Stjáni

á afmæli í dag.

Ég vildi nú bara óska honum til hamingju með að eiga bara eitt ár eftir í fertugsaldurinn.

Afmælisbarnið verður að heiman í dag. Hann ætlar að vera viðstaddur lessubrúðkaup í Kaupmannahöfn!

Við Stjáni á Þorrablóti IFH!

Vika

Ekki neitt!

Draslið heima hjá mér hefur náð nýjum víddum. Það er útum allt! Reyndar eru þetta einungis föt og skólabækur sem liggur hér á víð og dreif, en það er sama. Verð að koma einhverju skipulagi á þetta, helst ekki seinna en í gær.

Mig vantar líka einhvern sem er sjúklega klár að innrétta. Veit ekkert hvernig ég á að hafa hérna heima hjá mér. Ætli það sé samt ekki sama hvernig maður hefur þetta, það verður alltaf þannig að maður leggur frá sér einn hlut og þá er komið drasl.

Var annars að koma heim. Unglingaklúbburinn minn hittist á Onsdagsbarnum áðan og ég bustaði þau öll í singstar. Dúettinn okkar Vilborgar sló samt öll met. "I WANNA KNOW WHAT LOVE IS!!"

Jæja, svefnleysið loksins farið að segja almennilega til sín. Ég er svo þreytt að ég gæti sprungið. Hugsa að ég taki smá til og fari svo í bælið.

Ehh, já eitt enn. Var að taka til í linkunum mínum og bætti við nokkrum. Ef einhver vill ekki vera með link á síðuna sína þarna eða telur sig eiga skilið að fá link, sendið þá póst á kristinalma@hotmail.com

:)

Fyrirgefðu

Í færslunni hér að neðan tala ég um að ég sé að fara í ökumat í Grundarfirði. Svo segi ég að það yrði helvíti vandræðalegt að falla á þessu svona lengst útí sveit.
Vil biðjast afsökunar á þessu. Grundarfjörður er nafli alheimsins. Ekki Reykjavík eins og ég hef haldið fram statt og stöðugt frá því ég gat talað. Heldur Grundarfjörður.
Máli mínu til stuðnings vil ég benda á að Bangsi Bestaskinn leitaði að Grundó þegar sá ágæti þáttur var og hét...

Smellið HÉR til að sjá allt Intróið.

9 dagar

Það eru 9 dagar í að ég komist heim til Íslands. Er of snemmt að byrja að pakka núna?

Við vorum að fatta að við verðum í loftinu þegar ég á afmæli. Lendum held ég klukkan 00.30 þann 14. mars. Þannig að ég get stokkið beint út og keypt tollinn!
Er á fullu að reyna að plana þessa Íslandsferð. Þarf nefninlega nauðsynlega að fara í Grundarfjörð. Í ökumat. Og bara mat. Er svo stressuð fyrir því, vandræðalegt að falla á ökumati lengst útí sveit!!

Ég er að reyna að ákveða mig hvort að ég eigi að vera að hafa kökuboð fyrir famelíuna. Það er nú bara hægara sagt en gert með þessa huges famelíu mína :) En langar svo að hitta alla, þannig að það verður nú líklegast samt eitthvað smá kökukaffi. Bara á eftir að finna stað til að hafa það á. Kemur í ljós. Væri náttúrulega sniðugast að við Salka myndum bara halda uppá 25 ára afmælið okkar. Þar sem litla sponsið mitt verður 5 ára 25. mars. Hræðilegt hvað þessi börn stækka.

---

Fékk snemmbúna afmælisgjöf á sunnudaginn. Abba showið frá London var hérna í Horsens í einhverja 10 daga og Villi var svo sætur að bjóða mér á það. Svo ég þyrfti nú ekki að fara til London(s) í leikhús. Var ekkert smá flott, maður var með tár í augunum og gæsahúð til skiptis.
Svo kíktum við á Svanhildi í Vejle. Fórum á Konrads og kjöftuðum þar fram að lokun. Voða gaman hjá okkur. Er búin að fatta það núna að það er ekkert langt að fara til Vejle í heimsókn.

Well, best að fara að horfa á Juno. Unglingaklúbburinn minn hérna í Horsens er með Video-kósý kvöld á miðvikudaginn og ég þarf að athuga hvort þessi mynd sé nokkuð ógeðsleg. Ætla ekki að fá símhringingar frá brjáluðum mosamömmum á fimmtudaginn :)

Tvífarar

Held ég fari bara að splæsa í klippingu. Vantar krullur líka, hvar kaupir maður svoleiðis?

Enn meira svefnleysi

Já, get nú aldeils sagt að ég hafi tekið framförum í dag. Náði að festa svefn að verða 7 í morgun og svaf til 10:45 í einum rykk. Ekki slæmt það. Fannst ég líka úthvíld þegar ég vaknaði.

Maður verður dáldið geðveikur á svona svefnleysi og held ég að það sé kominn tími til að láta athuga þetta eitthvað, svo það verður farin læknisferð í vikunni, ef ég fer ekki að ná að sofa, enda ekki alveg eðlilegt að tvítug og hraust stelpa hætti að sofa allt í einu! Kannski er þetta ellimerki..?

Verð allavega að vera búin að sofa eitthvað áður en ég kem til Íslands, því annars eru mikil hætta á að ég sofi bara útí eitt í sveitinni, svo rólegt þar.

Já, það er kannski rétt að benda dyggum lesendum frosksins á að jólarósin dó drottni sínum í vikunni. Enda ef eigandinn er eins og liðið lík, þá verður blómið það líka.
Hélt lífinu í blessuðu blóminu í rúma 3 mánuði! Núna get ég fengið mér gæludýr og prufað að halda lífinu í því, ef það gengur upp og ég skola ekki gullfiskabúrið með sápu þá er mér óhætt að fara að hrúga niður börnum. Það er víst reglan.
Svo vill pabbi líka verða afi fyrir fertugt þannig að það er eins gott að fara að haska sér!!!
Djóóók :)

Jæja, best að pilla sér, er að fara í matarboð til Stjána. Hann býr í Köben og þetta var ákveðið fyrir korteri að við myndum fara. Elska skyndiákvarðanir :)

Það hefur verið staðfest!

Þegar ég var búin til, var greinilega ekki verið að vanda sig. Það liggur í augum uppi að það hafi verið spreðað óþarflega mikið af karla-genum í mig.
Allavega svona ef þið horfið á þetta myndband (ekki myndband af þeirri athöfn samt).

Ég verð svona þegar ég er veik. Eins og núna. Ég á svooooo bágt að mig langar bara að fara heim til mömmu og liggja í mömmuholu þangað til mér batnar.

Er samt bara með smá hita, beinverki og hálsbólgu. Ekkert alvarlegt..

Konur eru konum verstar :)

Jáhá.
Það er stelpa hérna í kantínunni í skólanum þar sem ég sit núna og er hágrátandi að tala við einhvern (örugglega kærastann, sem býr í öðru landi langt í burtu) á skype og er með hann í webcam.
Þau tala skrítna útlensku sem ég skil ekki.
En allt í einu þá leit hún svona flóttalega í kringum sig og fór svo að skellihlægja. Snéri svo tölvunni að mér þannig að ég sæist í webcaminu. Leiðinleg maður. Ég veit ég er eins og draugur, með bauga niður á nafla og orðin veik í þokkabót með hausverk, beinverki og hitavellu. En það á að vorkenna manni í svoleiðis ástandi, ekki hlægja eins og norn og sýna einhverjum gaur í Rússlandi hvað ég er tussuleg!
Kannski er ég bara svona ljót in general. Hvað veit maður!

Þá hætti ég allavega að vorkenna henni að vera svona í burtu frá kærastanum sínum og eitthvað. Langar að hrækja á hana.

En best að halda áfram að vinna. Þetta hjélvíti græjar sig ekki sjálft :)

16 dagar

Jeminn.
Það eru alveg takmörk fyrir hvað maður nennir að hlusta á eitthvað röfl um Sókrates eftir þriggja tíma svefn. Sérstaklega þegar maður svaf í 2 tíma nóttina á undan.
Virðist þjást af einhverjum svefnörðuleikum þessa dagana sem lýsa sér þannig að ég ligg andvaka hálfa nóttina, svo loksins þegar ég festi svefn þá hrekk ég upp aftur eftir smá stund og þá verð ég aftur andvaka, sofna svo loksins og vakna aftur eftir smá stund. Svona genga næturnar á Kollegievænget fyrir sig þessa dagana. Gífurleg stemmning!!
Vona að þetta fari að ganga yfir.
Annars verður að fara að gera einhverjar róttækar ráðstafanir. Því ekki hef ég tíma til að leggja mig á daginn.

16 dagar í að ég, Villi og Stjáni fljúgum til Íslands og ég held að ég sé bara hreinlega að deyja úr spenning. Langt síðan ég hef hlakkað svona mikið til einhvers. Er alveg eins og lítið barn að bíða eftir jólunum.
Verður alveg frábært að komast aðeins heim og hitta alla :)

*Á myndinni er Baldur Freyr Almarsson

Konudagur

Arna mín, til hamingju með daginn :)

Bara ein blaðamannaverðlaun!

Jæja, maður hefur kannski smá rétt á að vera montinn núna. Pabbi og Þóra voru að fá blaðamannaverðlaun. Alveg vissi ég að þau myndu "hneppa hrossið", þó að pabbi hafi verið hógværðin uppmáluð og sagt að þau myndu ekkert fá þessi verðlaun. Deildu þessum verðlaunum reyndar með DV, en hverjum er ekki sama.

Siimar og Fóra áttu þetta allavega skilið.




Svo vona ég innilega að þessi verðlaun hafi verið í formi styttu, eða bikar. Svo að þessi ljóta Edda geti farið niðrí geymslu :)

Aldrei kaus ég Framsókn!?

Mikið ofboðslega finnst mér íslensk pólitík eitthvað sandkassaleiksleg þessa dagana.

Er ekki lýðræði á Íslandi lengur?
Er Össur Skarphéðinsson ekki farinn sooooldið langt yfir strikið?

Í næstu kosningum ætla ég bara að kjósa Framsókn. Því Guðni Ágústson sagði að ég væri falleg stúlka þegar hann kom og var veislustjóri á þorrablótinu okkar síðustu helgi.

Svona leit ég út þegar ég hitti Guðna. Veit ekki hvað greyið maðurinn hefur haldið :)

Love will keep you warm..

Mikið ofboðslega leiðist mér útlenska sem ég skil ekki.
Sko, ég sit nefninlega uppí skóla og það eru einhverjir frakkar (eða jakkar) að tala við aðra frakka á skype eða eitthvað. Sitja tveir í sitthvorri tölvunni og blaðra eins og enginn sé morgundagurinn. Fáið ykkur headset fólk!
Síðan eru öðruvísi útlendingar að éta einhverjar gamlar matarleyfar úr kantínunni. Ojbarasta! Frekar myndi ég borða ælu sem hefði kúkað á súrt hey heldur en að borða gamlan mat úr þessari kantínu, eiginlega heldur ekki nýjan, ef útí það er farið - Ógeðs fólk og ógeðs kantína.
Gleðileg færsla maður.
Er í tilvistarkreppu dauðans.

------

Mamma elti Jón Pétur til Íslands í gær. Kom við hjá Stjána í leiðinni. Ótrúlegt með mömmu, hún á 5 börn en verður samt að vera mamma allra. Því 5 börn og hundur er jú ekki nóg :)
Meðan hún er á Íslandi þá ætla ég að stjórnast á litlu greyjunum. Held þeim finnist það ágætt. Mér finnst það allvega fínt, þá hefur maður allavega nóg fyrir stafni.

-----

Kræst hvað Pernille Rosendal er ógeðslega töff gella.

Varð bara að koma því að, því ég er í einhverju "nostalgíu" kasti að hlusta á Swan Lee..

Jemundur minn!

Ég er koffín fíkill.
Ætlaði að reyna að komast í gegnum daginn án þess að fá mér coke eða kaffi. Dó næstum.
Endaði með því klukkan 18:00 að ég fékk mér coke og var það einungis til þess að ég myndi ekki ráðast á systkini mín. 18:03 var ég orðin ljúf sem lamb.
Síðan drakk ég smá meira coke þegar ég fór að passa bróðurson minn, hann Gunnar rúsínukrúttrass. Svo tapaði ég mér alveg í gleðinni þegar að ég fór hingað uppí skóla um 10 leytið. Kaaaaafffffffiiiiiii!!!!!! :)

Taka tvö á morgun..

Ha já!

Jón Pétur farinn heim að sparka í tuðru fyrir vestan og pínu tómlegt hérna hjá okkur í Hrossanesi. Allavega búið að vera það í dag, en við verðum fljót að gleyma. Allir nema mamma, því hún virðist ekki ætla að sætta sig við að það séu allir að flytja frá henni þannig að hún ætlar að drífa sig til Íslands á fimmtudaginn til þess að kíkja á liðið og athuga hvort það sé ekki í lagi með alla.

Ég sjálf virðist ekki vera með jafn mikinn aðskilnaðarkvíða þannig að ég á ekki pantað far heim fyrr en eftir rúmar 3 vikur, eða 13 mars. Lendi eftir miðnætti þannig að næst þegar þið sjáið mig verð ég búin að vera tvítug í nokkra klukkutíma.

Mikil tilhlökkun, því kvöldið 14. mars (afmælisdaginn minn) ætla Sálin hans Jóns míns að halda uppá 20 ára afmælið sitt líka, svo í staðinn fyrir að halda brjálað partý þá ætla ég að skella mér bara í höllina ásamt fríðu föruneyti og gera allt vitlaust. Meeen hvað verður ruddalega gaman!!

Annars er allt í fínu formi bara. Skólinn alveg á skrilljón og það er sko engin afslöppun. Þorrablótið búið og var alveg ógeðslega skemmtilegt. Svo núna er fundarfrí í stjórninni í held ég alveg rúmlega viku.

Sumarið kíkti við í síðustu viku. Allt að verða grænt bara :)

Jæja, best að hætta þessu rugli, og koma sér af stað í smá vinnu :)

Fyrir þann gamla og Valdísi

Uppskriftin er svona, alveg megahega einföld..

Ca 4 kjúklingabringur
Ostasósa
Salsasósa
Rifinn ostur
1 poki Doritos snakk

Aðferð:

Kjúklingabringurnar eru skornar í bita, steiktar á pönnu og kryddaðar vel eftir smekk (finnst best að nota fahitas kryddblöndu).
Doritos snakk er mulið og sett í botn á eldföstu móti. Ostasósan þar ofaná og síðan salsasósan. Síðan eru steiktar kjúklingabringurnar settar þar ofaná og síðan rifinn ostur. Sett inn í ofn í 15-20 mín 200°

Mér finnst líka fínt að hafa bara hreinan smurost í staðinn fyrir ostasósuna. Ég gerði það þegar þið voruð í mat. Þá blanda ég bara saman salsasósu og smurosti og dembi yfir snakkið.

Tilvalið

Finnst tilvalið að birta mynd af jólarósinni sem er tveggja og hálfs mánaða í dag. Ég er sem sagt buin að setja nýtt met í uppihaldi blóma í fjölskyldunni. Fyrir utan ömmu.

Hún er alveg í þrusu stuði og hress sem fress (blómið sko) Fær vatn að drekka öðru hvoru og síðan finnst virðist hún líta best út þegar hún fær afgangs coke, eða annað gos. Skil þetta ekki alveg.

Hér er ein artý ljósmynd sem ég tók af henni um daginn. Held ég þurfi að fara að þurrka af kvikindinu..

up-date

Ætli það sé ekki kominn tími á smá blogg.
Ég held áfram að græða á Íslendingunum sem eru að flytja í burtu. Svo virðist sem þeir keppist um að reyna að toppa hvern annan, sem ég skil svona ekki alveg, en það er nú víst ég sem er að græða þannig að maður kvartar ekki.

Stjáni:

• Copy kort sem maður getur notað í skólanum, kom sér einstaklega vel!
• Jagermaster svitaband á hendina

Bjarni og Arna:

• Vatnskanna
• Straujárn
• Þráðlaus sími

Garðar og Íris

• Örbylgjuofn

Jón Pétur

• Lager af bollasúpum (Enda greyið líklega kominn með ógeð eftir sumarbústaðarferðina þar sem hann svolgraði í sig svona 30 lítrum af þessu)
• Fótboltasokkar og stuttbuxur
• Stóll
• Heimabíó
• Sjónvarp

Víjj, hvað ég hlakka til þegar að næsta fólk flytur :)

Annars er allt frábært að frétta.
Það er reyndar alveg nóg að gera, sem er alveg fínt. Brjálað að gera í verkefninu fyrir Frikka og ég held barasta að þetta sé besti landafræði kennsla sem ég hef fengið í lífinu. En jafnframt sú strembnasta, því þetta er svoldið mikil handavinna, en samt bara gaman svona þegar að er farið að síga á seinni hlutann.

Skólinn byrjaði á milljón og tíu á mánudaginn, og þetta er alveg svaka keyrsla, svona þegar að það er ekki verið að breyta stundartöflunni og eitthvað vesen. En ég er reyndar svo heppin að ég er ekki í Eðlisfræði og Efnafræði þannig að ég mæti klukkan 10 nánast alla daga og er búin fyrr tvisvar eða þrisvar í viku. Annars líst mér bara mjög vel á þetta allt. Erum 8 Íslendingar í bekknum, allir nýfluttir nema ég, þannig að við reynum svona að hjálpast að með námið, sem er fínt.
Sem sagt allt komið á blússandi sving, eins og pabbi orðaði svo skemmtilega.

Svo er ég komin með herbergisfélaga. Jón Pétur flutti inn á mánudaginn og ætlar að vera fram á þriðjudag, þá flytur hann til Íslands. Voðalega notalegt að búa svona tveir einstaklingar í öllu þessu plássi :) Ég, hann og Jólarósin sem er enn á lífi unum okkur nú samt bara vel þarna saman.

Þorrablót á laugardaginn og mikið stúss sem fylgir því, ég ásamt öðrum kjéllingum úr stjórninni erum að fara að baka rúgbrauð ofaní 200 mans á morgun. Hressandi!!

Jæja, held að allir séu löngu hættir að lesa núna, svo best að slútta þessu.

Fyrir Þóru..!

Var að taka til í tölvunni og fann fullt af baby-myndum af Kötlu. Algjört feitabollurassgat sko!

Fyrir ári..

Vá hvað margt getur breyst á einu ári. Hérna erum við Íris á leiðinni á djammið í lok janúar 2007.
Ýmislegt gerst síðan þarna..!
Íris er til dæmis komin með mann, hús, station og hjólbörur.
Ég.. tjah, fékk mér skjaldböku og skilaði henni aftur.

...

Jájá, tölvan mín er komin á gelgjuna. Gerir ekkert sem hún er beðin um. Þess vegna er eitthvað lítið um blogg..

Verið stillt.

Ég poppa til að gleyma

Játs, ég er svo að græða feitast á þessum fræðingum mínum. Núna eru þeir allir að losa sig við dót og gömul heimilistæki svo ég er fengin til að hirða allt. Enda vantar mig ennþá allskonar svona bú-hluti, þó ég sé búin að búa ein í næstum ár.
Núna eru fræðingarnir ýmist að flytja heim eða þá bara að update-a búslóðina. Þá kemur sér vel að geta bara hringt í mig og látið mig fá dótið. Nýtist mér og þau sleppa við að fara ferð á haugana.
Það sem ég er búin að græða síðan fyrir viku síðan er

• Straujárn (Svo nú fer ég að sofa alltaf í straujuðum rúmfötum eins og í Grundó)
• Vatnskönnu (Því ég ætla að drekka meira vatn og minna coke)
• Þráðlausan síma (Því það er nauðsynlegt að geta talað í síman á klóinu)
• Örbylgjuofn (Ég poppa til að gleyma)

Nú vantar mig bara sófa..

Bleikir þríhyrningar

Jájá, eins og janúar sé nú ekki nógu leiðinlegur mánuður að maður fari ekki að vera veikur ofaní allt annað þunglyndi. Ég er að drukkna í mínu eigin hori. Sem er ekki töff. Rautt nef, fljótandi augu, hausverkur og beinverkir. Svaka hot að vera með hor í öllum skúmaskotum í hausnum og geta ekki andað nema með herkjum og þá gegnum munninn.
En þetta hlýtur nú að ganga yfir.

Sem betur fer styttist í Florida og "krúsið" um Karabískahafið :) Ekki nema 5 mánuðir mínus 2 dagar :)

Vá, útskriftin búin. Í júlí 2004 virtist þessi dagur vera eitthvað svo ofboðslega langt í burtu. Almáttugur minn, hvað ég vissi ekki hvernig ég átti að haga mér þarna í útskriftinni áðan. Hvort ég ætti að grenja eða hlæja eða hvað. Svo ég og mamma sendum þeim öllum bara "Rock on" þegar þeir tóku á móti skírteininu. Fékk svo óneitanlega kjánahroll niðrí rassgat þegar að nafn eins tiltekins Byggingarfræðings var kallað upp og hann bara að dúlla sér í IKEA. Vandræðalegt.

En ætla nú bara að segja til hamingju allir og skemmtið ykkur í partý-inu í kvöld.

-Sjálf ætla ég að passa drekann. Hendast með hann á McDonalds og svo ætlum við að horfa á video og fá okkur popp.

Jæja gott fólk!

Allir voru byggingarfræðingar nema Stjáni, hann var bjáni!

Mér finnst ég ekkert lítið fyndin að hafa samið þennan brandara alveg sjálf. Verst að Stjána greyinu finnst ég ekki jafn fyndin, því hann á eina önn eftir af byggingarfræðinni.
Köggli kláraði í dag og erum við því komin með fjóra byggingarfræðinga í litlu stórfjölskylduna, ekki amalegt það. Fyrir eigum við svona einn lögfræðing, eða lögfræðínu (KVK). Vantar ekki fræðingana!
Svo á næstu árum bætist svo við hópinn annar Byggingarfræðingur, Viðskiptafræðingur, Uppeldisfræðingur, Framleiðslutæknifræðingur og Markaðsfræðingur.
Gaman að þessu.
Nú er það bara útskriftin hjá pjökkunum og svo er það bara að fylla alla gáma af flatskjáum, sófasettum og Rosendahl matarstellum svo fræðingarnir geti flutt til Íslands og byrjað að borga námslánin :)

Fyndnast í heimi

Guð minn góður hvað ég fékk næstum nýrnasteina af hlátri þegar að ég sá þetta.

Hvernig er hægt að finna uppá svona ógeðslega-tussu-mellu-fyndnu? Fröken Feministi. Maður verður að vera gjörsamlega sneiddur öllum húmor til að finnast þetta ekki fyndið.

Jamm og jú

Æji hvað ég er eitthvað glær. Hið árlega skammdegisþunglyndi virkilega farið að segja til sín. Er alltaf glær af þreytu og þyrfti að sofa svona 20 tíma á sólarhring ef vel ætti að vera. En er samt svona að hugsa um að reyna að koma svefninum mínum í nokkuð rétt form svona á næstu dögum og sjá hvort að þessi síþreyta lagist ekki. Svo gengur víst ekki að sofna klukkan 4 og 5 á nóttunni þegar að skólainn byrjar í febrúar.
Held að mér sé farið að hlakka til að byrja í þessum nýja skóla. En get samt ekki gert upp við mig hvort að mér eigi að hlakka til eða kvíða fyrir eða hvað. Kannski útaf því að það er enn smá óvissa með framhaldið. Líka í sambandi við Lín. Ef Lín-konan sem ég meilaði á fyrir viku síðan les þetta þá er hún vinsamlegast beðin um að svara mér!!!
Annars þá fann ég þessa líka fínu stjörnuspá á netinu og þetta lýsir mér bara alveg nokkuð vel. Allavega í augnablikinu. Þetta er nú samt eitthvað voða mikið djók. En samt soldið fyndið.

Fiskur (19. febrúar - 20. mars): Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann.

Gaman að þessu!

Best að ég fari bara að sofa í hausinn á mér, þetta er alveg drullu leiðinleg færsla!!!

Nýtt ár, nýjar áherslur..

Svona til að vera ekki svona döll alltaf þá er ég að hugsa um að gera doldið flippað í ár. Er að hugsa um að halda með Manchester United núna. Hvað segir fólkið um það?
Ég nefninlega á Manchester treyjuna og finnst algjör synd að geta ekki notað hana, sem ég get augljóslega ekki ef ég held með Arsenal.
Eina sem ég hef áhyggjur af er það að pabbi afneiti mér. Og mamma líka. Má ekki við því, er að verða tvítug eftir akkúrat tvo mánuði og á von á stórum gjöfum. Verður ekki mikið um stórar gjafir ef að ég svíkist um fótboltalið.
En á móti kemur að móðurbræður mínir, föðurbróðir og strákarnir hérna úti halda með Manchester, svo það gæti kannski stækkað gjafirnar frá þeim að ég skuli halda með þeirra liði. Svo er annað í þessu. Ég á ekki og hef aldrei átt Arsenal treyju. Bara sængurföt.

Maður spyr sig!!!

Frábært! Maður er rétt svo búin að sætta sig við að nóa konfektið, íslenska appelsínið, vatnið og útisundið er ekki til í Danmörku. Maður er við það að taka Haribo, Faxi kondi, kalkvatn og ógeðs innisundlaugar í sátt þegar að þeir snillingarnir í sjónvarpinu sýna einhvern þátt um Ísland.
Jájá, einhverjir danir, sponsaðir af fjallraven bak og fyrir og upp og niður fara í ferðalag til Íslands og gera allt það skemmtilega. Sofa í tjaldi, fara í hvalaskoðun, hestbak, skoða íslenska náttúru, fara í jarðböð, éta ógeðslega girnilegan og djúsí grillmat og ég veit ekki hvað.
Langaði að grenja. Þurfti aðeins að slá mig og minna mig á að það er korter síðan ég kom frá Íslandi og ekki nema 10 vikur í að ég fari þangað aftur.

Samt greinilega ekki allir jafn áhugasamir og ég um að horfa á litla Ísland í danska sjónvarpinu, því þegar ég nefndi þetta við einn vin minn, þá sagði hann "Það eru samt svo flottar kellingar í myndinni á TV3!"
Myndin sem var í gangi þar þegar ég skipti um stöð til að athuga (Já, ég held ég sé að verða lesbísk á að umgangast þessa strákorma.) þá var það myndin Bring it on..again eða eitthvað álíka spennandi.

Bækur

Einu sinni var ég algjör bókaormur. Hakkaði í mig hverja bókina af fætur annari og fór létt með það. Sú er ekki raunin í dag. Ég er alltof löt við að lesa bækur og enn latari við að klára þær. Það er nefninlega þannig með mig að ég byrja á bókunum, les þær alveg á met-tíma þangað til ég er komin að síðustu köflunum. Þá hætti ég bara og byrja oftast á einhverri nýrri bók og sama sagan endurtekur sig. Flestir eiga akkúrat erfiðast með að byrja á því að lesa bækur. Ég hef ekki klárað bók síðan ég man ekki einu sinni hvenær.
Ég var allavega að taka til hérna hjá mér, og fann heilu staflana af bókum, sem ég hef ekki klárað. Og núna er ég akkúrat að lesa Joachim Boldsen -Ærlig talt! Ég er að verða komin um miðja bók og ég er að segja ykkur það, Ósagt eftir Eyvind Karlson ásækir mig í svefni og segir "lestu mig, lestu mig"!
Held það sé bara í lagi að fara að leggja mig inn fljótlega.

Grundómyndir

Myndavélin mín varð eftir á Íslandi, ásamt danska símkortinu mínu, málingardótinu mínu og bara eiginlega öllum fötunum mínum. Svo það eru Grundómyndir í boði Villa bróður (hans JP).
Ég lagið mig alla fram í að vera spastísk á öllum myndunum, ég held að ég sé ekki svona ljót og asnaleg í alvöru sko. Vona ekki allavega.

Frosið vatn

Villi líklega að segja eitthvað voða fyndið

Klifraði yfir hliðið, sem var svo ekki læst!!!!

Kirkjufellið á sínum stað

Grundarfjörður

Bústaðurinn frægi

Ég var svo hot á sleðanum að snjórinn bráðnaði!

Ertu með klofinn góm?

Komin heim úr sveitinni. Voða notó að fara svona í sveitina að tjilla, sofa í straujuðum sængurfötum og borða hrygg í hádeginu.

En annars er ég bara á leiðinni útá Keflavíkurflugvöll eftir 3 tíma eða svo. Þaðan er förinni svo heitið til danaveldis.

Æji hvað verður gott að komast heim og sofa í almennilegu rúmi. Efri kojan er ekki töff lengur, ég er að verða tvítug for crying out loud. Að skrönglast þarna upp og niður tvisvar á dag er bara doldið off.

Samt búið að vera voða gott að vera á Íslandi, búin að hafa það voða notalegt í faðmi fjölskyldunar. Dúllast með Sölku systir og svona. Fór í sund og bað eins eins og enginn væri morgundagurinn og er líklega komin með sundfit milli tánna.

Át er líkleg orðið keppnisgrein, allavega miða við fjölskylduboðin þessi jólin. Ég er líka komin með myndarlegt munnangur eftir að hafa þambað jólaöl og étið nóakonfekt nánast nonstop í 4 daga.

Gamanafessu!

Jæja, ætla að fara að taka síðasta baðið áður en ég fer heim.

Myndin er af Sölku, með gelgjusvip dauðans!

Blassaður

Jájá, ég er bara komin í sveitina að sjilla í 9 stiga frosti.

Vona að ég hitti Gísla göngutúr og Kibba Rabba.

Gleðileg jólin!

Ætla bara að segja frá því að ég er búin að hafa það alltof gott um jólin. Bara afslappelsi og át í faðmi fjölskyldunar. Við pabbi búin að dúlla okkur saman hérna heima milli jólaboða. Sátum til að mynda saman inní eldhúsi klukkan 01.00 í nótt og átum kókópöffs.
Núna erum við að horfa á Portsmouth - Arsenal, svona meðan við meltum hangikjötsskammt númer 59 þessi jólin.
Rosisky er búinn að vera helvíti sprækur í leiknum og okkar menn spila samt full þröngt. Núna finnst okkur samt að það ætti að taka Adebayor útaf, hann er ekki að gera rassgat. Henda Bentner, dananum inná í staðinn. Hann er svo ungur og sætur, enda pabbi er búinn að panta hann fyrir tengdason. Spurning hvað Salka gerir í því. Ég ætla allavega ekki að fá mér danskan mann!!!

Þið fáið myndir, nenni ekki að skrifa meira. Tók 146 myndir á tveim dögum. Fríða Margrét er á þeim flestum ásamt Baldri Frey. Greinilegt að þau yngstu finnst skemmtilegast að láta mynda sig!!

Villi og Svanhvít hress

Alma Diljá og Baldur Freyr

Emil og Sonja

Ein lítil Katla við stórt borð

Baldur Freyr

Fríða Margrét og Kristín Alma

Ronja komin með jólakrulluband um hálsinn

Pabbi og Salka

Maja Melasól

Pabbi að elda steikina

Frumlegasta jólagjöfin í ár, frá Kötlu og Þóru

Pabbi og Baldur Freyr

Almar, Alma Diljá, Tómas Orri og Fríða Margrét

Fríða Margrét sætasta

Almar og Fríða Margrét

Salka og Fríða Margrét

Aftur

Baldur Freyr svaf úti í góðum fíling

Baldur Freyr og Kristín Alma

Pleh

Sérdeilis skemmtilegt að það hafi allt verið hvítt þegar ég vaknaði í morgun. Dreif mig í sund og lá þar í tvo tíma. Í pottnum. Voða notó að fá hlussusnjókorn í andlitið og vera með kroppinn á bólakafi í sjóðandi heitu vatni. Ahhh.
Vann síðasta daginn í BabySam í dag. Skondið að vinna á aðfangadag, því meðan ég stóð og var að afgreiða taubleyjur og ömmustóla þá var til dæmis jólagrauturinn hjá mömmu. En lifi af að hafa misst af því, hefði líka misst af því þó ég hefði ekki verið að vinna. Fékk mér bara kókópöffs í staðinn.
Annars er ekki mikið stress hérna í Kórsölum. Það eru túrbójól hérna þetta árið og er heimilið lýst upp með jólaseríum. Kötturinn kominn með jólaslaufu um hálsinn og er ekki frá því að hún sé minna grumpy en venjulega. Ætlum bara að fara með pakkana núna og ég ætla að kíkja á ömmu Stínu. Síðan er bara að græja sig, skella í sig einhverju með miklu koffíni og halda jólin. Markmið jólanna í ár er að reyna að halda sér vakandi fram yfir pakkaopnun og reyna að ná í kaffi til Almars og Gúu í kvöld. Annars sér maður bara hvað batteríin duga, efast um að þau fleyti mér svo langt :)

Er farin að hlakka til að geta sofið út á morgun og verið í náttfötunum. Allavega svona milli jólaboða. Horfa á næturvaktina og gera ekki rassgat fyrr en 27.des
Hlakka líka rosa mikið til að fara út aftur. Komast heim til mín :)

Smá svona

Það er ógeðslega gott að fara í sund eldsnemma á morgnana. Þá er alveg dimmt og ógeðslega kósý að vera í pottinum og slappa af meðan gömlu kallarnir ræða um pólitík. Sérstaklega gott ef að það er rigning mmmm. Elska að fara í sund á Íslandi. Þarf svo að fara í Bláa lónið ef einhver er game?

Það er líka gott að drekka Appelsín. Stelpurnar í vinnunni gera suddagrín af mér. Ég fer með amk 3 súperdósir á einum vinnudegi. Svo stúta ég svona einni eða tveim heima. Pissa líka á kortersfresti. Verð örugglega búin að drekka upp lagerinn hjá Egils á Þorláksmessu.

Kíkti í heimsókn í Samskip í gær. Varð fyrir MIKLUM vonbrigðum. Hvað varð um alla sætu strákana sem voru alltaf að vinna þarna? Ekki einn eftir! Hvað er það? Ekki einu sinni Diddi, þá er það nú slæmt..Hnjéhnjéhnjé :)
Dí maður. Var að vona eftir að þessi rauðhærði sæti sem ég var einu sinni ógeðslega skotin í og roðnaði niðrí rassgat þegar að hann var í kílómeters radíus við mig væri enn að vinna þarna. Sjii man ég hitti hann á djamminu og þorði ekki að líta í áttina að honum, hvað þá tala við hann! Steik :)

Ég er annars bara að vinna í BabySam í Smáralindinni eins og hefur komið fram nokkrum sinnum. Endilega kíkið í heimsókn þangað :)
Svo er Íslenska númerið mitt bara sama og venjulega 848-5313 - Finnst líklegt að ég kíki á djammið á laugardagskvöld (22.12.2007), látið heyra í ykkur.
Ætla að koma mér í bælið, er að fara að hitta Almar föðurbróðir og hans "hyski" í fyrramálið. Verður gaman að sjá þau. Sérstaklega Baldur Frey, þar sem ég sá hann síðast þegar hann var 2 mánaða!!

Hressandi!

Maður situr í sófanum, alveg nývaknaður í morgunfýlunni og les moggan á netinu (er bara ekki að fatta þetta með að mogginn komi inn um lúguna hérna ásamt DV og Fréttablaðinu..) þegar helv.. kötturinn kemur rennandi blautur inn og byrjar að nudda sér uppvið mann.
Núna er ég pirruð.
Ætla að fara í útisund í myrkrinu, núna.