skapi næst að flytja bara heim aftur, það er ömurlegt að vera veikur og hafa ekki mömmslu til að hugsa um sig! Reyndar eru vinir mínir hérna á Kollegíinu alveg að standa sig í mömmuhlutverkinu, allavega Jón Pétur og Hjalli - Búnir að bjarga lífi mínu og geðheilsu :)
Svo liggur Brekamamma í sama ógeðinu og ég þannig að við erum búnar að vera að vorkenna hvor annari á msn og svona. Voða sætt!

Jæja, ætla að fara að sjá hvort ég geti haldið niðrí ísnum og kókinu sem Hjalli var að færa mér.

Beibíkeiks

Einu sinni var Salka systir bara lítil og eins árs.

Föðursystir

Ég þurfti aðeins að læsa síðunni í gær, því það var ein "dama" með drama, hótanir og leiðindi. Manneskjan virðist vera farin að ná andanum núna, þannig að það hlýtur að vera í lagi að opna þessa búllu aftur.

Aðal fréttirnar eru nú samt þær að Hjalli stóri bróðir minn varð pabbi í nótt! Hann og Inga eignuðust lítinn dreng klukkan 5 í nótt. Veit ekki nákvæmlega hvað hann er stór, en orðin feitur og pattaralegur voru notuð til að lýsa barninu og svona miða við 3-D myndirnar þá erum við að tala um stóran og stæðilegan strák :) Enda Íslenskur.

Til Hamingju elsku Hjalli og Inga!!

Jæja, út með það!

Hver ykkar er ólétt?

Ég er svo samólétt einhverjum að það er ekki fyndið. Síðustu daga hefur mér verið svo óglatt á kvöldin að það hálfa væri bara fínt. Kvöldógleði sko. Svo þess á milli er bara tvennt sem mig langar að borða. Það er tómatsnakk og kók.
Ég er samt ekki ólétt. Skal lofa ykkur því!

Tiltekt

Ég ákvað að byrja á því að taka til á þessari blessuðu síðu hérna. Heimskulegt. Nú get ég ekki hætt. Er að fara í gegnum allar færslurnar, myndirnar og allt sem ég hef póstað hingað inn síðust a3 og hálfa árið. Ógeðslega fyndið að fara í gegnum þetta, rifjast ýmislegt upp :)
En ég er líka að fara í gegnum linkasafnið góða og ætla að henda út og bæta við. Þannig að ef einhverjum finnst að hann eigi skilið link hérna til hliðar þá getur sá hinn sami bara látið mig vita í kommentakerfinu og við kippum því í liðinn.

HA HA HA HA!!

Vá maður. Var að muna eftir því hvað ég var einu sinni með feitt frekjuskarð.
Fór í kjölfarið að skoða myndir frá því í Garðaskóla. Djísús hvað maður VAR ungur og vitlaus.

Langar á snjóbretti. Hver ætlar að koma með í brettaferð?

Hmm, held að þessi færsla meiki ekki rass sens, en það er líka mið nótt.

Birr

Sjitt hvað er kalt. Komið niður í 5 gráður og það er nánast ekki líft hérna. Legg ekki í veturinn, er flutt til Hawaii. Eða farin undir sæng, annað hvort.

Ba-ba

Brekamamma og pabbi komu heim frá Póllandi í gærkvöldi. Litla skrímslið var reyndar sofnaður en hefur eflaust verið voðalega feginn að sjá þau í morgun þegar að hann vaknaði.

Annars er búið að vera voða gaman hjá okkur Breka á meðan foreldrarnir smökkuðu pólskan vodka (í lítravís) og strunsuðu útum allt í leit að postulíni og kristal. Við gerðum allskonar skemmtilegt saman, fórum á róló, í göngutúra, kíktum í bæinn, Bilka,gáfum öndunum í Bygholm park og eitthvað fleira. Hélt reyndar að við myndum ekki lifa af þessa ferð í bygholm, því þegar við mættum með brauð í poka þá komu endur að okkur úr öllum áttum. Ógeðslega krípí. Breki svaka sáttur með brauðsneið í hvorri hönd og hljóp inní andahópinn eins og ekkert væri og sagði BA-BA, BA-BA (Brabra brabra). Var svo voða hissa þegar að endurnar eltu hann útum allan garðinn, en var ekkert að deila brauðinu með þeim neitt.

En eins og ég segi, svaka gaman að vera með þennan litla gorm. Samt líka örugglega besta getnaðarvörn í heimi. En það er eiginlega bara útaf því að sama hversu dásamlegt barnið er þá er ekki stuð að vakna klukkan 6 á morgnana..! Þannig að það væri fínt ef fólk gæti leyft mér að passa fyrir sig svona eina helgi í mánuði næstu svona 5 og hálfa árið, amk. Helst börn sem vakna svona snemma og á nóttunni.

Eníveis þá var ég búin að segja að ég ætlaði að kenna barninu að tala á meðan hann væri hjá mér. Það tókst, ég fékk hann til að segja, Brabra, Banani, Súpa, hoppa og VEIII!! Fékkst reyndar bara til að segja þetta svona þrisvar, en það er allavega byrjun. Heyrði í Bjarna áðan og hann sagði að Breki væri búinn að vera að segja VEIII við þau, þannig að þetta hefur skilað árangri.



Breki týndur..í gólfmottunni :/



Þarna var hann! (uppáhalds leikurinn okkar sko)


Með rottuna Preben á hausnum



Alveg að fara að lúlla

Bumbus litli

Hver er Alli?

Ég/við fór/um í útilegu á Snæfellsnesið helgina eftir Verslunarmannahelgina. Þar var fullt af fólki. Man samt ekki eftir að við höfum tekið með okkur fólk frá Sólheimum. Sá það fyrst þegar ég skoðaði myndirnar sem annar hvor Grundó bróðirinn tók.

Þetta eru nú samt bara myndir af okkur Villa bróðir í annarlegu ástandi. Ég í svefngalsakasti dauðans og fékk næstum því heilablóðfall úr hlátri meðan á þessum myndatökum stóð. Ég er heldur ekki full þarna, lööööngu runnið af mér, enda er þetta klukkan 6 um morgun þegar fólk var í keppni um hver gæti vakað lengst. Eitthvað útaf því að einn vinur minn fór svolítið snemma að "passa tjöldin*" þegar við vorum í Eyjum. Það átti víst ekki að gerast þarna og gerðist ekki.

Þessi brjálaða tungumynd af Villa fær að fylgja með, því hann er svo mikil dúlla!!

Og þessi af Stjána. Ég lít svo upp til hans. Samt bara því hann er hærri en ég..

Og þessi ferska af Svanhvíti og Jóni Pétri.

Þá eru komnar myndir af okkur öllum fulltrúum (Eyja)gengisins í þessari útilegu (langsótt) í þessa færslu.

Djöfull erum við eitthvað prófessjónal útilegufólk.

Það er bara eitt að segja.

Ég sakna þín síðasta sumar!





*Passa tjöldin þýðir að fara að sofa. Enda voru tjöldin ekki pössuð nógu vel. Allavega ekki tjaldið hans Pers :)

Vetrarfrí og Brekapass

Vetrarfríið byrjað. Voðalega dejligt að fá smá frí. Held samt að ég þurfi að fá mér frí til að jafna mig eftir fríið þar sem að ég ætla að flytja á Fjordsgade 20 snemma í fyrramálið og dveljast þar fram á miðvikudag. Verð sumsé að passa Breka Dreka meðan foreldrar hans, móðir mín, Íris og Garðar, Einar og Villi fara í "kúltúr" ferð til Póllands. Þar sem að við Breki erum yngst í þessari famelíu fáum við ekki að fara með. En við ætlum nú bara að hafa það kósý og ætla ég að spilla barninu gjörsamlega eins og enginn sé morgundagurinn. Allan tíman. Kannski að ég kenni honum að tala og svona á meðan. Verður bara gaman að vera með þennan litla strump.

Annars er allt við það sama bara. Ég er reyndar að flagna. Ég er eins og slanga í miðjum hamskiptum. Kannski er ég bara að stækka svona mikið, hver veit. Held nú annars að ég sé öfugsnúnasta manneskja sem til er. Maður flagnar ekki í oktober, nema maður búi á miðbaug.


Ég og Breki í afmælinu hans í vor


Gormur


Töffari

Dísess. Ég var að lesa moggan í rólegheitunum í morgun, reyna að gíra mig upp fyrir verkefni dagsins, en samt að kúpla mig niður eftir að hafa farið í ræktina fyrir allar aldir og tekið work out dauðans með mömmu.
Fékk svona líka nett í pirrurnar. Meðal annars útaf þessari frétt:

Karlmaður var fluttur á slysadeild með stungusár í nótt, skömmu eftir miðnætti, með stungusár á baki eftir að kona stakk hann með skærum í íbúð í Vesturborginni. Maðurinn flýði til nágranna og hringdi sjálfur eftir aðstoð, hann var fluttur á slysadeild en er ekki talinn hættulega slasaður. Konan sem grunuð er um verknaðinn gistir fangageymslu og verður yfirheyrð síðar í dag.

Sko ég veit alveg að það sem ég skrifa inná þessa blessuðu bloggsíðu mína er ekki alltaf málfræðilega rétt, enda hefur málfræði og stafsetning ekki beint verið mitt sterkasta fag. En kommon. Flýði? Og róleg að segja átta sinnum í sömu setningunni að maðurinn hafi verið fluttur á slysadeild með stungusár.

Svo þetta:

Það færist í vöxt að Danir fljúgi til og frá vinnu og segir Berlingske Tidende frá því í dag að á stöðum þar sem skattar er lágir, t.a.m. í Álaborg og Hjørring hafi flugferðir innanlands aukist mikið. Á eynni Borgundarhólmi fljúga nú 300 íbúar daglega til vinnu með áætlunarflugi á hverjum degi, en flug fram og til baka til Kaupmannahafnar kostar um 600-700 danskar krónur, eða um 7000 - 8000 íslenskar.

Hvar í fjandanum er þessi Borgundarhólmur?

**Uppfært**
Mér var svo niðri fyrir að lesa þetta að ég gleymdi að koma því að að þeir fljúga daglega til vinnu á hverjum degi. Ég er hætt að treysta fjölmiðlum.

Fékk nett í pirrurnar við að lesa þetta. Get ég ekki fengið vinnu hjá mogganum bara?

Ofvirkir tárakirtlar

Er hægt að deyja úr heimþrá? Held að ég sé á góðri leið í gröfina, verð það allavega með þessu áframhaldi.

Trúi ekki að það séu tveir og hálfur mánuður þangað til að ég fer næst til Íslands. Finnst það alveg hræðilegt. Langar svo að komast heim og knúsast í litlu skrímslunum mínum. Katlan er farin að tala svo ótrúlega mikið og Salkan orðin svo stór og þroskuð. Og ég er að missa af þessu öllu.

Pleh, hvað er erfitt að búa í útlöndunum. Glötuð stóra systir alveg.

Kannski ég ætti að koma heim næstu helgi..

Myspace

Nú hefur fólk enga afsökun fyrir að vera ekki með myspace. Meira að segja mamma er komin á myspace. Núna er ég sem sagt með báðar mæður mínar í efsta sæti á vinalistanum mínum. Kynmóðirin og móðir mín í föðurætt.

Svaka sætt :)

Blogg fyrir mömmu

RÍÐA

Nú er mamma brjáluð og ég orðin dóttir hans pabba. Það má ekki segja ríða nefninlega.

Titillinn á þessu bloggi hljómar eins og lag með Bubba. Blús fyrir Rikka - Blogg fyrir mömmu.. :)

Síðbúin vorhreingerning á Kollegíinu..

Jee.
Nú getur mamma komið í heimsókn. Búin að eyða heilum degi í að taka til hjá mér og þrífa. Á bara eftir að fara í gegnum fataskápinn, kommóðuna og svo eldhússkápana. Þá er ég bara búin að taka allt í gegn. Ekki slæmt það. Mamma verður að koma í heimsókn á morgun, því hún droppar alltaf við óboðin þegar að það er allt í drasli. (Nei, það er ekki alltaf drasl hérna)
Svo reyndar þegar tiltektinni lauk þá var orðið svo hreint og fínt að ég tímdi ekki að vera hérna. Þá lét ég bara bjóða mér í heimsókn. Ekki flókið það. Ég ætla bara að vera einhversstaðar í heimsókn þangað til alltaf. Svo það draslist ekki út. Vill mig einhver?

Ég er svo orðin afrekskona í íþróttum. Jájá, fór í gær og keypti mér kort í ræktina. Sem ég er búin að ætla gera í 2 mánuði (Þjáist sko af framkvæmdarkvíða). Mér finnst þetta með að ég hafi keypt helvítis kortið nógu mikið afrek útaf fyrir sig, en það að ég hafi mætt Í ræktina eldsnemma í morgun, tólf tímum eftir að ég var búin að fjárfesta í kortinu er náttúrulega eitthvað sem má alveg skrifa á spjöld sögunar bara. Já og ég mætti ekki bara, heldur tók ég líka svona helvíti fínt á því líka. Allavega er ég komin með nettar "hassberrur" í efri hluta líkamans. Kvíði fyrir því að þurfa að þvo á mér hárið þegar ég fer í sturtu í fyrramálið. Ég labba líka eins og Arnar Grant. Með hendurnar svona tvo metra frá líkamanum. Ég er náttúrulega orðin svo helmössuð eftir þessar lyftingar.

Mömmu og Gúmmípabba fannst greinilega ekkert varið í Björn Borg nærbuxurnar sem við systkinin gáfum þeim í brúðkaupsafmælisgjöf og ákváðu að kaupa sér eitthvað smotterí í viðbót. Þau fóru í bæinn og komu heim nokkrum milljónum fátækari og einu húsi ríkari. Ég bjóst við svona einhverju smá húsi en sú var nú ekki aldeilis raunin. Þetta er heill helvítis herragarður. Sérherbergi fyrir alla krakkana og samt gestaherbergi. Svo er líka gestahús, sem er þrisvar sinnum stærra en "slotið" sem ég bý í. Lóðin er svo stór að við systkinin (sem erum 5 talsins) getum öll byggt okkur 500 fermetra hús þar og samt þurft að taka strætó á milli húsa.
Svo er þetta víst með frönsku gluggunum, stóra eldhúsinu og rúmgóða þvottahúsinu sem mömmu hefur alltaf dreymt um þannig að við kvörtum ekki mikið undan þessu. Frábært bara. Reyndar er ég ekki sátt við þetta því að núna verður ekkert skroppið í mat til mömmu bara þegar að manni dettur í hug. Þetta hús er nefninlega ekki í göngufæri :( En miða við lýsingarnar hennar mömmu á hversu frábært þvottahúsið þarna er, þá sé ég fram á að þurfa ekki að þvo fötin mín sjálf frá og með 1. desember, því hún talaði um það áðan að þvottahúsið væri svo frábært að hún ætlaði alltaf að vera þar...

Herragarðurinn

Enn af húsakaupum, því amma og afi keyptu sér líka hús um daginn. Á Selfossi. Nauðsynlegt að eiga tvö hús. Það hef ég alltaf sagt. Reyndar er víst stefnan hjá þeim að flytja á Selfoss þegar afi verður elliær og hættir að vinna. Þá ætlar gamli bara að skella sér í strípur og fá sér spoiler með hnökkunum. Geggjað töff.

Af MSN

Eftirfarandi átti sér stað á msn í dag.

Kristín Alma says:
ég er allavega búin að frekja þetta í gegn

Kristín Alma says:
núna er bara að fá að vita hvenær ég má byrja

Stjáni says:
ok gott mál

Stjáni says:
þú ert nagli ;)

Jebb, that's me. Ég er svo fokkíng hörð!!!

KlúðurSmúður

Jesús. Ég vaknaði ógeðslega illa í morgun. Sem mun líklega verða til þess að ég verð pirruð (meira en vanalega) fram að kvöldmat.
Mig var að dreyma svo ótrúlega mikið í nótt. Það var alveg brjálað að gera hjá mér. Fyrst var ég búin að finna Madeleine McCann. Lifandi. Síðan var ég í einhverjum svakalegum bardaga og ég veit ekki hvað. Það var einmitt eftir bardagann sem ég vaknaði, alveg pikkföst í sængunum og alveg trítilóð. Datt næstum framúr og allt.
Jájá, maður má ekkert vera að því að sofa á nóttunni. Ég er bara í því að slást við ófreskjur og bjarga heiminum.

Gott að frétta samt. Skólamálin eru að öllum líkindum að bjargast. En það er bara útaf því að ég er svo drullugóð í að röfla, tuða og grenja. Ok, ég er kannski pínu frek líka. Ég hef sko þurft að hafa fyrir þessu, og það ekkert smá. En vonandi er þetta komið í lag núna samt.

Svona í kjölfarið af þessum fréttum er kannski rétt að nefna það að ég var kosin í sem meðstjórnandi Íslendingafélagsins hérna í Horsens. Ákvað að taka þessari áskorun fráfarandi formanns eftir að ég kom þessu í gegn í skólanum. Hlýt að hafa svona gífurlega stjórnunarhæfileika bara.
Segi svona. Þetta verður gaman og fer á CV-ið :)

Hömmhömm. Afmæliskveðjur: Svanhvítin mín og Sindri kokteilbróðir minn áttu afmæli á föstudaginn og óska ég þeim til hamingju með það.
Lindan mín á afmæli í dag og fær knús með póstinum. :)
Mamma og Gúmmípabbi áttu svo tólf ára brúðkaupsafmæli í gær. Þau ættu samt eiginlega bara að fá fálkaorðuna eða eitthvað fyrir að þola okkur systkinin í þennan tíma...

Svo sniðugt

Við Arna að taka sjálfsmynd og Villi að taka mynd af okkur. Gaman að því. Þetta er reyndar ekki alveg beint bestu myndirnar sem hafa verið teknar af okkur, en skítt með það.
Hálftíma eftir þetta þá vorum við rennandi blautar á froðudiskó.. good times.

Greyið konan!

Þetta er ótrúlegt. Pannt ekki fæða svona stórt barn. Og heldur ekki svona mörg, ef útí það er farið..!

Ahh já!

Sælutilfinningin sem fór um kroppinn núna!!

Tölvan mín tók sig til og afneitaði MSN í morgun. Harðneitaði að skrá mig inn og var meira að segja með stæla við Web MSN-ið. Ég gafst upp á þessu öllu saman um hádegi og var MSN laus þangað til núna rétt áðan. Skelfilegur dagur.

Svo kom þetta bara að sjálfu sér rétt áðan. Það var gott. Var farin að kvíða morgundeginum alveg svakalega. Já, ég er fíkill.

HA HA HA HA!!

Fiskar: Til að forðast það að brenna út í náinni framtíð, skaltu koma reglu á orkuna þína. Hvíldu þig vel og lengi, og segðu fólki að þú sért ekki latur bara klár.

Þetta er fyndið. Sérstaklega fyrir þá sem þekkja sófaskrímslið hana Kristínu Ölmu. Mikið OFBOÐSLEGA hlýt ég að vera klár...!!

Mánudagur

Af hverju er svona erfitt ad vera til á mánudogum?
Svaf orugglega ekki nogu mikid um helgina.. right.

Sjitt

Ég toppaði sjálfa mig núna.
Fattaði klukkan tólf að ég var ekki búin að borða neinn kvöldmat. Glooor hungruð æddi ég inní ísskáp og fann þar kalkúnabringu álegg og kassa af bjór.
Einum og hálfum tíma seinna hef ég komist að því að bjór er mjög svo saðsamur. Ég er ekki svöng lengur en á svolítið erfitt með að hitta á réttu takkana á lyklaborðinu og er orðin dofin í kinnunum.

Nú er bara tvennt í stöðunni. Detta í það eða fara heim að sofa. Eða reyndar bara sofa í mínu tilfelli þar sem ég er heima.

Held ég taki bara milliveginn á þetta og horfi á Stellu í orlofi á VHS. Æj, gleymdi samt að ég á ekki videotæki.

Pissss

Ohh ég var búin ad blogga gedveikt fyndid. En svo vildi skólanetid ekki birta thad. Enda var thad blogg myndskreytt med vægast sagt vafasomum myndum. Meira um thad seinna.

Ég er med fjorfisk í lærinu. Thad eitt og sér eru nú fréttir útaf fyrir sig, en thad sem mér finnst fréttnæmara er thad ad hann er búinn ad vera tharna sídan á midvikudagskvold. Og er enntha i horkufjori bara. Pirrandi.

Má ekkert vera að þessu..

Það er svo hræðilega mikið að ske á Íslandi frá og með helginni og þangað til í lok oktober að ég bara má ekkert vera að því að eiga heima í útlöndum. Væri svosem í lagi ef maður gæti bara farið heim um helgar, en skulum nú ekki fara að leggja það á vísað.
Vetrarfríið eftir minna en mánuð. Akkúrat í sömu viku og Airwaves. Langar svo mikið að koma heim í þessa 10 daga að ég er að deyja. Ég er að íhuga að senda meil á Icelandair og biðja þá um að gefa mér flugmiða. Í staðinn gæti ég til dæmis gengið um alla Airwaves hátíðina í Icelandairbol eða eitthvað. En ef ég hugsa útí það þá væri eiginlega ógeðslega fyndið ef ég myndi láta Express borga undir mig miðann og vera á Airwaves í Express bol. Það væri pínu fyndið.

Jæja það má alltaf láta sig dreyma.

Fiskar: Hvern viltu þekkja? Sá sem þú hugsar um, laðast furðulega að þér. Þetta er líka ástæðan fyrir því að hugsa ekki um fólk sem maður vill forðast.

Boldsen verður kominn á tröppurnar hjá mér eftir korter.

Annars var ég að koma heim. Eins og blautur hundur. Rigndi akkúrat í þessar 3 mín sem ég var úti.
Nú væri gott að leggja sig aðeins :)

Sú sem aldrei sefur

Og við fáum punkta. Get ekki skrifað samfeldan texta. Samhæfing augna, heila og handa er eitthvað svolítið döpur þessa stundina.

• Klakamótið búið
• Karlarnir farnir heim til sín
• Hrútalyktin að dofna
• Fannst þetta löng helgi
• Samt skemmtileg
• Uppgötvaði áðan að helgin lengist svo um munar ef maður vakir á daginn og nóttunni
• Svaf í 5 tíma um helgina
• Ég sakna þín síðasta sumar
• Horfði á fótbolta
• Fór á edrú djamm á föstudaginn
• Af djamminu og í næturgæsluna
• Þar uppgötvaði ég Mohjong í tölvunni minni
• Geggjaður leikur
• Einn endajaxlinn minn er kominn upp
• Niðri, hægra meginn
• Hvar er tannféið mitt?
• Það væri búið að dæma okkur báða úr leik
• Fór kappklædd á völlinn á laugardaginn
• Í íslenskum flísfatnaði frá toppi til táar
• Til að tapa ekki kúlinu var ég nú samt með sólgleraugun
• Í rokinu (og sólinni, dahh!)
• Fór í fyndið partý
• Absolute Bjarne aften
• Fór á ekki svo mikið edrú djamm
• Ball með Íslendingunum
• ALLIR spaðölvaðir
• Hef aldrei vitað annað eins
• Ég var hress
• Skömmuð fyrir að hafa verið dónaleg
• Brynja veit að ég var bara hreinskilin :)
• Mamma fór á veiðar á ballinu
• Veiða tengdason
• Fannst ég ekki að standa mig í þeim málum
• Er slyddan kannski tárið í auganu á mér?
• Mamma er ekki góð í að veiða sér tengdasyni
• Flestir trúlofaðir
• Næst fær pabbi að spreyta sig
• Einar sagðist hafa þrifið allt með pompi og prakt
• Okkur Villa fannst það ekkert lítið fyndið og trufluðumst úr hlátri
• En fannst nú gott að Einar greyið hafi fengið hjálp
• Pomp þreif klósettið og Prakt vaskaði upp :)
• Ég gekk líka á eftir Einari og hafði vit fyrir Villa í leiðinni
• Getið ímyndað ykkur hvað það var erfið ganga
• Já, ótrúlegt hvað allt verður fyndið í svefngalsa
• Ég komst líka nokkrum sinnum yfir þreytuna
• Tónlistin var svört
• Klukkan er margt
• Væri skynsamlegt að fara að sofa
• Það var matarboð heima hjá múttu áðan
• Ógeðslega skemmtilegt fólk
• Dýrka þetta pakk mitt - eru dásamleg
• Ég og Breki fórum á trampólín
  
• Við erum ótrúlega svipuð í þroska stundum
• Fór í geðveikt partý á kollegíinu áðan
  
• Lufsu partý
• After Eight og Pepsí Max
• Tapaði veðmáli
• Ég er viss um að ef þú værir hér, þá myndi stytta upp
  
• Þetta blogg er hrottalega leiðinlegt
• Það eru allir hættir að lesa
• Joachim Boldsen er svo ógeðslega drop fucking gordjöss að það hálfa væri fínt
• Ég ætla að horfa á Vild med Dans í allan vetur útaf honum
• Eins gott hann haldist inni
• Hann er lélgur dansari samt
• Svo innskeifur og hjólbeinóttur eitthvað
• Fílaða
• Ég er hætt
• Mamma ætlar í ræktina klukkan 8
• Ég gæti farið með
• Gæti líka kúrt mér áfram bara til svona hálf tíu :)
• Hvort haldiði að ég geri??
• Svartir undir augunum fölir á kinn

Tak og på gensyn

Töff samt að blanda svona saman Nylon og Bubba inní færsluna..!

Svefn

Vaknaði klukkan sjö við það að það stóð einhver fyrir utan hjá mér og bankaði í hurðina af öllum lífs og sálarkröftum. Ég hélt að þetta væri Einar Páll eða Jón Pétur að gera svona líka fyndið grín að vekja mig fyrir allar aldir svo ég fór ekki til dyra. Grúfði hausinn bara undir koddann eins og pabbi gerir og reyndi að sofna. Þegar bankið hætti svo fór síminn að hringja. Ég nennti nú ekki að standa upp til að svara þessu og bölvaði hressilega og snéri mér útí horn. Síminn hélt áfram að hringja og bankið hélt einnig áfram. Þá fór ég nú að halda að þetta væri ekkert djók, heldur einhver að segja mér að mamma væri dáin eða eitthvað. Fór skíthrædd til dyra, nánast með tárin í augunum en samt tilbúin til að hreyta einhverjum ónotum í Einar Pál eða Jón Pétur, svona ef ske kynni að þetta væru þeir að gera grín.
Neinei, opna hurðina og hvað birtist þar. Engin önnur en hún Lára sem býr við hliðiná. Skælbrosandi og sagði "Hæ, má ég fá lánað hleðslutækið þitt?"
Pleh..!

Núna er ég ýkt þreytt og hef það á tilfinningunni að ég eigi eftir að sofa geðveikt vel. Vorum nefninlega að koma af barnum (Strákarnir að skipuleggja Klakann og ég varð að skipta mér af, auðvitað. ) og fengum okkur auðvitað svona eins og tvo bjóra.
Ótrúlegt samt. Ég er alltaf eitthvað að sniglast í kringum þessa stráka sem er að skipuleggja og er ekki komin í neitt djobb. Mér er greinilega ekki treyst fyrir neinu :)
En kannski er þetta því ég er bara búin að bjóðast til að smyrja hitakremi á þá og nudda fyrir leiki og svona..

Vó

Kom að því að nágranni minn fékk sér að ríða. Og það ekkert smá. Ég er bara feimin, enda er eins og þau séu bara hérna inná gafli hjá mér!!

Held ég verði bara að fá mér sígó þegar þau eru búin..!

Eitthvað mis

Dygtig pige

Ég opnaði ísskápinn hérna í morgun algjörlega hungurmorða og vonaðist eftir einhverju hollu og góðu til að fá sér svona í byrjun dags. Full bjartsýn. Það var ein coke zero dós og hálfur lítri af Matilda kókómjólk. Og jú, svona Aloe Vera aftersun dæmi eitthvað.

Svo ég át þurrt serjós í morgunmat og hafði coke zero með mér í skólann í nesti. Ætlaði svo bara í rema þegar að ég kæmi heim, en nennti því ekki þannig að ég át þurrt serjós fram til klukkan 19.00 í dag. Þá var ég alveg komin með ógeð af serjósinu og fór í búðina. Tvisvar. Gleymdi að kaupa djús og mjólk.. Ég þarf að fara með svona minnislista í búðina eins og gamla fólkið. Gleymi alltaf aðal atriðunum nefninlega.

Svo núna er ég á leið í þvottahúsið. Ætli ég verði ekki þar í allt kvöld, því þetta er ekkert lítið magn af þvotti sem flæðir hérna útum allt. Ég gæti samt alveg sleppt því að þvo í svona tíu daga í viðbót og samt verið alltaf í hreinum fötum. Bara ljótum hreinum fötum.

Annars var ég að taka til hérna uppí skáp hjá mér. Fann eitthvað sem heitir sólarvörn..hvað er það? Eitthvað sem maður setur á brauð??

Uhh já og ef einhver vill eiga hálfan líter af Matilda kókómjólk þá endilega kíkið við hérna í 306. Hún er köld og allt.

Ég er að hugsa um að mana mig upp í að fara í klippingu á eftir. Hjá danskri stelpu. Ég er hrædd. Danir eru hræðilega lélegir hárgreiðslumenn. En þegar maður er farin að lenda í sjálfheldu hvað eftir annað vegna lengd hársins þá held ég að maður verði að láta gera eitthvað við þetta.
Ég er orðin eins og Cousin Wig eða hvað hann hét þarna í Addams Family.





Svo er ég að hugsa um að taka til hérna hjá mér. Ég fékk eiginlega nettan viðbjóð eftir að ég skrifaði þessa ógeðis þrifa færslu...

Skírn

Litlasti frændinn minn var skírður í dag. Baldur Freyr. Við vissum nú reyndar nafnið, en samt sem áður vil ég senda hamingjuóskir á Stekkjarflötina.
Var ekki sátt við að vera í Danmörku og missa af fyrsta partý-inu hans Baldurs litla, en ég mæti bara í 1 árs afmælið á næsta ári :)



Flottir bræður. Tómas Orri og Baldur Freyr!

Ótrúlegt hvað maður getur komist lengi upp með að gera engin heimilisstörf.
Ég er alveg komin með þvílíka taktík í þessum efnum, þannig að það er alltaf eins og hjá fólki hérna en samt þríf ég mjööög sjaldan.

Hér koma nokkur heilræði - Njótið

• Láta bjóða sér í mat sparar uppvask
• Borða svo bara drykkjarjógúrt, drekka djús úr litlum fernum og gos úr dós
  
• Til að spara ferðir í þvottahúsið þá kaupi ég mér bara ný föt
• Það er reyndar svolítið dýrt
• Sofa í svefnpoka - Þá þarf maður eiginlega ekki einu sinni lak
• Fínt að taka með sér handklæði í sturtu af og til, henda svo bara á ofnin og þau eru sem ný næsta dag
  
• Þegar rykhnoðrarnir eru orðnir mjög áberandi er fínt að hafa bara slökkt öll ljós og kveikja á kertum. Þá sést ekki að maður hafi ekki ryksugað síðan í maí

Ég kann fullt í viðbót ef þið viljið. Ég er að pæla í að fara að kenna kúrs í þessum efnum.
Það er samt ekki drasl hjá mér. Komið bara í heimsókn. Gæti samt verið að ég verði með slökkt öll ljós... ;)

Krafthelvede

Jájá, ég er svo þokkalega að massa þennan dag.
Byrjaði á því að sofa ekki neitt í nótt. Eða kannski dottaði ég í svona einn og hálfan tíma í mesta lagi. En það er mér að kenna. Ákvað nú samt að hendast fótgangandi í skólann. Ógreidd og ómáluð í jogging gallanum og adidas inniskónum. Algjört trash.
Tveir tímar af óskiljanlegri sölusálfræði. Carsten, umsjónarkennarinn minn sagði reyndar að ég hefði þetta í mér og mætti ekki pirrast svona hrottalega mikið ef að ég skildi ekki eitthvað. En núna er ég alveg búin að skilja hvernig á að feika verð og hvað er tilfinnginanæm vara og hvað er ótilfinninganæm vara. Dásemd.
Þriggja tíma eyða og ég fór EKKI heim að sofa.
Núna er svo komið að tvöföldum Private Økonomi. Fengum það skemmtilega verkefni að fara niðrí bæ og tala við einhvern lánagaur í einhverjum banka. Plehh.

Mig langar niðrí bæ og fá mér bjór á útikaffihúsi. Það er klikkað gott veður.
Hmm, ég er orðin geðvond. Var að uppgötva að ég er ekkert búin að éta í dag..

PappaRassi

Einhverjir bankastarfsmenn í strætó..

Stjörnurnar tala..

3.9.2007

Fiskar: Vissar upplifanir henta þér svo fullkomlega að þær gætu ekki verið ætlaðar öðrum. En passaðu þig á beitu ánægjunnar - hún er föst við öngul.

- Mig langar ekki að fá öngul í mig..!

4.9.2007

Fiskar: Reyndu að heilla almenning með þínum hámenntaða hugsanahætti. Þú heldur að þú hafir ekkert áhugavert um málið að segja, en það er alls ekki rétt. Byrjaðu bara að tala.

-Þetta er hillaríus. Ég er alltaf að tuða um að ég hafi ekkert að blogga um. Núna veit ég það að ég á bara að byrja að tala og hætta þessu tuði.

Pleeehhh hvað það er hræðilegur mánudagur í mér. Svaf næstum því yfir mig og allt. Samt átti ég að mæta klukkan 10.15 - Allir í skólanum svaka happy, með munnræpu og vilja endilega tala útí eitt um eitthvað sem mér er svooo alveg sama um. Það er ekki í lagi með fólk.
Nenni ekki í Private Økonomi. Þá þarf ég að hugsa OG berjast við að halda mér vakandi.
Langar í kaffi. Er ekki einhver sem nennir að fara á Starbucks og ná í einn latte? Bara svona svo að greyið stelpan við hliðiná mér missi ekki útlim..djöfull gæti ég bitið hana akkúrat núna. Leiðinleg gella.

Að gera ekkert

Djöfull er ég orðin ógeðslega góð í að gera ekkert. Ég sagði við einhvern hérna fyrir helgi að ég ætlaði ekki að gera neitt alla helgina. Ég vissi þó ekki að ég gæti tekið sjálfa mig svona alvarlega og gert bókstaflega ekkert heila helgi.

Reyndar var ég í Århus allan föstudaginn eftir skóla. En gerði ekkert af viti þar. Hékk í búðum, með iPodinn í eyrunum og drakk ótrúlega gott kaffi. Uppgötvaði reyndar að ég er mjög gráðug þegar kemur að kaffi. Ég er ennþá dofin í munninum eftir að hafa reynt að taka stóóóran sopa af latte-inu þegar það var nýkomið í bollann.

Ég er búin að vera svo mikil lufsa síðan ég kom til DK aftur að það hálfa væri ágætt. Til að mynda er ég búin að vera í joggingbuxum og hettupeysum síðan ég kom. Er búin að fara svona þrisvar í gallabuxur og tvisvar í pils á 3 vikum. Búin að vera ómáluð og mæta á inniskónum í skólann. Hvort sem er ekkert varið í þessa dani þannig að ég held nú að þetta sé í lagi.
Ég er komin með sjónvarpsdagskrána innprentaða inní hausinn á mér og svo þegar það er ekkert í sjónvarpinu þá horfi ég bara á Önnu Pihl eða einhverjar myndir. Viljiði pæla?
Spurning um að fara að stíga uppúr sófanum og fara að gera eitthvað.